Isaiah 11:4 - Tedim Bible

⁴ a kitangsam mite thumanna tawh thukhensak ding a,, mizawngte’ thu a tangin khensak ding hi; ama kam pan a, molhtum tawh leitung mite daan kitat ding a, a muk pan a, a husan’na tawh mi gilote si ding uh hi.

Tedim Bible Revision 2017

⁴ Thumanna tawh mizawngteʼ thu khenin, lungsim nem miteʼ thu ahi bangin khensak ding hi. Ama kam panin a thupiakna tawh leitung mite gim kipia dinga, a muk panin a thugenna tawh migilote si ding uh hi.

Isaiah 11:4 Referans Kwoze

2 THESALONIKA NIHNA 2:8

Tua ciangin a kiseel Gilo Mi a kilang ding hi. Tua mi Topa Zeisu in ama kam sung pan a pusuak hu tawh siasakin, ama hong kilatna’ vangliatna tawh a mangthang ding hi.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Malakhi 4:6

Amah in pate leh tapate, tapate leh pate lemtuahin kilemsak kik ding hi. Tua bang hi kei leh keimah hong pai-in na gam khempeuh uh ka susiagawp ding hi,”ci hi, a ci hi.

JOB (Job) 4:9

Pasian’ husan’na tawh tua bang mite sia a, ama hehna in tua bang mite kangtum hi.

Mattiu 5:5

“Lungnemte in thupha a ngah ding uh hi. Bang hang hiam na cih uh leh, amau in leitung a luah ding uh hi.”

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Jeim 3:13

Note lakah kua in pilna leh theihna a nei hiam? Tua mi in gamtatna hoihte hihin, pilna, lungnemna tawh ama gamtatnate lak ta hen.

Galati 5:23

lungnemna, pumpi’ deihna khamna te ahi uh hi. Tua bangin a gamta mite thukham in a kham kei hi.

Jeremiah 33:15

Tua ni tua hun ciangin David’ suan lak panin kumpi dingin a diktat Hiang khat ka khangsak ding a, amah in gam sungah thuman thu tang tawh thu hong khen ding hi.

Isaiah 30:33

Tofeth a kihal nading mei phualpi mun, sawt pekin kibawl khin zo hi; hi hi, kumpipa’ adingin a baihsa-in kikoih a, a mi-halna pen lianin kisangsak a, sing a sangpi-in vum venvan hi. Topa in kaat kuang hu sang khia ding a, tua meiphualpi tawh kuang ding hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Late 2:9

Siktawn khat tawh amaute na satkham ding a, beelseekpa’ beel den’khap bangin amaute lei-ah na dengzan ding hi,” hong ci hi.

Mangmuhna 2:16

Tua ahih ciangin na kisikkik in. Tua bang ahih kei leh, nangma kiangah a manlangin kong pai ding a, ka kam sungpan a pusuak namsau tawh tua mite ka do ding hi.

Mangmuhna 1:16

A khut tak lamah aksi sagih a tawi hi. A kam sungpan a lang nih a hiam namsau a pusuak hi. A maitang meel in a tang pha mahmah ni tawh kibang hi.

Titu 3:2

kuamah gensia loin, kitawng loin, lungkhuah nei loin, mi khempeuh tungah lungnem takpi nading a ngaihsut nadingun thu na hilh in.

Isaiah 32:1

En un, ni khat ni ciangin thumanna tawh kumpi khat hong maang ding a, thutan’na tawh uliante in hong uk ding uh hi.

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Isaiah 16:5

itna kip tawh kumpi tokhom khat kiphut ding a, thuman sep ding a manlang, thutang zongin, thu a khen mipa pen David’ buk sunga tua tokhom tungah thuman tawh tu ding hi.”

Mangmuhna 19:11

Tua khit ciangin vantung kihongin ka et leh, sakol kaang khat ka mu hi. Tua sakol tung tuang mi in Dikna leh Thuman kici hi. Tua mi in dik takin thu a khen thei, gal a do thei hi.

2 KORIN NIHNA 10:1

Note kiangah kiniamsak a, note tawh a kikhen ciangin a hang keimah Paul in Khazih’ lungnemna leh hehpihna tawh note kong thuum hi.

