Isaiah 12:1 - Tedim Bible

¹ Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Tedim Bible Revision 2017

¹ Ni khat ni ciangin mite in, “Topa aw, kei tungah na heh hangin na hehna dam ta a, kei hong hehnem na hih manin nang tungah lungdamna kong ko ding hi.

Isaiah 12:1 Referans Kwoze

Late 30:5

Ama hehna tomno sung bek hi a, ama deihsakna in khang tawntung ading ahi hi. Zan sung teng kahna om kha mah ding a, ahih hangin zing khuavak tawh nuamna hong pai hi.

Isaiah 25:1

Topa aw, nang in keima Pasian na hi hi; nangmah kong liansak ding a, nangma min ka phat ding hi; bang hang hiam cih leh nang in a lamdang nate na semkhin a, tanglai pek a, na geelnate a kip a thumaan takpi ahi hi.

Isaiah 54:8

Heh luatna hangin tomno sung nang kiang panin ka maitang ka seel a, ahih hangin tawntung itna tawh nang tungah hehpihna kong nei kik ding hi, nangmah hong Tankhia Topa in ci hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Isaiah 51:3

Bang hang hiam cih leh Topa in Zion hehnem ding hi; a kisia ama munte khempeuh puah pha-in, ama gamlakte Eden huan ka bang sak ding a, a kizang thei lo ama gamte Topa’ huan ka bang sak ding hi; ama sungah lungdamna leh kipakna, lungdam kohna leh la sakna aw om ding hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

Isaiah 14:3

A haksa nasep hong kisep sakna, gimna, salsuahna leh lungkhamna panin Topa in note tungah tawldamna hong piak ciangin,

Isaiah 49:13

Vantung aw, lungdamin la sa un, leitung aw, lungdamin diang in; mual liante aw, lungdamin la sa-in awng khia un! Bang hang hiam cih leh Topa in ama mite hehnem ta a, gimna a thuak ama mite hehpih ding hi.

Isaiah 25:9

Tua ni ciangin, “En un, amah in eima Pasian hi; eite hong hon dingin amah i muang hi. Amah in eima Topa hi; amah i ngak hi; amah in eite hong gumkhia ahih manin lungdamin kipak ni,” kici ding hi.

ROM (Romans) 11:15

Tua mite kipaih khiatna un leitung mite’ kilem kikna a pian’sak leh, amau kikoihcin’na un sihna pan thawhkikna hilo ahi hiam?

Zekhariah 14:20

Tua ni ciangin sakol khilongte khempeuh tungah, “Topa’ tungah sian’thona” ci-in ciamtehna kibawl ding hi. Biakinn sunga om beelte khempeuh pen biakna tau mai-a kikoih kuangte mah bangin a siangtho-in kinei ding hi.

Hosea 11:8

Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

Isaiah 66:13

A nu in a ta a hehnep bangin note kong hehnem ding a, note in Jerusalem khua sungah hehnepna na ngah ding uh hi.

Isaiah 26:1

Tua ni ciangin Judah gam sungah hih la kisa ding hi: “Khuapi muanhuai khat i nei hi; Topa mahmah in i kulhte leh i panmun kipte hong hut sak hi.

Isaiah 11:16

Izipt gam panin Israel mite hong paitoh ciangin amau’ ading lam lianpi khat a om mah bangin, ama mi a om laite’ adingin zong Assiria gam panin lam lianpi khat om ding hi.

Isaiah 10:25

Bang hang hiam cih leh a sawt loin note tungah ka thangpaihna bei ding a, ka hehna amaute’ tung tuin, amaute sia ding uh hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 10:4

Thongkiate’ lakah tonbucip-a om ding leh a kithat mite’ lakah tuk ding bek a om hi. Hih thute khempeuh hangin ama hehna dam zo nai lo a, ama khut kizan lai hi.

