Isaiah 12:5 - Tedim Bible

⁵ “Amah in minthang takin sem khin ahih manin Topa’ tungah phatna la sa un; leitung khempeuh ah hih thu kitheisak un.

Tedim Bible Revision 2017

⁵ Amah in minthang takin sem khin ahih manin Topa’ tungah phatna la sa unla, leitung khempeuh ah hih thu kitheisak un.

Isaiah 12:5 Referans Kwoze

Late 98:1

Amah in nalamdangte bawl khin ahih manin Topa tungah la thak khat sa un! Ama khut taklam leh ama khut siangthote in amah gualzosak hi.

Paikhiatna 15:1

Tua ciangin Moses leh Israel mite in Topa' tungah hih la sa uh a, “Topa tungah la ka sa ding hi, amah in minthangin zo khin a, amah in sakol leh a tuangpa tuipi sungah lawn hi.

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Paikhiatna 15:21

Miriam in amaute la sak hi: “Topa la sak un, amah in minthangin zo khin, amah in sakol leh a tuangpa tuipi sungah lawn hi,” a ci hi.

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

Late 105:2

Ama tungah la sa un la, ama tungah phatna la sa un, a lamdang ama nasepte khempeuh gen un!

Late 72:19

A minthang ama min in thupha ngah tawntung hen la, ama minthan’na in leitung khempeuh dim ta hen! Amen, Amen.

Isaiah 24:14

A suakta sun mite in lungdamin la sa ding uh hi. Nitumna lam a, om mite in Topa a liat mahmahna thu gen ding uh a,

Isaiah 42:10

Topa’ tungah la thak sa un la, leimong panin amah phatna sa un! Tuipi leh a sunga omte, tuikulh gamte leh a tunga teeng mite aw, lasa un.

Isaiah 42:11

Sehnel gam leh a khuapite, Kedar mite’ teen’na khua neute a aw uh sangkhai sak un; Sela gam-a teeng mite lungdamna tawh lasa sak un la, mual dawn panin amaute awng sak un.

Isaiah 44:23

Vantungte aw, Topa in tua thu sem khin ahih manin lungdam in la sa un; Anuai-a om leitung aw, awng un; mualte aw, la sa-in awng khia un, tulak leh a sunga sing om khempeuh aw, awng un! Bang hang hiam cih leh Topa in Jakob tankhia khin a, Israel sungah amah kiminthangsak ding hi.

Malakhi 1:11

Leitung khempeuh-a om minam khempeuh in kei hong zahtak uh a, kei’ adingin mun khempeuh ah paknamtui halin, a kisang thei ding biak piakna hong pia uh hi. Mi khempeuh in kei hong zahtak uh hi.