Isaiah 12:6 - Tedim Bible

⁶ Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Tedim Bible Revision 2017

⁶ Zion-a teeng mite aw, nomauʼ lakah Israel-teʼ Siangtho Pa lianin om ahih manin lungdamin awng unla, lungdamin la sa un,” a cih hun uh hong tung ding hi.

Isaiah 12:6 Referans Kwoze

Zekhariah 2:5

Tua khuapi a hu dingin meikulh bangin Topa mahmah a om nading, leh tua khua sungah a minthan’na tawh a teen’ nading thu, Topa in kamciam zo hi, ci-in va gen in,” a ci hi.

Late 9:11

Zion-a om Topa phatna la sa un! Ama nasepnate mite lakah gen un!

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Ezekiel 48:35

Khuapi kimkot a sauna tong tul sawm leh tul giat pha a, tu-a kipanin hih khuapi min in, ‘Hih lai-ah Topa om hi,’ (Jehovah Shammah) kici ding hi,” hong ci hi.

Isaiah 54:1

Ta a suak lo a ciing numei aw, lasa in; nausuak natna a thuak ngei lo mi aw, lasa khia in la, lungdamna tawh kiko in! Bang hang hiam cih leh a kinusia nu’ tate pen a kiten’pih nu’ tate sangin tamzaw ding hi, Topa in ci hi.

Isaiah 41:16

amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israelte’ Siangtho Pa’ hangin na minthang ding uh hi.

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Late 71:22

Ka Pasian aw, na thumannate hangin kei zong harp lasakna tawh nangmah kong phat ding hi; Israelte’ Siangtho Pa aw, laiza lasakna tawh nangmah phatna ka sa ding hi.

Zefaniah 2:5

Tuipi gei-a gual teen, no Filistia gam mite aw, gimna na ngah ding uh hi. Filistia mite’ ten’na Kanaan leitang aw, Topa in nang tungah thu hong khen zo hi. Mi khempeuh a bei mang dongin, hong susia ding hi.

Ezekiel 43:7

“Ezekiel aw, hih lai munah ka kumpi tokhom om hi. Israel mite lak hih lai munah ka teeng ding a, amaute ka uk tawntung ding hi. Israel mite leh a kumpite un pasian dang biakna tawh ahi a, a kumpi sisate uh phawk nading mual bawlna tawh ahi zongin ka min siangtho daisak ngei nawn lo ding uh hi.

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Isaiah 33:24

I gam-a teeng mite kuamah in, “Ka ci na,” ci nawn lo ding uh a, mawhna khempeuh kimaisak ding hi.

Isaiah 30:19

Hi hi, Jerusalem khua sunga a teeng Zion sunga a om mite aw, note na kap nawn kei ding uh hi. Note’ huh ngen a, kahna aw hangin amah in hong hehpih taktak ding a, amah in a zak ciangin note hong dawng ding hi.

Isaiah 24:23

Tua ciangin khapi mial ding a, ni taang nawn lo ding hi; bang hang hiam cih leh Vanglianpen Topa in Zion Mual tung leh Jerusalem khua sungah uk ding a, ama upate’ mai-ah ama minthan’na kilangsak ding hi.

Isaiah 10:24

Tua ahih ciangin Topa, Vanglianpen Topa in hih bangin ci hi: “Zion-ah a teeng ka mihingte aw, Izipt mite’ hih bangin amaute in molhtum tawh hong satin a ciangkhut uh hong liik ciangin Assiria mite kihta kei un.

Isaiah 8:18

En un, Topa in kei hong piak ka tate leh keima pumpi pen, Zion Mual tunga a teeng Vanglianpen Topa’ tung panin Israel mite sungah lim leh kihilna ka hi uh hi.

Late 132:14

“Hih in ka om tawntung nading mun ahi hi; deih ka hih manin hih lai munah ka teeng ding hi.

Late 89:18

Kote kihutna in Topa kiang pan hi a, Israelte’ Siangtho Pa, nangmah in ka kumpipa uh nong pia hi.

