Biblia Todo Logo
Bib sou entènèt

- Piblisite -




Isaiah 11:14 - Tedim Bible

14 Ahih hangin amaute in, nitumna lam-a om Filistia mite sim khawm ding uh a, nisuahna lam-a om mite luh khawm ding uh hi. Amaute in Edom mite leh Moab mite zogawp ding uh a, Ammon mite in amau’ thu mang ding uh hi.

Gade chapit la Kopi

Tedim Bible Revision 2017

14 Ahih hangin amaute in nitumna lam a om Filistia mite simkhawm ding uh a, nisuahna lam a om mite luh khawm ding uh hi. Amaute in Edom mite le Moab mite zo gawp ding uh a, Ammon mite in amauʼ thu mang ding uh hi.

Gade chapit la Kopi




Isaiah 11:14
30 Referans Kwoze  

Amaute in Judah gam simin, mawhnei lo mite that uh ahih manin, Izipt gam in sehnel gam suakin, Edom gam in gamsia suak ding hi.


Amah in Thuciam Gam zong sim ding a, tul tampi tak a that ding hi. Ahih hangin Edom gam, Moab gam leh Ammon gam sunga a om lai sun teng a suakta ding uh hi.


Babilon kumpipa Nebukhadnezzar in a zawh Kedar minamte leh Hazor khua ukte tawh kisai-in, Topa in a cih-inah: “Kisa un, Kedar mite va sim un! Nisuahna lama om amaute va thatlum un!


Bang hang hiam cih leh Topa in hih Zion Mual hu ding a, ahi zongin Moab mite ahih leh ninkholna dum sungah buhkungte a kisikcip bangin kisikcip gawp ding hi.


Tua ciangin Israel mite in, Edom gam a, om lai teng leh keima mi ahi ngei minam khempeuh zo-in ngah kik ding uh hi, Topa in ci hi.


Ke’n kong cih-inah, mi tampi in nisuahna lam, nitumna lam panin hong pai-in, Abraham, Isaak leh Jakobte tawh Vantung Gam sungah a tukhawm ding uh hi.


Tuipi gei-a gual teen, no Filistia gam mite aw, gimna na ngah ding uh hi. Filistia mite’ ten’na Kanaan leitang aw, Topa in nang tungah thu hong khen zo hi. Mi khempeuh a bei mang dongin, hong susia ding hi.


Nangmah hong nengniamte’ tate nangma mai-ah kunsa-in hong pai ding uh a, nangmah hong simmawh mi khempeuh na khe mai-ah hong bok ding uh hi; amaute in nang pen Topa’ Khuapi, Israelte’ Siangtho Pa’ Zion, hong ci ding uh hi.


Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.


Hong kisusia nai lo, mi a susiapa aw, gimna a ngah ding na hi ta hi. Kuamah in hong khem nai loh mi khempa aw, gimna a ngah ding na hi ta hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.


Ahih hangin tu-in Topa in, “Nasem ding a, a kicial kum hunte sung bangin, kumthum sungin, ama mihon tampite om tase leh Moab’ minthan’na in simmawhna thuak ding a, a suakta lai mite pen tawm mahmahin, thanem ding hi,” a ci hi.


Amah ka mu hi, ahih hangin tu hun hi lo hi; amah ka en hi, ahih hangin a hun nai nai lo hi: Jakob sung pan aksi khat hong suakkhia ding a, Israel sung pan kumpi ciangkhut khat hong piang ding hi; tua in Moab’ taltang sat kham ding a, Sheth’ suante khempeuh sugawp ding hi.


A mai-a om Siria mite leh a nunga om Filistia mite in kamka-in Israel netum uh hi. Hih thute khempeuh hangin ama hehna dam zo nai lo a, ama khut kilamto lai hi.


“Filistia mite khempeuh aw, note hong kisatna ciangkhut a kitan manin lungdam kei un, bang hang hiam cih leh singbul panin a sel a om mah bangin gulpi a sih khit ciangin, a siahuai-zaw gul gunei hong om ding a, tuate pen a leng thei gulpi hong hi ding uh hi.


Moab gam tawh kisai thu: Zan khat thu-in Ar khua kisiasak ahih manin Moab gam bei hi; zan khat thu-in Kir khua kisiasak ahih manin Moab gam bei hi.


Edom gam, Bozrah khua panin puan ausan silhin a hong pai, a puan silhna-ah minthan’na nei-in, ama thahatna tawh hong paipa kua ahi hiam? A honkhia zo dingin hatna a nei, gualzawhna thu a zasak dingin a hong paipa in Topa ahi keimah ka hi hi.


Tua mah bangin Moab gam, Ammon gam, Edom gam leh gamdang a, teeng Judah mi khempeuh in, Babilon kumpipa in Judah gamah mi pawlkhat om sak lai a, tuate a uk dingin Ahikam’ tapa, Shafan’ tupa Gedaliah koih hi, cih thu a za uh hi.


“Topa in kong cih-inah: En in, muvanlai leeng bangin manlang takin gam khat hong leeng ding a, Moab gam sim dingin a kha hong zal ding hi.


En un, galte in muvanlai bangin manlang takin hong leengin Bozrah khua tungah a sim dingin a kha hong zal ding uh hi. Tua ni ciangin Edom galkapte in nupi nausuak dingte bangin a lau ding uh hi,” a ci hi.


Keima mi Israelte in Edom mite tungah phu hong laksak ding uh a, ka heh mahmahna tawh kizui-in Edom mite thuaksak ding uh hi. Keima phulakna zia Edom mite in thei ding uh hi. Topa Pasian in thu gen khin hi,” hong ci hi.


A sakolte uh, kamkei sangin tai hatzaw a, keivom gilkial sangin kihtakhuai zaw hi. Gamlapi pek panin a sakol tung tuangte hong kipan uh a, a sakolte un lei-ah a khe phut uh hi. Muvanlai in sa a bawh bangin, a galte len’lak uh hi.


Keimah in a nungta Israel Pasian ka hih mah bangin, Moab mite, Sodom khuamite bangin kisusia-in, Ammon mite, Gomorrah khuamite bangin kisusia-in, a gam sung uhah lingkung bek po zoin, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak tak kei leh, ci-in ka kiciam hi,” ci hi.


Bang hang hiam cih leh Israelte in khai a tuh peuhmah uh ciangin Midian mite leh Amalek mite leh Nisuahna lam mite hong pai-in amaute do hi;


Tua ahih manin, en un, Topa in kong cih-inah, Ammon gam Rabbah khua kisim a, galdona aw a kizak hun ka tung sak ding hi. Tua khuapi kisusia mang ding a, khuaneute kihaltum ding hi. Tua ciangin Topa in kong cih-inah, Israel mite in a gam uh a lak sak mite kiang panin a gam uh a ngah kik ding uh hi.


Judah mi a om laite in na gamsung luah ding a, amaute in tuu cin’na-in hong nei-in, Ashkelon khua sunga innte sungah zanin lum ding uh hi. Topa ahi amaute’ Pasian in amaute ompih ding a, amaute, citheisak kik ding hi.


Swiv nou:

Piblisite


Piblisite