Isaiah 11:5 - Tedim Bible

⁵ Amah in dikna tawh a kawnggakin thumanna dial a kawng ah thuah ding hi.

Tedim Bible Revision 2017

⁵ Amah in thuman le thutak tawh ama mite uk ding hi.

Isaiah 11:5 Referans Kwoze

Efesa 6:14

Tua ahih ciangin thuman thutak kawnggak na gak un la, dikna awmdalna na bulh un la,

1 JOHAN MASA 1:9

I mawhnate pulakin thuum lehang, i mawhnate maisakin, i gitlohna khempeuh sawpsiang nadingin amah in thuman thutak tawh ahi zongin, dikna thu tawh ahi zongin a dim hi.

2 KORIN NIHNA 6:7

thuman thuhilhna, Pasian’ vangliatna lahna, dikna galhiam ziat lam leh vei lamah silhna hang ahi zongin,

Isaiah 59:17

Amah in thumanna pen awm dalna lum bangin silh ding a, gualzawhna pen sik lukhu bangin khu ding hi. Na khempeuh a manin bawlkik nopna, gimna a piangsakte daan pia-in thukkikna puansilhin, kinna puan tawh kitun ding hi.

Isaiah 25:1

Topa aw, nang in keima Pasian na hi hi; nangmah kong liansak ding a, nangma min ka phat ding hi; bang hang hiam cih leh nang in a lamdang nate na semkhin a, tanglai pek a, na geelnate a kip a thumaan takpi ahi hi.

Mangmuhna 3:14

“Laodikia khua-ah a om pawlpi’ vantungmi kiangah hih bangin gelh in. ‘Amen ahi mi, a dik a man teci a pang, Pasian’ piancilna kipatna bulpi ahi pa’ thupiakna in:

Mangmuhna 1:13

tua meivak sagih laizang ah mihing tapa tawh kibang mi khat ahi zongin ka mu hi. Tua mi in a khe dongin puanza silhin, a awmah kham kawnggak gakin,

1 PETER MASA 4:1

Tua bangin Khazih in ama pumpi-in gimna thuak ahih ciangin, note in zong a nung ciangin mite deihna bang zui loin,

Hosea 2:20

Kei’ aa ahi tawntung dingin nang kong la ding hi. Tua ciangin Topa ka hih lam tak nong thei ding hi.

Hebru 2:17

Tua ahih ciangin amah in mite mawhna tang ding Pasian tawh kipawl nate ah hehpihna tawh ahi zongin, dikna tawh ahi zongin a dim Siampi Ukpa a suah nadingin, a u a naute tawh a kibat taktak nading thu a om hi.

Late 93:1

Topa maang hi; liatna tawh kumpipuan kisilhsak hi; Topa, kumpipuan kisilhsak a, thahatna tawh kidim hi. Hi hi, leitung kikip sak a, kiling ngei lo ding hi;

Late 109:19

Tua pen, amah a kituamna puan tawh kibang hen la, ni sim-a amah a kigakna kawnggak tawh kibang ta hen!

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Isaiah 32:1

En un, ni khat ni ciangin thumanna tawh kumpi khat hong maang ding a, thutan’na tawh uliante in hong uk ding uh hi.

Zekhariah 8:16

Note, hih bangin gamta un: Note khat leh khat tungah thuman thutak kam kipau un. Thukhenna zumah, kilemna a piangsak ding thutang zang un.

Late 45:4

Thumanna a om nading leh thuman hu’ dingin na minliatna tawh gualzo-in hong pusuak in la, dipkuat-huai hih nate na taklam khut nangmah kihilhsak in!

Late 89:9

Nangmah in tuipi khang na uk a, a tuihualte a saan’ ciangin na daisak hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.