Sawltak 9:1

Saul in Topa’ nungzuite langpanin tawng a, thah dingin nakpi-in a nakkhiat lai takin,

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Zefaniah 2:3

Kiniamkhiatin, Topa’ thupiakna a mang, Judah gam mi khempeuh aw, Topa’ kiang zuan un. A manin gamta un la, kiniamkhiat un. Tua hi leh, Topa’ hehna hong kilat ni ciangin, tua hehna daan panin na peng thei ding uh hi.

Jeremiah 5:28

thau-in a mai uh zol hi. Gitlohna lamah a hun bek a theithei kei uh hi. Tagahte’ phattuam nading khual loin thu a man lo pi-in khen uh a, mizawngte tungah thuman lo uh hi.

Isaiah 3:14

Topa in, upate leh ama mite’ uliante tawh thukhen dingin kipan a; “Leenggui lo a ne tumte pen note na hi uh a, mizawngte’ na a kisutte note’ inn sungah om hi.

Isaiah 1:17

gamtat hoih ding kisin un; thumanin gamta un la, nenniamna kheel un; pa nei lote huu un la, meigong numei pan’pih un.

Late 110:2

Topa in Zion panin na kumpi ciangkhut hong puak hi. Na galte’ lakah uk in!

Late 18:8

Ama nakvangte panin meikhu pusuak a, a kam panin mei husia pusuak hi; ama tung panin mei-am san kuangkhia hi.

2 SAMUEL NIHNA 8:15

Tua ahih ciangin David in Israelte khempeuh uk hi; David in a mite khempeuh tungah thutang leh thuman zang hi.

Isaiah 13:11

Leitung mite a tatsiatna hangin, migilote a mawhna hangin daan ka pia ding hi; mi kihisakte’ kiphatsakna bei sakin, a kisatheite’ kiliatsakna ka niamkhiat ding hi.

Isaiah 14:30

Mizawngte in keima gan khahna sungah an ne ding a, a cimawhte lungmuang takin lum hit-hiat ding hi; ahih hangin no Filistia mite, kialpi tawh kong that ding a, a suakta kha a omte laite keimah in ka that ding hi.

Isaiah 26:6

A zawng, a cimawh, a kinengniam mite in tu-in tua khua tuancil uh hi.”

Isaiah 30:28

Ama husan in, ngawng dong a banto, a taii tuikhang bang ahi hi. Amah in minamte’ thuak siatnate haihna sungah a haih hi; amah in lamkhialsak kamkaihna pen mite’ khaguh ah a thuah hi.

Isaiah 30:31

Amah in a ciangkhut tawh a sat ciangin, Assiria mite in Topa’ aw kihta mahmah ding uh hi.

Isaiah 32:7

Mi gina lote’ ginat lohna in sia hi; zuauna kam tawh mizawngte siasak leh mi cimawhte’ thu a thuman ciang nangawnin a siasak dingin amah in gitloh nasepna bawl hi.

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Isaiah 40:7

Topa’ hu in a mut ciangin lopa vul-in, paak pulh hi; mihingte pen lopa bang lel hi taktak hi.

Isaiah 49:2

Amah in ka kam, namsau hiam bangsak a, ama khut liim tawh kei hong hu hi; amah in a kinawtngil thaltang bangin kei hong bawl a, a hiamsa-in zat pah dingin a thallawng sungah kei hong koih hi.

JOB (Job) 15:30

khuamial panin suakta lo ding hi. Amah pen, a hiangte mei in a kattumsak, a pakte huih in a letkhiatsak singkung tawh kibang ding hi.

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

Isaiah 2:4

Amah in minamte khat leh khat kikal ah thukhenin, mi tampite’ thu khentat sak ding hi; amaute in a namsaute uh lo khawh na tu, a teipite uh singhiang heuhna temkawi-in seek ding uh hi; Minam khat leh minam khat kido nawn lo ding a, galdo dingin kithawi nawn lo ding uh hi.

Hosea 6:5

Tua ahih manin note hong thuhilh ding leh note hong taii dingin ka kamsangte kong sawl hi. No ka mite’ gamtat ding ka deih zia kitel sinsen hi.