Isaiah 10:26 - Tedim Bible

²⁶ Vanglianpen Topa in Oreb suangpi-ah Midian mite a sukgawp bangin, amah in amaute khau tawh sat ding a, Izipt ah a hih bangin amah in a ciangkhut tuite tungah vaan ding hi.

Tedim Bible Revision 2017

²⁶ Vanglian Topa in Oreb suangpi ah Midian mite a suk gawp bangin, amah in amaute tungah gimpiakna zang dinga, Egypt mite a thuaksak bangin Assiria mite thuaksak ding hi.

Isaiah 10:26 Referans Kwoze

Isaiah 9:4

Bang hang hiam cih leh Midian mite a kizawh ni-a bangin nangmah in gik a sak uh a hakkol uh, amau liangko tunga singzawl leh amaute a nengniamte in a satna ciangkhut na kuaihtan sak a, nangma mi a bawlsia minamte na zo gawp hi.

Thukhente 7:25

Amaute in Midian ulian nihte Oreb leh Ze-eb man uh hi; amaute in Midiante a delh kawm-un Oreb suangpi-ah Oreb that uh a, Ze-eb leenggah sukna-ah Ze-eb that uh hi; amaute in Jordan gal khat Gideon kiangah Oreb leh Ze-eb lutangte paipih uh hi.

2 KUMPI NIHNATE 19:35

Tua zanin Topa’ vantungmi paikhia a, Assiria’ giahphual ah galkap tul zakhat leh tul sawmgiat leh tulnga that hi; zingsang tungin mite a thawh ciangin, en in, hihte khempeuh siluang hawm na hi hi.

Paikhiatna 14:16

Israel mite in leikeu tung tawnin tuipi a kantan theih nadingin na ciangkhut laamto in la, tuipi tungah na khut zan-in khenkham in.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Mangmuhna 11:18

Mipawl khempeuh a heh uh a, na hehna ahi zongin, a si mite thukhen nading hun ahi zongin, na sila kamsangte-a kipan misiangthote leh, na min a kihta milian leh mineu lungdamna na piak nading hun ahi zongin, leitung a siasak mite a siatsak nading ahi zongin a tung zo hi,” ci-in a gen uh hi.

Isaiah 11:16

Izipt gam panin Israel mite hong paitoh ciangin amau’ ading lam lianpi khat a om mah bangin, ama mi a om laite’ adingin zong Assiria gam panin lam lianpi khat om ding hi.

Isaiah 10:24

Tua ahih ciangin Topa, Vanglianpen Topa in hih bangin ci hi: “Zion-ah a teeng ka mihingte aw, Izipt mite’ hih bangin amaute in molhtum tawh hong satin a ciangkhut uh hong liik ciangin Assiria mite kihta kei un.

Late 83:11

“Pasian’ gam hoihte eima tan’ dingin la ni,” a ci Oreb leh Zeeb-te bangin amau’ mi liante bawl in la, Zebah leh Zalmunna-te bangin amau a ukte khempeuh bawl in.

Late 35:23

Ka Topa ka Pasian aw, ka thu hong thei in la, kei’ adingin nangmah hong kisosuah tawm in!

Isaiah 30:31

Amah in a ciangkhut tawh a sat ciangin, Assiria mite in Topa’ aw kihta mahmah ding uh hi.

Isaiah 9:3

Nangmah in amaute na pung sak a, a lungdamna uh na khang sak hi; anlak hun ciang-a lungdamna leh mite in vankisutte a hawm ciangun a lungdam bangun, nangma mai-ah amaute lungdam uh hi.

Isaiah 30:30

Topa in heh mahmahna leh a kangtum thei meikuang sung panin vanging leh huihpi leh gialpi tawh, ama liatna minthan’na aw kizasakin, ama khut a viik sukna kimusak ding hi.

Isaiah 30:32

Topa in amaute daan pia-in ciang tawh a satna a gingte tawh kituakin khuang leh laiza lasaknate tumin na gingsak ding uh hi. Amah in a khut viik-in amaute do ding hi.