Late 68:16

Mualdawn zum tampi a nei mual aw, Pasian in ama om nadinga a deih mual, Pasian a om tawntung nading mun, bang hangin en’na tawh en na hi hiam?

Late 46:5

Ama laizangah Pasian om a, amah a kiliing kei ding hi; Pasian in phalvak tungin amah huh ding hi.

Late 99:2

Zion khuapi-ah Topa lian hi; amah in leitung mi khempeuh uk hi.

Isaiah 1:24

Tua ahih ciangin, Topa, Vanglianpen Topa, Israelte’ Vanglian Pa in hih bangin ci hi: “Ah, ka lang ahi note tungah ka hehna kong khahkhia ding a, ka gal ahi note tungah keimah in kong thuk ding hi.

Isaiah 24:14

A suakta sun mite in lungdamin la sa ding uh hi. Nitumna lam a, om mite in Topa a liat mahmahna thu gen ding uh a,

Isaiah 60:16

Nupi khat in a ta nawi pia-in limtakin a kep bangin, ninamte leh kumpite in nang hong vakin hong kem ding uh hi. Tua ciangin kei pen Topa, nangmah Honpa, nangmah Tankhiapa, Jakob’ Vanglian Pa ka hihna na thei ding hi.

Jeremiah 10:6

Topa aw, nang bang mi kuamah om lo hi; nang na lian a, na min vanglian mahmah hi.

Ezekiel 35:10

“Keimah in Israel leh Judah mite’ Topa Pasian hi napi-in, hih minam nihte nangma’ aa in, ngaihsunin a luah dingin na kigen hi.

Ezekiel 39:7

Keima mi Israelte lakah ka min siangtho ka kitheisak ding a, keima min a dai dingin ka om sak nawn kei ding hi. Tua ciangin keimah pen a Siangtho, Israelte’ Pasian ahi Topa ka hihna thu minam khempeuh in hong thei ding uh hi,” hong ci hi.

Ezekiel 48:8

“Tuate zomah, Pasian’ adingin a kipia leitang hi ding a, a zaina pen leilu lam panin a kipan leitaw lam tong tul sawmnih leh tul nga hi ding hi. A dung lam pen gambup nisuahna gamgi panin gambup nitumna gamgi dong, minam dangte’ ngah zah tanh mah hi ding a, a laizang sanah biakinn om ding hi.

Hosea 11:9

Ka heh manin daan kong pia kei ding a, no Israelte kong susia kei ding hi. Bang hang hiam cih leh keimah in mihing hi loin, Pasian ka hi hi. Kei a Siangtho Pa note tawh kong omkhawm a, a hehsa-in note kiangah kong pai kei ding hi.

Gamlak-vakna 23:21

Amah in Jakob mite sungah mawhna mu lo hi; amah in Israel mite sungah zong gamtat siatna mu lo hi. Topa amau’ Pasian in amaute tawh om a, kumpipa phatna awging amaute’ lakah om hi.

Thu-hilhkikna 23:15

“A topa kiang panin nang kiangah a hong tai sila a topa kiang mah ah na ap kik kei ding uh hi;

Late 135:21

Jerusalem inn-a a nei, Zion-a om Topa in thupha ngah ta hen! Topa phat un!

Isaiah 33:21

Tua khua sungah Topa in a thahat Pa hi in, a minthan’na hong langsak ding a, a zai gunte leh a zai lui geite-ah i teeng ding hi. Tua tuite tungah ei hong do ding gal gunkuang hong kihot nawn lo ding a, gal teembaw hong pai nawn lo ding hi.

Joel 2:27

Tua ciangin, no Israel mite lakah kei ka omna thu, leh keimah Topa in note’ Pasian ka hihna thu, kei sim loh kuamah dang a om lohna na thei ding uh hi. Ka mite hong kisimmawh kik ngei nawn lo ding hi.

Zekhariah 2:9

Topa mahmah in note hong su ding a, ni danga note’ na hong sepsak mite in tu-in note’ nate hong lehsuh kik ding uh hi,” hong cisak hi. Hih bangin thu hong pian’ ciangin Vanglianpen Topa in kei hong sawl lam tak na thei ding uh hi.