Isaiah 10:23 - Tedim Bible

²³ Bang hang hiam cih leh Topa, Vanglianpen Topa in a thukhennasa bangin leitung khempeuh ah bei siangna bawl ding hi.

Tedim Bible Revision 2017

²³ Bang hang hiam cih leh Topa, Vanglian Topa in a thukhennasa bangin leitung khempeuh ah beisiangna a bawl ding hi.

Isaiah 10:23 Referans Kwoze

Isaiah 28:22

Tua ahih ciangin tu-in, note hong kikhihna, a to-in kibawl kha ding ahih manin thusim loin om kei un; bang hang hiam cih leh Vanglianpen Topa Pasian tung panin gam buppi-ah siat nading thukhenna ka za khin hi.

ROM (Romans) 9:28

Bang hang hiam na cih uh leh, Topa in leitung ah ama thukhenna kipsak a, manlangin a zo ding hi,” ci-in a kiko hi.

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

Late 46:9

Amah in leimong dong ah gal beisak hi; amah in thalpi kuaitanin, teipi susia a, leengte mei tawh haltum hi.

Daniel 11:36

“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.