JOB (Job) 13:16

Pasian’ mai-ah migilote’ pai ngam lo ahih manin, ka han’na in ka gualzawhna hi ding hi.

Late 9:1

Ka lungsim khempeuh tawh Topa tungah lungdamna kong pia ding hi; na bawlna a lamdangte khempeuh ka gen ding hi.

Late 71:21

Nangmah in ka min hoihna nong khang sak ding a, nong nuamtuamsak kik ding hi.

Isaiah 54:7

Tomno sung nang kong nusia pak a, ahih hangin hehpihna lianpi tawh nang kong lakik ding hi.

Isaiah 54:9

“Bang hang hiam cih leh hih pen kei adingin Noah’ hun mah tawh kibang hi: Noah’ tuite leitungah hong pai nawn lo ding ci-a ka kiciam mah bangin nang tungah heh nawn loin nang hong tai nawn lo dingin ka kiciam hi.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. En in, kote tungah nang na heh a, ahih zongin kote ka khial lai veve uh hi; tanglai pek-a kipanin ka mawh ngitnget uh hi. Tua bangpi-in kote hong kihon ding ahi hiam?

Isaiah 65:18

Keima pian’saksa sungah lungdamin kipakin om tawntung un; bang hang hiam cih leh en un, Jerusalem khua lungdamna-in bawlin, a mite lung nuamin ka bawl hi.

Jeremiah 30:19

Tuate sung panin lungdamna la kisa ding a, gualnopna aw kiza ding hi. Amaute ka pungsak ding a, tawmkha bek a hi kei ding uh hi. Amaute ka kipahtawi sak ding a, ka neusak kei ding hi.

Zekhariah 8:11

Ahi zongin tu-in a suakta lai hih minamte, ni danga-te ka bangsak kei ding hi.

Zekhariah 8:19

amah in, “Kha lina, kha ngana, kha sagihna, leh kha sawmna sunga antan’nate pen, Judah gam mite’ adingin lungdamin kipakin pawi bawlna hun suak ta ding hi. Tua ahih manin thuman leh kilemna deih pha un,” hong ci hi.

Nehemiah 8:10

Tua ciangin amah in amaute kiangah, “Tu-in ciah un; an lim tui lim ne-in thadim un la, a nei zo lote zong va kholh un; bang hang hiam cih leh i Topa’ adingin tu ni in biakna ni siangtho ni ahi hi; dah kei un, bang hang hiam cih leh Topa sungah lungdamna in note’ thahatna ahi hi,” a ci hi.

JOB (Job) 11:16

Na lungkhamnate veng ding a, tuikhang pak bangin na phawk kha nawn kei ding hi.

Late 85:4

Kote’ kihotkhiatna Pasian aw, kote ka ngei uh hong bangsak kik in la, kote tunga na lungkim lohna beisak ta in!

Late 86:17

Topa nangmah in kei hong huh-in, nong thakhauh sakna hangin, kei hong mudahte in mu-in a zahhuai nadingin keima tungah na maipha hong lak in.

Isaiah 60:10

Gamdang mite in na kulhte ciangkik ding a, amau kumpite in nangma na hong sem ding uh hi; bang hang hiam cih leh ka hehna tawh nang kong vat gawp khin a, ahih hangin tu-in keima maipha tawh nang tungah hehpihna kong nei khin hi.

Jeremiah 31:13

Tua ciangin nungakte laam-in a lungdam ding uh a, tangvalte leh papite zong a nuam ding uh hi. Amaute’ kahnate lungdamna ka suaksak ding a, hehpihin a dahnate uh kipahna ka suaksak ding hi.

Zekhariah 1:16

Tua ahih ciangin Jerusalem khuapi tungah ka hehpihna a lak dingin ka hong paikik hi. Tua khuapi sungah ka biakinn kilam kik ding a, khuapi kulh zong kiciang kik ding hi, Topa in ci hi, ci-in gen in,” hong ci hi.