Isaiah 10:24 - Tedim Bible

²⁴ Tua ahih ciangin Topa, Vanglianpen Topa in hih bangin ci hi: “Zion-ah a teeng ka mihingte aw, Izipt mite’ hih bangin amaute in molhtum tawh hong satin a ciangkhut uh hong liik ciangin Assiria mite kihta kei un.

Tedim Bible Revision 2017

²⁴ Tua ahih ciangin Topa, Vanglian Topa in thu gen a, “Zion ah a teeng ka mihingte aw, Egypt miteʼ hih bangin amaute in molhtum tawh hong satin a ciangkhut uh hong liik ciangin Assiria mite kihta kei un.

Isaiah 10:24 Referans Kwoze

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Isaiah 37:6

Isaiah in amaute tungah, “Na Topa uh kiangah, ‘Topa in hih bangin ci hi: Assiria kumpipa’ nasemte in keimah a hong simmawhna na zaksa uh thute hangin lau kei un.

Isaiah 46:13

Ka dikna kong tungsak ta a, gamla nawn lo hi; ka hotkhiatna zekai lo ding hi; keima minthan’na ahi Israel adingin, Jerusalem ka honkhia ding hi.”

Isaiah 37:22

amah tawh kisai-in Topa’ thugen in hih ahi hi: ‘Sennakherib aw, Zion tanungak siangtho in nang hong simmawh in hong zahko uh hi; Jerusalem mite in na nungah a lu hong peisan lel uh hi.

Isaiah 35:4

Lungsim lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai ding a, amah in note hong honkhia ding hi,” ci un.

Isaiah 30:19

Hi hi, Jerusalem khua sunga a teeng Zion sunga a om mite aw, note na kap nawn kei ding uh hi. Note’ huh ngen a, kahna aw hangin amah in hong hehpih taktak ding a, amah in a zak ciangin note hong dawng ding hi.

Isaiah 27:7

Amau’ galte a vat gawp bangin Pasian in Israelte vat gawp ahi hiam? Tua ahih kei leh amau a thatte a kithah bangin amaute kithat ahi hiam?

Isaiah 14:29

“Filistia mite khempeuh aw, note hong kisatna ciangkhut a kitan manin lungdam kei un, bang hang hiam cih leh singbul panin a sel a om mah bangin gulpi a sih khit ciangin, a siahuai-zaw gul gunei hong om ding a, tuate pen a leng thei gulpi hong hi ding uh hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Isaiah 10:5

Assiria-te in gimna ngah hen, keima hehna molhtum leh ka lungdamna ciangkhut ahi uh hi.

Isaiah 9:4

Bang hang hiam cih leh Midian mite a kizawh ni-a bangin nangmah in gik a sak uh a hakkol uh, amau liangko tunga singzawl leh amaute a nengniamte in a satna ciangkhut na kuaihtan sak a, nangma mi a bawlsia minamte na zo gawp hi.

Isaiah 4:3

Topa in thukhenna leh meihalna tawh Zion numei’ nitna teng siangsakin, Jerusalem khua sung panin mithahna teng a beisak ciangin, Zion-ah a om lai mi, Jerusalem ah a om lai mi khang tawntunga Jerusalem ah om dingin a kiciamtehsa mite khempeuh pen a siangtho kici ding hi.

Paikhiatna 14:9

Izipt mite ahi, Faro’ sakolte, leengte, ama sakol tuangte leh a galkapte in amaute delh uh a, amaute giahphual satin tuipi-ah a omna uh, Pihahiroth gei, Baalzefon nisuahna lam munah pha uh hi.

Paikhiatna 5:14

Israel mi nasem mapi, Faro’ nasem ukte in amaute uk dingin a koih mite kisatin, “Bang hangin tu ciang dong, leiseek bawl ding na nasep khempeuh uh hih khin nai lo na hi uh hiam?” ci-in kidong hi.

Isaiah 7:4

ama tungah, ‘Kidawm in la, om khinkhian in; lau kei in, Siria gam kumpipa Rezin leh Remaliah’ tapa’ hehna pen, sing tumbang nih a khute tawh kibang lel ahih manin kilunggim sak kei in.

Isaiah 12:2

“En in, Pasian in keima kihotkhiatna ahi hi; amah ka muang ding a, ka lau kei ding hi; bang hang hiam cih leh Topa Pasian in thahatna leh vangliatna hong pia a, amah in keimah hong honkhiapa ahi hi,” a cih hun uh hong tung ding hi.

Isaiah 30:32

Topa in amaute daan pia-in ciang tawh a satna a gingte tawh kituakin khuang leh laiza lasaknate tumin na gingsak ding uh hi. Amah in a khut viik-in amaute do ding hi.

Isaiah 51:13

Vantungte zal-in, lei bulpite a koih note a hong bawl Topa hong mangngilh khin ta na hi uh hiam? Note hong susia dingin a kithawi, no a hong nengniamte’ hehna, bang hangin kihta-in om tawntung na hi uh hiam? Amaute’ hehna in note hong sukha zo het lo ding hi.

Micah 5:5

Amah in lungnopna hong omsak ding hi. Assiria mite in i gam hong simin, i gal dalna teng hong suk ciangin amaute a do dingin, i makai hatpen teng i sawl ding hi.

2 KUMPI NIHNATE 19:6

Isaiah in amaute kiangah, “Na topa uh kiangah gen un, ‘Topa in hih bangin ci hi: Assiria kumpipa’ nasemte in kei hong simmawhna, na zaksa uh thute hangin lau kei un.