Isaiah 11:8 - Tedim Bible

⁸ Nawine naungeek in gulgilo’ kuavangah kimawl ding a, nawine nawn lo naupang in gul gunei’ bu a sawk hangin tu lo ding hi.

Tedim Bible Revision 2017

⁸ Nawine naungek, gul giloʼ kua vangah kimawl dinga, nawine nawn lo naupang in gul guneiʼ bu a sawk hangin a gul in tu lo ding hi.

Isaiah 11:8 Referans Kwoze

Isaiah 59:5

Na ngaihsutnate uh gul gunei tuii bangin gu nei hi a, na vaihawmnate uh maimom khau puan tawh kibang lel hi. Gul gunei tuii khat sukham lehang a dang khat hong tui zel hi.

Late 140:3

Amaute’ leii in gulpi leii bang a, a thugente uh gulgu bang hi.

Paunak 23:32

A tawpna-ah gulpi bangin hong tu ding a, gul gu nei bangin hong tu ding hi.

Isaiah 11:7

Bawngpi leh vompi in an nekhawm ding uh a, amau’ note lum khawm ding uh hi; humpinelkai in bawngtal mah bangin buhkung ne ding hi.

Isaiah 11:9

Ka mual siangtho buppi tungah amaute khat leh khat kiliamsak lo ding uh a, kisusia lo ding uh hi; bang hang hiam cih leh tuite in tuipi omna a tuamcip mah bangin leitungah Topa’ thu theihna kidim ding hi.

Isaiah 14:29

“Filistia mite khempeuh aw, note hong kisatna ciangkhut a kitan manin lungdam kei un, bang hang hiam cih leh singbul panin a sel a om mah bangin gulpi a sih khit ciangin, a siahuai-zaw gul gunei hong om ding a, tuate pen a leng thei gulpi hong hi ding uh hi.

JOB (Job) 5:23

Bang hang hiam cih leh na lo sungah suang om lo ding a, gamlak gamsate in hong su lo ding hi.