Isaiah 11:11 - Tedim Bible

¹¹ Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Tedim Bible Revision 2017

¹¹ Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam le tuipi gei-a gamte panin ama mi a omlaite a ngahkik nadingin a vangliatna zangkik ding hi.

Isaiah 11:11 Referans Kwoze

Micah 7:12

Nisuahna lam Assiria gam pan hita leh, leitaw lam Izipt gam pan hita leh, a gamlapi tuipi khen’ pan leh a gamlapi mualte, mun khempeuh panin na mite uh hong ciahkik ding uh hi.

ROM (Romans) 11:26

Tua ahih ciangin Lai Siangtho sungah a kigelh mah bangin Israel mite khempeuh in gupna a ngah ding uh hi. Tua a kigelhna in: “Zion Mual tungah Gumpa hong pai ding a, Pasian zahtak lohna Jakob’ suante lak pan a lakhia ding hi.

Isaiah 10:20

Tua ni-a kipan, Israel a om laite leh Jakob innkuan a suakta laite in amau a sugawppa suang nawn loin, Topa ahi, Israelte’ Siangtho Pa pen thuman tawh suan’ in, nei ding uh hi.

Hosea 11:11

Izipt gam panin vasa bangin lawp takin hong leeng ding uh a, Assiria gam panin vakhu bangin hong leeng ding uh hi. Tua ciangin keimah in amaute’ inn ngeisa-ah ka tun’pih kik ding hi, Topa in ci hi.

Isaiah 66:19

Amaute’ lakah lim khat ka khai ding hi. Amau kiang panin, a suakta lai mite pen, minamte tung, Tarshish mite tung, Put mi leh Lud mite tung, Meshek mite tung, Tubal mi leh Javan mite tung, ka min hoihna a za ngei lo, ka minthan’na a mu ngei lo tuipi gei-a om gammite tungah ka sawl ding hi; amaute in minamte lakah ka minthan’na genthang ding uh hi.

Isaiah 42:4

Amah in leitungah thutang thu a phuh khit matengin lungsi lo, lungkia lo ding hi; tuikulh gamte in ama thukham sungah lametna nei ding uh hi.

Isaiah 24:15

Nisuahna lama, om mite in Topa phat ding uh hi. Tuipi dunga a teeng mite in Topa, Israelte’ Pasian’ min phat ding uh hi.

Isaiah 10:9

Kalno khuapi pen Karkhemish khuapi tawh kibang hilo ahi hiam? Hamath khuapi pen Arpad khuapi tawh kibang hilo ahi hiam? Samaria khuapi pen Damaskas khuapi tawh kibang hilo ahi hiam?

Piancilna 11:2

Amaute nisuahna lamah lal uh a, Shinar gamsungah zanglei mun khat mu uh a, tua lai-ah teng uh hi.

Piancilna 10:22

Shem’ tapate: Elam, Asshur, Arpakshad, Lud, leh Aram ahi hi.

Piancilna 10:10

Ama' kumpi gam kipatna in Babilon, Erek, Akkad leh Kalneh hi a, tuate khempeuh Shinar gamsungah om hi.

2 KORIN NIHNA 3:16

Ahih hangin Topa kiangah a kihei uh ciangin tua a kisitna a kipaaikhia hi.

ROM (Romans) 11:15

Tua mite kipaih khiatna un leitung mite’ kilem kikna a pian’sak leh, amau kikoihcin’na un sihna pan thawhkikna hilo ahi hiam?

Zekhariah 9:2

Hadrak tawh a kigizawng Hamath zong, ama’ aa hi a, siamna a nei Tai-ar khuapi leh Sidon khuapite zong, ama’ aa mah ahi hi.

Zekhariah 5:11

Amah in, “Biakinn khat a lamsak dingin Babilon gamah a len’pih ding ahi uh hi. Biakinn a lamsak uh a zawh uh ciangin, biak dingin tua ciangpi kikoih ding hi,” ci-in hong dawng hi.

Zefaniah 2:11

Topa in amaute lausak gawp ding a, leitung pasiante, neu bawl gawp ding hi. Tua ciangin, minam khempeuh in amau’ gam ciat panun amah bia ding uh hi.

Hosea 1:11

Judah mite leh Israel mite kigawm kik ding uh a, amaute a makai dingin mi khat seh ding uh hi; amaute khangin ci-thei kik ding uh a, tua Jezre-el hun pen a nuam mahmah hun hi ding hi.

Daniel 11:18

Tua khit ciangin tuipi gei-a, minam dangte sim ding a, tampi tak mah a zo ding hi. Ahih hangin gamdang makaipa khat in amah zo gawp ding a, a kiphatsakna teng amah in a thuakkik ding hi.

Daniel 8:2

Ka mangmuhna-ah thakhatin Elam gam khen sung Susa khuapi kulh sunga a om-in ka kingaihsun a, Ulai gun gei-ah ka ding hi.

Ezekiel 30:14

Izipt gam khanglam Pathros gam teng gamkhing ka suaksak ding a, Izipt gam saklam-a om Zoan khuapi ka hal ding a, kumpi khua ahi Thebes, daan ka pia ding hi.

Ezekiel 27:6

Nangmah hawh nadingin Bashan-a tawsaw singte la uh a, Grik tuikulh pana kila taaksante tawh, na sual ding bawl uh a, saiha pak tawh zem uh hi.

Jeremiah 49:23

Damaskas khua tawh kisai-in, “Hamath khua leh Arpad khuate in thusia za uh ahih manin lung mangin a om uh hi. Tuipi dai thei lo bangin a launa uh dai thei lo hi.

