Isaiah 11:3 - Tedim Bible

³ Amah in Topa’ kihtakna ah lungdam ding hi. Amah in a mit-a a muhna tawh thukhen loin, a bil-a a zakna tawh thu khentat lo ding hi;

Tedim Bible Revision 2017

³ Amah in Topa’ nasep nuamsa ding hi. Amah in a tungtham bek muhna tawh thu khen lo dinga, kam leng sawn bek zakna tawh thu khensat lo ding hi.

Isaiah 11:3 Referans Kwoze

Johan 7:24

Maitang zahtakna tawh thu na khen kei un; aman takin thu na khen un,” a ci hi.

Luka 2:52

Zeisu’ lungpilna leh pumpi khang semsem a, Pasian mai leh mite mai-ah maipha a ngah semsem hi.

1 SAMUEL MASA 16:7

Ahih hangin Topa in Samuel kiangah, “A tungtham hita leh a tun’ san’na hita leh en kei in; bang hang hiam cih leh amah ka nolh hi; bang hang hiam cih leh Topa in mihingte’ muh bangin mu lo hi; mihingte in a pua lama kilangte en a, ahih hangin Topa in a lungsim en hi,” a ci hi.

Paunak 2:5

Tua hi leh, Topa zahtakna thu na thei ding a, Pasian na theitel ding hi.

Hebru 5:14

Ahih hangin an tak in a sia a pha khen theihna pilna a nei, zakna muhnate zangin zongsang a, amau leh amau a kiseksa, a picing mite’ ading ahi hi.

1 KUMPI MASATE 3:28

Tua ciangin Israel khempeuh in kumpipa’ piak thukhenna za uh hi; thutang a sem dingin ama tungah Pasian in pilna pia hi, ci-in phawk uh ahih manin amaute in kumpipa lamdangsa-in om uh hi.

Paunak 2:9

Tua hi leh thuman leh thutang, ahoih leh a kilawm na thei ding hi.

1 KUMPI MASATE 3:9

Tua ahih ciangin keimah in a sia leh a pha ka theih theih nadingin na mite uk nading thu theihtelna lungsim na nasempa hong pia in; bang hang hiam cih leh hih a lian a tam na mite kua in uk zo ding ahi hiam?” a ci hi.

2 SAMUEL NIHNA 14:17

Na nasemnu in, ‘Ka to kumpipa’ kammal in nopsakna hong pia ding hi,’ ci-in ngaihsun hi; bang hang hiam cih leh ka to kumpipa in a pha leh a sia a khen thei dingin Pasian’ vantungmi tawh kibang hi. Topa na Pasian in nang tawh hong om ta hen!” a ci hi.

Johan 2:25

Bang hang hiam i cih leh, amah in mi khempeuh thei a; mite sungah a omte khempeuh zong thei ahih ciangin, mi khat in midang khat thu ama kiangah a gensak ding a kul kei hi.

JOB (Job) 34:3

An na ciap uh ciangin a lim leh a lim lo na thei uh hi; thu kigen na zak uh ciangin pil kampau leh hai kampau na thei ding uh hi.

JOB (Job) 12:11

Leii in an a ciap mah bangin, bil in thu ngai tel hilo ahi hiam?

Isaiah 33:6

amah pen nangma hunte a kipna, hohkhiatna a kicin’na, pilna leh theihna hi ding hi; Topa kihtakna pen ama sumgum hi ding hi.

Ezekiel 45:8

Hih mun teng pen Israel gamsung panin a uk uliante’ neih hi ding hi. Tua ahih manin amaute in Israel mite bawlsia nawn lo ding uh a, mun a om lai teng khempeuh, a minam zui-in Israel minamte tangsak ding uh hi.

Micah 4:3

Amah in minam tampite’ thu khensak ding a, Israel gam panin a gamla peka om, minam vangliante’ thu khensak ding hi. Amaute in a namsaute uh lo khawhna tu-in seek ding uh a, a teipite uh singhiang heuhna temkawi-in seek ding uh hi. Minam khat leh khat kido nawn lo ding uh a, gal kidona thei kha nawn lo ding uh hi.

2 SAMUEL NIHNA 14:8

Tua ciangin kumpipa in numei kiangah, “Na inn-ah ciah in, nang tawh kisai-in thu ka pia ding hi,” a ci hi.