Isaiah 10:21 - Tedim Bible

²¹ Jakob’ innkuan a om laite, a vanglian Pasian kiangah ciahkik ding hi.

Tedim Bible Revision 2017

²¹ Jakob innkuan a omlaite a vanglian Pasian kiangah ciahkik ding hi.

Isaiah 10:21 Referans Kwoze

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Hosea 7:16

Amaute, kei lam hong nga loin, Baal pasian lam nga tawntung uh hi. A khakna san ding a kha thei lo thal peu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Izipt mite in, amaute nuihsan lel ding uh hi.

Hosea 7:10

Israel mite’ kiphatsakna in amau’ langkhat ah teci pang hi. Ahi zongin hih thu khempeuhah zong, amau’ Topa Pasian ahi kei lamah hong kihei lo uh a, kei hong zong lo uh hi.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Isaiah 19:22

Topa in Izipt mite pulnatna tawh vat ding a, ahi zongin damsak ding hi; Topa’ lamah amaute kihei kik ding uh a, amah in amaute’ thuumna donin amaute damsak ding hi.

Isaiah 9:13

Amaute a satpa’ lamah mite kihei lo a, Vanglianpen Topa zong lo uh hi.

Isaiah 7:3

Topa in Isaiah’ tungah, “Ahaz tawh kimu dingin Puansawppa’ nasepna phual zuatna-a lampi kianga a om, bual tungnung tui lakna mongah nang leh na tapa Shearjashub pai un la,

Isaiah 46:3

“Na suah-a kipan kong tawi, gilsung pan-a kong puak, Jakob innkuan, Israel innkuan a suakta laite khempeuh aw, keima thu hong ngai un;

Ezra 1:4

tua ciangin koi lai koi lai muna om hi taleh Judah mi a om lai khempeuh, a omna mun mite in Jerusalem-a om Pasian’ inn adingin ut thu-a piakna a piakte uh banah, ngun leh kham, nate leh ganhingte tawh zong huh uh hen,” a ci hi.

Isaiah 37:31

Tua ciangin, Judah minam sung panin a suakta lai mite in singkung bangin zung khasuk kikin, gah na gahto kik ding uh hi;

Isaiah 59:20

Topa in ama mite tungah, “Note a hupa Jerusalem ah kong pia ding a, mawhna panin a kihei khia mi peuhmah kong honkhia ding hi.

Jeremiah 50:20

Tua ni tua hun ciangin, Topa in kong cih-inah, Israel gamah khialhna kizong ding a, kimu lo ding hi. Judah gamah mawhna kizong ding a, kimu lo ding hi. Bang hang hiam cih leh ka nuntaksak, ka nusiat lai mite a mawhna uh ka maisak ding hi,”