Isaiah 11:15 - Tedim Bible

¹⁵ Topa in ama huihsa nungsakin Nail gunpi leh Eufrates gunpi tuite tungah a khut zanin kangsak ding a, mi khempeuh in nuam takin khedap tawh a kantan zawh ding luineu sagih bek siit lai ding hi.

Tedim Bible Revision 2017

¹⁵ Topa in ama huih sa nungsakin Nail gunpi le Eufratis gunpi tuite kangsak dinga, mi khempeuh in nuam takin a kantan zawh ding lui neu sagih bek sitlai ding hi.

Isaiah 11:15 Referans Kwoze

Zekhariah 10:11

Amaute in, lungkhamna tuipi a phutkhak uh ciangin, keimah in tuipi hualte ka vatmai ding a, Nail gun tuithukte kangcip ding hi. Assiria mite ka niamkhiat ding a, Izipt in a vangliatna taan ding hi.

Mangmuhna 16:12

Gukna vantungmi in ama tawi hai Eufrates gunpi tungah a buak leh, ni suahna lam pan hong pai uh kumpite ading a baihsa a pian’ nadingin guntui a kang hi.

Isaiah 50:2

Bang hangin, kong pai ciangin mi khat zong om lo ahi hiam? Kong sap ciangin hong dawng ding khat zong om lo ahi hiam? Hong hon zo lo zah dingin ka khut tom lua ahi hiam? Tua ahih kei leh note khahkhiatna ding thahatna nei lo ka hi hiam? En un, keima taiina tawh tuipi ka keusak a, gunte pen sehnel gam ka suaksak hi; tui om loh manin a ngasate uih a, dangtakin si uh hi.

Isaiah 19:16

Tua ni ciangin Izipt mite pen numei bang ding uh a, Vanglianpen Topa in amaute tungah a khut a sin’sanna hangin lau-in liing ding uh hi.

Ezekiel 30:12

Nail Gun a tui ka kangsak ding a, mi gilote khut sungah Izipt ka koih ding hi. Gamdang mite in susia gawpin, gamkhing suaksak ding uh hi. Topa ahi keimah in ka ci khin hi.

Ezekiel 29:10

keimah in nangmah leh na Nail Gunpi langah ka pang hi. Izipt gam khempeuh, leilu lam Migdol khuapi panin leitaw lam Siene khuapi, Ethiopia gamgi dong, a kinusia gamkhing ka suaksak ding hi.

Isaiah 7:20

Tua ni ciangin Topa in Gun gal khat pan a, a kikawm temta ahi Assiria kumpipa zangin a sam leh a khemul mettol ding a, a khamul zong metkhia ding hi.

Paikhiatna 14:21

Tua ciangin Moses in tuipi tungah a khut zan hi; Topa in zan tawntung nisuahna huihpi hat tawh tuipi leh luan’sakin, tuipi pen leikeu-in bawl a, tuite kikhen hi.

Paikhiatna 14:29

Ahih hangin tuipi kantanin leikeu tungah Israel mite pai uh a, amau' taklam leh veilam-ah kawm bangin tuite om hi.

Isaiah 8:7

en in, Topa in Assiria kumpipa leh ama minthan’na khempeuh ahi, hat a, a tam mahmah Gun tuite, amaute’ lang khatah piangsak ding hi; tui in a batna ngei teng tum-in, a piau khempeuh dimlet hi;

Isaiah 43:16

Tuipi sungah lampi bawlin, tui lianpi sungah pai nading sul bawl a, leeng leh sakolte, kaikhia in, galkapte leh galhangte a paikhiatpih; amaute a tho thei nawn lo dingin a lum sak, amaute pen meivak khau kisumit bangin a mitsak Topa in hih bangin ci hi:

Isaiah 44:27

tui thukpi kiangah, ‘Keu in, na gunte ka keusak ding hi’;

Isaiah 51:11

Topa tatsa mi a kithehthangte hong ciahkik ding a, lasakna tawh Zion ah hong pai ding uh hi; amaute, lungdam tawntung ding uh a, amaute in lungdamna leh kipakna ngahin dahna leh khuisatna nei nawn lo ding uh hi.

Isaiah 63:12

Moses, tung tawnin a vangliatna khut zangin na lianpipi a sempa, ama mite’ mai-ah tuite khenkhamin, amah a minthan’ tawntung nadingin hih bang nate a sempa, tu-in koi-ah om ta ahi hiam, ci uh hi.

Paikhiatna 14:22

Israel mite tuipi laizang leikeu tungah pai uh a, amau' taklam leh veilam-ah kawm bangin tuite om hi.