Isaiah 11:16 - Tedim Bible

¹⁶ Izipt gam panin Israel mite hong paitoh ciangin amau’ ading lam lianpi khat a om mah bangin, ama mi a om laite’ adingin zong Assiria gam panin lam lianpi khat om ding hi.

Tedim Bible Revision 2017

¹⁶ Egypt gam panin Israel-te hong pai toh ciangin amau adingin lam lianpi khat a om mah bangin, ama mi a omlaite adingin Assiria gam panin zong lam lianpi khat om ding hi.

Isaiah 11:16 Referans Kwoze

Isaiah 19:23

Tua ni ciangin Izipt gam panin Assiria gamah lam lianpi khat pai-in, Assiria mite Izipt gamah hong pai ding a, Izipt mi Assiria gam sungah pai-in, Izipt mite in Assiria mite tawh bia khawm ding uh hi.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 62:10

Jerusalem mite aw, kulh kongpite panin paikhia un la, hong ciahkik na mipihte’ adingin lampi bawlkhol un; zik un, lam lianpi zik-in, suangtumte paikhia un la, mite’ muh dingin lim khat khaito un.

Isaiah 57:14

“Zik un, zik un, lampi bawl khol un, ka mite’ lampi a dongkhak thei ding na khempeuh lakhia un,” kici ding hi.

Isaiah 51:10

Tuipi, tui thukpite a keusak; a kitankhia mite’ kantan dingin tuipi thukte lampi-in a bawlpa nangmah hilo na hi hiam?

Isaiah 49:12

Ka mite a gamlapi panin hong pai ding uh a, leilu lam gam leh nitumna lam gamte panin hong pai-in, pawl khatte, leitaw lam Sinim gam panin hong ciah ding uh hi,” a ci hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Isaiah 10:20

Tua ni-a kipan, Israel a om laite leh Jakob innkuan a suakta laite in amau a sugawppa suang nawn loin, Topa ahi, Israelte’ Siangtho Pa pen thuman tawh suan’ in, nei ding uh hi.

Isaiah 49:11

Keimah in ka mite’ adingin mual liante kantanin lampi ka ziik sak ding a, ka lam lianpite ka phongto ding hi.

Zefaniah 2:7

Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.

Paikhiatna 14:22

Israel mite tuipi laizang leikeu tungah pai uh a, amau' taklam leh veilam-ah kawm bangin tuite om hi.