Isaiah 11:9 - Tedim Bible

⁹ Ka mual siangtho buppi tungah amaute khat leh khat kiliamsak lo ding uh a, kisusia lo ding uh hi; bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Tedim Bible Revision 2017

⁹ Ka mual siangtho buppi tungah amaute khatlekhat kiliamsak lo ding uh a, kisusia lo ding uh hi. Bang hang hiam cih leh tuite in tuipi omna a tuamcip mah bangin leitungah Topa’ thutheihna kidim ding hi.

Isaiah 11:9 Referans Kwoze

Habakkuk 2:14

Tuipi in tui tawh a kidim mah bangin, leitung in Topa’ minthan’na theihna tawh kidim ding hi.

Isaiah 52:10

Topa in minam khempeuh mai-ah ama khut siangtho lakkhia khin a, ama mite honkhia hi. Lei mong khempeuh in i Pasian’ hotkhiatna mu ding uh hi.

Late 72:19

A minthang ama min in thupha ngah tawntung hen la, ama minthan’na in leitung khempeuh dim ta hen! Amen, Amen.

JOB (Job) 5:23

Bang hang hiam cih leh na lo sungah suang om lo ding a, gamlak gamsate in hong su lo ding hi.

Zekhariah 14:9

Tua ciangin Topa pen leitung khempeuh’ kumpi suak ding a, mi khempeuh in amah bek thei-in bia ding uh hi.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

Isaiah 35:9

Tua lai-ah humpinelkai om lo ding a, sasialne ganhing khat peuhpeuh hong pai lo ding hi; tua lai-ah ganhing lauhuaite kimu lo ding hi. Topa’ tatkhiatsa mite in tua lampi tawnin hong ciah ding uh hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Isaiah 11:13

Efraim in hazatna a neihnate bei ding a, Judah mi a galbawlte kisusia ding hi; Efraim in Judah haza nawn lo ding a, Judah in Efraim galbawl nawn lo ding hi.

Isaiah 2:4

Amah in minamte khat leh khat kikal ah thukhenin, mi tampite’ thu khentat sak ding hi; amaute in a namsaute uh lo khawh na tu, a teipite uh singhiang heuhna temkawi-in seek ding uh hi; Minam khat leh minam khat kido nawn lo ding a, galdo dingin kithawi nawn lo ding uh hi.

1 THESALONIKA MASA 5:15

Mi dangte tungah hehna na thukkik loh nadingun na kikeem un. Khat leh khat tungah ahi zongin, mi khempeuh tungah ahi zongin thuhoih lamsang hahkat tawntungin na bawl un.

Late 78:54

Amah in, a khut taklam tawh a ngahsa mual, a gam siangtho-ah amaute paipih hi.

Isaiah 11:8

Nawine naungeek in gulgilo’ kuavangah kimawl ding a, nawine nawn lo naupang in gul gunei’ bu a sawk hangin tu lo ding hi.

Isaiah 33:6

amah pen nangma hunte a kipna, hohkhiatna a kicin’na, pilna leh theihna hi ding hi; Topa kihtakna pen ama sumgum hi ding hi.

Isaiah 54:5

Bang hang hiam cih leh nangmah hong Bawlpa in na pasal hi a, ama min in Vanglianpen Topa ahi hi; Israelte’ Siangtho Pa in nangmah hong Tankhia-pa hi a, amah pen leitung buppi’ Pasian kici hi.

Isaiah 56:7

hih mite ka mual siangtho ah paipihin keima thungetna inn sungah ka lungdam sak ding a, amaute’ meihal biakna leh biak piaknate ka biakna tau tungah kisang ding hi; bang hang hiam cih leh ka inn pen mi khempeuh’ adingin thungetna inn kici ding hi.

Isaiah 65:25

Keivom leh tuuno in an ne khawm ding uh a, humpinelkai in bawngtal bangin buhkung ne ding hi; leivui pen gulpi’ an hi ding hi. Keima mual siangtho tung tengah amaute kiliamsak lo, kisusia lo ding uh hi, Topa in ci hi, a ci hi.

Isaiah 66:18

Bang hang hiam cih leh amau nasepnate leh amau ngaihsutnate ka thei a, minam khempeuh a khawm dingin ka hong pai hi; amaute hong pai-in ka minthan’na mu ding uh hi.

Isaiah 66:20

Israel mite in an tawh amau biakpiakna beel siangtho sungah tawi-in Topa’ innah hong paipih uh mah bangin, amaute in minam khempeuhte lak panin Topa’ tungah piak dingin na sanggamte khempeuh uh, sakolte, leengte, taalte, late, kalaoh hatte tungah hong pua-in ka mual siangtho Jerusalem ah hong paipih ding uh hi; Topa in ci hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Ezekiel 34:25

Amaute lungmuang takin a om theih nadingun amaute tawh thuciamna khat ka bawl ding hi. Gam sung panin a lauhuai gamsa khempeuh ka beisak ding a, gamlakah nuam takin gamta-in lum thei ding uh hi.

Ezekiel 47:5

Tua ciangin tong tul ciang mah teh suk lai leuleu a, a lui tui thuk lua ta ahih manin ka ngap zo kei hi. Thuk lua ahih manin a tui i peek loh buangin a kikantan zo ding hi lo hi.

Daniel 11:45

Amah in a kumpi puanbuk lianpite biakinn din’na mualtung leh tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi.

Daniel 12:4

Tu-in Daniel aw, beina hun a tun’ mateng laibu khakcip in la, a tungah ciamtehna koih in. A kal lakah mi tampite’ pilna khangin, bang thu piang hiam cih thei tel nuamin kileh kawikawi ding uh hi,” hong ci hi.

Hosea 2:18

Tua ciangin, ka mite a suksiat loh nadingun gamlaka om gamsate, huih laka leeng vasate, leh leitung a bokvak ganhingte tawh thuciamna ka bawl ding a, thalte, namsaute, galhiam khempeuh, leitung panin ka phiat khia ding hi. A lungnuam, lungmuang hithiatin ka mite ka om sak ding hi.

Joel 3:17

Tua ciangin Israelte aw, ka mual siangtho Zion tungah a teeng keimah in, Topa, note’ Pasian ka hihna na thei ding uh hi. Jerusalem in a siangtho biakna khuapi hi ding a, gamdang mite in zo kik ngei nawn lo ding uh hi.

Isaiah 32:16

Tua ciangin gamsung mun khempeuh ah thutang om ding a, thu a manin kisem ding hi.

Jeremiah 31:23

A vanglian Topa, Israel mite’ Pasian in hong gen-inah: “Keimah in amaute a gam uhah ka omkik sak ciangin, Judah gam leh a khuapite uhah amaute in, ‘Thuman thutak teen’na mual siangtho aw, Topa in thupha hong pia ta hen,’ ci-in a genkik leuleu ding uh hi.

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.