Isaiah 12:3 - Tedim Bible

³ Tui siangtho in a dangtakte a lungdamsak mah bangin, Pasian’ hotkhiatna tuikhuk in a mite lungdamsak ding hi.

Tedim Bible Revision 2017

³ Tui siangtho in a dangtakte a lungdamsak mah bangin, Pasianʼ hotkhiatna in a mite lungdamsak ding hi.

Isaiah 12:3 Referans Kwoze

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

Mangmuhna 22:1

Tua nung ciangin vantungmi in kei kiangah kristal suangmanpha tawh kibangin tangin, Pasian leh Tuuno’ tokhom pan pusuakin, khuapi lampi laizang tawntungah a luang nuntakna gun hong lak hi.

Mangmuhna 7:17

Bang hang hiam na cih uh leh, tokhom laizangah a om Tuuno in amaute’ tuucing suak a, amaute nuntakna ciktui omna-ah lam a hilh ding hi. Pasian in zong amaute mittang pan khitui khempeuh a nul siang ding hi,” ci-in hong gen hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

Isaiah 49:10

Amaute gil kial lo, dangtak lo ding uh a, huihsa in hita leh nisa in hita leh amaute sukha lo ding hi, bang hang hiam cih leh amaute a hehpihpa in amaute lamkaih ding a, lui tui kiangah amaute paipih ding hi.

Johan 1:16

Ama kicin’na pan i ngah hehpihna in khat banah khat i ngah sawnsawn hi.

Late 36:9

Bang hang hiam cih leh nuntakna tuinak nang tawh om a, na khuavak sungah kote in khuavak ka mu uh hi.

Solomon la 2:3

Ka ngaihno, tangval dang tawh teh lehang, gamlak singkung lak-a apple kung tawh kibang hi. Ama liim-ah ka tu nuam a, a gahte lim ka sa hi.

1 SAMUEL MASA 2:1

Hannah in zong thungenin, “Topa tungah ka lungdam a, Topa hangin ka kipak hi. Nong huhna hangin ka galte ka nuihsan hi.

Isaiah 41:18

Bangmah om lohna a sangna munte panin gunte ka luangsak ding a, kuamte’ laizangah tuikhukte ka omsak ding hi; gamlak pen bualtui ka suaksak ding a, lei keuna mun pen ciktui ka suaksak ding hi.

Ezekiel 47:9

Hih tui a luan’na mun peuhpeuh ah ganhing namkim leh ngasa tampi om hi. Hih tui in Si Tuipi tui siangsak kikin, a luan’na peuhpeuh ah nuntakna omsak kik ding hi.

Late 87:7

Tua sung a teeng mi khempeuh in a kibangin, “Ka lungdamna bulpite khempeuh uh nangma sungah om hi,” ci ding uh hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.