Isaiah 10:22 - Tedim Bible

²² Na mi Israelte pen tuipi sehnel zah bang ahih hangin, amaute a om lai tawm khat bek hong ciahkik ding hi. Thuman mahmahna tawh siatna thu kikhen ahi hi.

Tedim Bible Revision 2017

²² Na mi Israel-te, tuipi sehnel zah a phak hangin amaute tawm khat bek hong ciahkik ding hi. Amauteʼ thuak dingin a kilawm bangin thu a kikhen ahi hi.

Isaiah 10:22 Referans Kwoze

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Mangmuhna 20:8

leitung kiu li-ah a om Gog leh Magog ahi uh mipawlte galdona phualah kikhawmsak dingin, kheem dingin pusuaksak ding hi. Tua mipawlte a kisim ciangin tuipi gei sehnel zah a pha uh hi.

Daniel 9:27

Tua makaipa in mi tampite tawh nipi kal khat sung thu ciamna kip bawl ding uh hi. Gangawh biakna leh biakna piakna nipi kal lang sung a khawlsak ding hi. Biakinn dawn sangpen tungah Pasian’ sehsa bangin a koihpa a bei mateng a Lipkhaphuai na om ding hi,” hong ci hi.

ROM (Romans) 2:5

Tua bangin na lungkhauh leh, a kisik nuam lo na lungsim mah bangin Pasian’ hehna leh Pasian’ thuman thukhenna a kilat Ni ciangin na pumpi tungah hehna na khol hi.

Sawltak 17:31

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.

Isaiah 8:8

Judah gam dong hong nawtsuk ding a, dimlet-in pai suaksuak-in, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

Isaiah 6:11

Tua ciangin keimah in “Topa aw, bang tanvei sawt ding ahi hiam?” ka ci hi. Amah in, khuapite-ah a teeng kuamah om loin hawm suakin, innte ah kuamah om loin kinusia a, leitang pen gamkhing suak kiuhkeuhin,

1 KUMPI MASATE 4:20

Judah leh Israelte tuipi gei-a sehnel bangin tam uh hi; amaute in ne-in dawnin lungdam uh hi.

Piancilna 18:25

Thuman mite in mi gilote tawh a kibat nadingin mi gilote tawh thuman mite thah khawm ding, hi thei ahi hiam? Tua pen hi thei lo ding hi. Leitung khempeuh Thukhenpa a manin gamta lo ding ahi hiam?” ci hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Isaiah 46:3

“Na suah-a kipan kong tawi, gilsung pan-a kong puak, Jakob innkuan, Israel innkuan a suakta laite khempeuh aw, keima thu hong ngai un;

Isaiah 48:19

na suan leh khakte sehnel zah pha-in, na tu leh tate sehnel vui zah pha ding hi; keima mai-ah amaute’ min kiphiat khia lo, kisusia ngei lo ding hi,” a ci hi.

Isaiah 60:22

A ngek pen mipa in minam khat suak ding a, a neu pente in minam lianpi suak ding hi; keimah in Topa ka hi hi; a hun ciangin keimah in thakhatin hih thu ka tungsak ding hi.

Isaiah 65:8

Topa in hih bangin ci hi: Leenggahzu pen leenggah bom panin kingah a, mite in, ‘Tuate kimang thei ahih ciangin susia kei un,’ a cih mah bangun kei zong a minam bupin susia loin, keima na hong semte ka suakta sak ding hi.

2 KUMPI NIHNATE 19:31

bang hang hiam cih leh Jerusalem panin a om laite hong paikhia ding a, Zion Mual panin a suakta honkhat hong paikhia ding hi. Topa’ deihluatna in hih thu hong tungsak ding hi.

Isaiah 37:31

Tua ciangin, Judah minam sung panin a suakta lai mite in singkung bangin zung khasuk kikin, gah na gahto kik ding uh hi;

Isaiah 59:20

Topa in ama mite tungah, “Note a hupa Jerusalem ah kong pia ding a, mawhna panin a kihei khia mi peuhmah kong honkhia ding hi.

Jeremiah 3:14

Hong kilehkik un, a zulhzau ka tate aw, Topa in kong ci hi; bang hang hiam na cih uh leh keimah in note’ Topa ka hi a, khuapi khat panin mi khat ta leh beh khat sung panin nih ta hong la-in, Zion khua-ah kong puak ding hi.

Jeremiah 44:28

Namsau tawh thahna a thuak kha lo, mi tawmkhate in Izipt gam panin Judah gama teeng dingin a pai a nungta lai sunte in kei’ kammal leh amau’ kammal koi zaw, a manin tung cih a thei ding uh hi.