Isaiah 11:12 - Tedim Bible

¹² Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.

Tedim Bible Revision 2017

¹² Amah in minamte adingin lim khat koih dinga, Israel mi a kihawl khiate kaikhawmin, leitung kiu li panin Judah mi a kikhenthangte kaikhawm ding hi.

Isaiah 11:12 Referans Kwoze

Zefaniah 3:10

A gamlapi Ethiopia gam peka om, a kithehthang ka mite nangawn in biakna hong puak ding uh hi.

Isaiah 56:8

Israel a kikhenthangte a kaikhawm Topa Pasian in, a kikaikhawmsa mite banah midangte ama kiangah ka kaikhawm lai ding hi, ci hi,” a ci hi.

Isaiah 43:6

Keimah in leilu lam kiangah, Pia khia un, leitaw lam kiangah, Len nawn kei un; keima pian’sak ka bawlsa, keima minthan’ nading a, ka bawl, keima min tawh a kilote khempeuh ahi, ka tapate gamlapi panin, ka tanute leimong panin hong paipih un, ka ci ding hi.”

Isaiah 11:10

Tua ni ciangin Jessi’ zung pen mihingte’ tungah lim khat hi ding hi; minamte in ama kiangah kikhawm ding uh a, ama tawlngakna mun pen minthang mahmah ding hi.

Zekhariah 10:6

Judah mite, ka thahatsak ding a, Josef’ innkuan ka honkhia ding hi. Amaute ka khasiat ding a, innah ka ciahpih kik ding hi. Amaute cik mah-a ka nial ngei loh bang keekin, nuam takin om ding uh hi. Keimah in Topa, amau’ Pasian ka hi a, amau’ thungetnate ka pia ding hi.

Late 147:2

Topa in Jerusalem khuapi lam a, amah in a kinilkhia Israelte kaikhawm hi.

Isaiah 27:13

Tua ni ciangin peengkul lianpi khat kitum ding a, Assiria gam sunga a mangthang mite leh Izipt gam sunga a kihawlkhia mite hong pai-in Jerusalem mual siangtho tungah Topa bia ding uh hi.

Late 68:22

Topa in, “Note in sisan sungah na khe uh sil-in, na uite un, galte si a liak theih nadingin Bashan mual panin galte lakhia kikin, tuipi thuk sung panin ka kaikhia kik ding hi,” a ci hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

Jeim 1:1

Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Johan 7:35

Tua ahih ciangin, Judah mite in, “Ei muh zawh loh dingin amah koilam pai ding hiam? A kitheh zak a, om Grik mite lakah pai ding a, Grik mite kiangah thu a hilh ding hiam?

Isaiah 62:10

Jerusalem mite aw, kulh kongpite panin paikhia un la, hong ciahkik na mipihte’ adingin lampi bawlkhol un; zik un, lam lianpi zik-in, suangtumte paikhia un la, mite’ muh dingin lim khat khaito un.

Isaiah 59:19

Tua ahih ciangin nisuahna pan nitumna kikal-a om mi khempeuh in amah zahtakin, a vangliatna kihta ding uh hi. Bang hang hiam cih leh Topa’ huih nung bang, tuipi khang bangin amah hong pai ding hi.

Isaiah 18:3

Leitunga teeng mi khempeuh, leitang tunga om mi khempeuhte aw, mualte tungah lan khat hong kilah ciangin, en un! Peengkul hong kimut ciangin, ngai un!

Thu-hilhkikna 32:26

Keimah in, “Amaute gamlapi ah ka thehthang ding a, mite lakah amaute a kiphawkna ka beisak ding hi,” ka ci thei ding hi,

Mangmuhna 7:1

Tua nung ciangin vantungmi li in lei kiu li mong ah ding-in leitungah ahi zongin, tui tungah ahi zongin, singkung khatpeuh peuh tungah ahi zongin, huih nun’ loh nadingin leitung kiu lite len cipin a om uh ka mu hi.

Late 60:4

Thalte panin kihem-in a kikaihkhop dingun nangmah hong zahtakte’ adingin dial khat na koih khin hi.