Jeremiah 44:1

Izipt gam Migdel khua, Tahpanhes khua, Memfis khua leh leitaw lamah a teeng Judah mite tawh kisai-in Topa in Jeremiah hopih a,

Jeremiah 31:10

“Aw, gamdangte aw, Topa’ kammal ngai un la, gamla pi, tuipi gei-a omte kiangah va gen sawn un. ‘Israel mite a kithehthangsak pa in a kaikhawm kik ding a, tuucingpa in a tuute a cin’ bangin a cing ding hi,’ va ci un.

Jeremiah 25:25

Zimri kumpite khempeuh, Elam kumpite khempeuh, leh Media kumpite khempeuh;

Isaiah 45:14

Topa in hih bangin ci hi: “Izipt pan a piangte leh Ethiopia sumbuk vante leh a tun a sang Seba mite nangma kiangah hong pai-in nangma aa hi ding uh a, amaute in nang hong zui ding uh hi; amaute sikkhau kibulh-in hong pai-in nangma kiangah hong kun ding uh hi. Amaute in nangma kiangah thuum ding uh a, ‘Nangmah bek tawh Pasian omkhawm a, kuamah dang om loin, amah sim loh pasian dang om lo hi,’ hong ci ding uh hi.”

Isaiah 42:12

Topa a minthan’na ama tungah gen un la, tuikulh gamte ah amah phatna gen sak un.

Isaiah 42:10

Topa’ tungah la thak sa un la, leimong panin amah phatna sa un! Tuipi leh a sunga omte, tuikulh gamte leh a tunga teeng mite aw, lasa un.

Isaiah 11:16

Izipt gam panin Israel mite hong paitoh ciangin amau’ ading lam lianpi khat a om mah bangin, ama mi a om laite’ adingin zong Assiria gam panin lam lianpi khat om ding hi.

Late 68:22

Topa in, “Note in sisan sungah na khe uh sil-in, na uite un, galte si a liak theih nadingin Bashan mual panin galte lakhia kikin, tuipi thuk sung panin ka kaikhia kik ding hi,” a ci hi.

Piancilna 14:1

Shinar kumpipa Amrafel, Ellasar kumpipa Ariok, Elam kumpipa Khedorla-omer, Goi-im kumpipa Tidalte’ hun lai-in,

Esther 10:1

Kumpipa Ahasu-eras in a ukna gam leitung leh tuikulh tunga teengte tung panin siah kai hi.

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Isaiah 19:21

Topa in Izipt mite tungah amahmah kitheisak ding hi; tua ni ciangin Izipt mite in Topa thei-in biak piakna leh meihal tawh bia ding uh a, amaute in Topa’ tungah thuciamna bawl-in, tua thuciamnate sem ding uh hi.

Isaiah 19:22

Topa in Izipt mite pulnatna tawh vat ding a, ahi zongin damsak ding hi; Topa’ lamah amaute kihei kik ding uh a, amah in amaute’ thuumna donin amaute damsak ding hi.

Isaiah 37:31

Tua ciangin, Judah minam sung panin a suakta lai mite in singkung bangin zung khasuk kikin, gah na gahto kik ding uh hi;

Ezekiel 29:14

amaute’ piancilna mun Izipt khanglam Pathros gamah ka teengsak ding hi. Tua lai-ah kumpi gam gina loin om ding uh a,

Ezekiel 32:24

“Elam zong a kimkotah a galkapte’ han tawh, tua lai mah-ah om hi. Amaute khempeuh gal sungah a si uh hi a, mi site gam Leinuai-ah Pasian a thei loin paisuk uh hi. A hin’ lai-un mi khempeuh a lausak ngeite hi uh a, ahi zongin tu-in amaute si-in mindai-in om uh hi.

Ezekiel 38:8

Minam tuamtuamte lak panin kikaikhawm kikin a gam uh a kitut kik zawh gal launa nei loin a om Israel mite’ gam a sim dingin kum tampi khit ciangin kong sawl ding hi. Sau veipi sung kinusia-in gamkhing a suak ngei hi napi-in, tu-in a mite khempeuh lungmuang takin a omna Israel mual tung gamte a sim ding na hi hi.

Daniel 1:2

Topa in, Jehoiakim kumpipa leh biakinnpi’ na manphate Nebukhadnezzar kumpipa a mansak hi. Amah in a mi matte Babilon gam ama pasian biakinnah paipih a, na manpha a matte sum koihna innah a koih hi.

Piancilna 2:13

A nihna gun min in Gihon hi a Kush gam kimkot-a luang pen ahi hi.

Thu-hilhkikna 9:29

Bang hang hiam cih leh amaute pen na vangliatna leh na thahatna tawh na paikhiatpih na mihingte leh na luahte ahi hi,’ ka ci hi.

2 KUMPI NIHNATE 17:24

Tua ciangin Assiria kumpipa in Babilon, Kuthah, Avva, Hamath, leh Sefarvaim panin mite paipih a, Israel mite’ tangin Samaria khuapite ah amaute koih hi; amaute in Samaria gam luahin a khuapite-ah teeng uh hi.

Isaiah 21:2

A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.

Isaiah 22:6

Sakol leengte leh sakol tung tuangte tawh Elam galkapte in thallawng pua a, Kir galkapte in a lumte uh a baihsa-in nei uh hi.

Isaiah 49:12

Ka mite a gamlapi panin hong pai ding uh a, leilu lam gam leh nitumna lam gamte panin hong pai-in, pawl khatte, leitaw lam Sinim gam panin hong ciah ding uh hi,” a ci hi.

Hosea 11:10

Humpinelkai bangin a galte uh ka hawksan gawp ding a, tua ciangin ka mite in kei hong zui ding uh hi. Nitumna lam gam panin kei kiangah hong nawh tai ding uh hi.

Zekhariah 8:7

Nisuahna leh nitumna gamte panin ka mite ka honkhia ding a,