Isaiah 10:34 - Tedim Bible

³⁴ Amah in tulak singte hei tawh phuk ding a, Lebanon mual pen Vanglian Pa’ mai-ah puk ding hi.

Tedim Bible Revision 2017

³⁴ Amah in tulak singte hei tawh phuk dinga, Lebanon mual a singkung liante tawh pukkhawm ding hi.

Isaiah 10:34 Referans Kwoze

Isaiah 37:24

Nangmah in na nasempa zangin, Topa na zahko a, Lebanon mual dong pek, mual sangte tungah ka leeng tampite tawh ka pai khin hi; taamtak sing a sang pente, taksing hoih pente ka phuk khin hi; a sang pen mun, tulak a thuk penna munah ka paikhin hi.

Mangmuhna 18:21

Tua lai takin a thahat vantungmi khat in a lian angawina suang tawh kibang suang khat la-in tuipi sungah a khiatsuk ciangin, “Babilon khuapi lian in hih bangin nakpi khiatsukna thuakin a nung ciangin cikmah hunin kimu zo nawn lo ding hi.

Mangmuhna 10:1

Tua ciangin adang a thahat vantungmi khat in vantung meii silhin vantung pan hong kumsuk ka mu hi. Ama lutang tungah sakhituihup a om hi, a maitang ni bang ahi hi, a khete meikuang bang ahi hi.

2 PETER NIHNA 2:11

Vantungmite in ahih uh leh, amaute sangin a hat zawk, a vangliat zawk uh hangin Pasian mai-ah amaute in kosiatna mawhsakna a bawl kei uh hi.

Nahum 1:12

Topa in ama mite tungah hih bangin thu gen a, “Assiria mite thahat-in a tam mahmah hangin, amaute kisusia-in maimang ding hi. No ka mite na hih uh leh, khat vei kong gimsak khit hangin, kong gimsak kik nawn kei ding hi.

Daniel 4:23

Kumpipa in na et lai takin, vantungmi khat vantung panin hong paisuk a, ‘Singkung phuk in la susia in, ahih hangin lei sungah a bul leh a zungte nusia in. A bulah sik leh sumngo kual vial in la, gamlak lopate tawh nusia khawm in. A tungah daitui kia hen la, kumsagih sung ganhingte tawh omkhawm ta hen,’ a ci hi.

Jeremiah 48:2

Moab gam minthan’na bei ta hi. Heshbon khua-ah a galte un a sim nading uh a vaihawm uh a, ‘Hong pai un, Moab gam i beimang sak ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nungdelh ding hi.

Jeremiah 22:7

Nang’ lang khatah a hong susia ding mi ka kithawisak ding a, a hei uh hong keng ding uh hi. Amaute in na sidar khuam hoihpente hong phuksak ding uh a, mei-ah hong khul sak ding uh hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Isaiah 31:8

“Assiria pen mihing’ namsau ahi lo, namsau khat tawh puk ding a, mihing namsau ahi lo, namsau khat in susia ding hi; namsau panin tai ding uh a, a tangvalte uh zawhthawh thu tawh nasem dingin kikoih ding hi.

Isaiah 10:18

Gah tampi a piangsak ama leitang leh ama gamlak a minthan’na pen nuntakna leh pumpi dong takin Topa in susia khawm ding a, mi cina khat a bei tawh kibang ding hi.

Late 103:20

Ama thugen a ngai, ama thu bang-a a sem no a thahat, no ama vantung mite aw, Topa phat un!

Isaiah 2:13

a sang, a kilamto, Lebanon mual taamtaak singkungte khempeuh; Bashan mual tawsaw kungte khempeuh;

Isaiah 33:9

Leitang kinusia cipin ommawk hi. Lebanon mual-a tulak singte vulgawp a, Sharon gam leihoih pen sehnel gam bang ta hi; Bashan mual leh Karmel mual-a singtehte pulh mang khin ta uh hi.

Ezekiel 31:3

A hiangte hoih-in pha mahmah a, a kung sang mahmahin meii lak a ban, Lebanon-a taamtaak tawh na kibang uh hi.