Isaiah 24:16

Lei mong a gamla pen pek pan nangawnin “a thuman Pa in vanglian ta hen’ cih la i za ding hi. Ahih hangin keimah in, “Ka lungkham hi, ka lungkham hi. Gimna ngah hi ta ing! Bang hang hiam cih leh mi khemte in khemkhem lai-in sia semsem uh a, khem zawh thu ciam lailai uh hi,” ka ci hi.

Isaiah 49:5

Ama kiangah Jakob paipih kik a, ama kiangah Israelte a kikaihkhop theih nadingin, Topa’ mai-ah kei hong kipahtawi a, Pasian pen keima thahatna suak-in, ama nasem dingin ka nu gilsung panin keimah hong piangsak Topa in tu-in thu hong gen a—

Isaiah 49:22

Topa Pasian in: “En un, Gentailte tungah ka khut ka laamto ding a, mite tungah ka lim ka lakto ding hi; amaute in a ang sung uhah na tapate tawi-in hong paipih ding uh a, a liangko tung uhah na tanute hong pua ding uh hi.

Isaiah 54:7

Tomno sung nang kong nusia pak a, ahih hangin hehpihna lianpi tawh nang kong lakik ding hi.

Isaiah 60:4

Na kimkotah khuadak in la, mu in; na mite kikaikhawmin a ciah dingin nang kiangah hong pai uh hi; na tapate gamlapi panin hong ciah ding a, naungek bangin na tanute’ ang sungah hong kipua ding hi.

Isaiah 66:19

Amaute’ lakah lim khat ka khai ding hi. Amau kiang panin, a suakta lai mite pen, minamte tung, Tarshish mite tung, Put mi leh Lud mite tung, Meshek mite tung, Tubal mi leh Javan mite tung, ka min hoihna a za ngei lo, ka minthan’na a mu ngei lo tuipi gei-a om gammite tungah ka sawl ding hi; amaute in minamte lakah ka minthan’na genthang ding uh hi.

Jeremiah 23:3

Ka mite a om lai sun teng, ka hawl khiatna gamte panin ka kaikhawm kik ding a, a gam uhah ka ciahkik sak ding hi. Amaute pung-in a khang ding uh hi.

Jeremiah 30:17

Bang hang hiam cih leh Topa in kong cih-inah, na galte un note paampaih mi pawl, hong ci-in, ‘Kuama’ don loh Zion na hi hi,’ hong cih uh hangin note kong cidamkik sak ding a, na liammate uh ka damsak ding hi.

Jeremiah 50:4

“Topa in kong cih-inah, tua ni tua hun ciangin Israel mite leh Judah mite kap kawmin, hong pai khawm ding uh a, Topa a Pasian uh hong zong ding uh hi.

Ezekiel 28:25

Topa Pasian in kei kiangah, “Minam tuamtuamte lak-a ka thehthangna panin Israel mite ka kaikhawm kik ding a, keimah in a siangthopa ka hihna thu minam khempeuh in thei ding uh hi. Tua ciangin ka nasempa Jakob ka piak leitang ahi, amaute’ gam sungah Israel mite teeng ding uh hi.

Hosea 1:11

Judah mite leh Israel mite kigawm kik ding uh a, amaute a makai dingin mi khat seh ding uh hi; amaute khangin ci-thei kik ding uh a, tua Jezre-el hun pen a nuam mahmah hun hi ding hi.

Jeremiah 51:12

Babilon khua kulhpi tungah dial khai un; galvil ding tampi koih un. Cing sak un la, galte buk sim dingin kithawi un. Bang hang hiam cih leh Babilon khua mite tawh kisai-a Topa in a gensa teng, a geel khin zo a, a sem khin zo hi.

Hosea 2:2

Tate aw, na nu uh zol bawl un. Amah in ka zi hi buang a, kei in ama pasal hi buang hilo ka hi hiam? A paktatna leh midang tawh a mawhnate a khawl nadingin zol un.

Zekhariah 8:7

Nisuahna leh nitumna gamte panin ka mite ka honkhia ding a,