Isaiah 10:17 - Tedim Bible

¹⁷ Israel’ khuavak pen mei suakin, ama Siangtho Pa pen meikuang suak ding hi; ni khat sungin ama lingkungte leh lingte kang-in beitum ding hi.

Tedim Bible Revision 2017

¹⁷ Israel-teʼ khuavak pen mei suakin, Israel-teʼ Siangtho Pa pen meikuang suak ding hi. Ni khat sungin ama lingkungte le lingte kaangin beitum ding hi.

Isaiah 10:17 Referans Kwoze

Isaiah 27:4

Leenggui lo tungah ka heh nawn kei hi. Lingte leh lingkungte om hi leh keimah kuan khia-in tuate ka haltum ding hi.

Mangmuhna 22:5

A nung ciangin zan om nawn lo ding hi. Amaute in meivakna ahi zongin, ni tan’na ahi zongin a kisam kei ding uh hi. Bang hang hiam na cih uh leh, Topa Pasian in amau khuavakna a pia ding hi. Amaute in zong a tawntungin a mang ding uh hi.

Nahum 1:10

Amaute, linglom bangin om uh a, zu leh sa tawh kidiahin a om lai takun ham bangin kihaltum ding hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Isaiah 37:23

‘Nang in kua zahko-in kua gensia na hi hiam? Nang in kua tungah na aw sangsakin, kiphasak na hi hiam? Israelte’ Siangtho Pa, kei tungah hong tuaci na hi hi.

Gamlak-vakna 16:35

Topa kiang panin mei hong paikhia a, paknamtui a pia mi zanih leh sawmngate kangtum hi.

Mangmuhna 21:23

Ni tan’na, kha tan’na zong tua khuapi-ah a kisam kei hi. Bang hang hiam na cih uh leh, Pasian’ vang in tua khuapi a tangsak a, Tuuno in zong tua khuapi’ meivak ahi hi.

Hebru 12:29

Bang hang hiam na cih leh, i Pasian in a kangtum thei mei ahi hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi; bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding uh hi, a ci hi.

Isaiah 60:19

Sun hunin ni pen nangma khuavak hi loin, zan hunin kha pen nangma khuavakna hi nawn lo ding hi; Topa pen a tawntung nangma khuavak hi ding a, na Pasian pen nangma minthan’na hi ding hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Isaiah 31:9

Amau’ belh a mun muanhuai uh, launa hangin tai ding a, buaina hangin a uliante in a lim uh taisan ding hi,” ama meikuang Zion ah a om, ama meikhuk Jerusalem khua ah a om Topa in ci hi.

Isaiah 9:18

Bang hang hiam cih leh gitlohna pen mei bangin kuang a, lingkungte leh lingte kangtum sak hi; gamlak lopa phate kuang sak a, meikhu lomtangin van lamah kizialto uh hi.

Late 97:3

Ama mai-ah mei pai a, a kimkot-a om ama langpangte kangtum hi.

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

Late 50:3

Pasian hong pai hi, amah dai om lo hi, ama mai-ah mei husia om a, a kimkotah huihpi om hi.

Late 27:1

Topa in ka khuavak leh ka kihotkhiatna hi; kua zahtak ding ka hi hiam? Topa in ka nuntakna’ adingin mun muanhuai hi; bang laupih ding ka hi hiam?

Late 21:9

Na kilat ciangin meiphual kuang bangin amaute na bawl ding hi. Topa in hehna tawh amaute nawmvalh ding a, mei in amaute kangtum ding hi.

Late 18:8

Ama nakvangte panin meikhu pusuak a, a kam panin mei husia pusuak hi; ama tung panin mei-am san kuangkhia hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Isaiah 27:7

Amau’ galte a vat gawp bangin Pasian in Israelte vat gawp ahi hiam? Tua ahih kei leh amau a thatte a kithah bangin amaute kithat ahi hiam?

Isaiah 30:33

Tofeth a kihal nading mei phualpi mun, sawt pekin kibawl khin zo hi; hi hi, kumpipa’ adingin a baihsa-in kikoih a, a mi-halna pen lianin kisangsak a, sing a sangpi-in vum venvan hi. Topa in kaat kuang hu sang khia ding a, tua meiphualpi tawh kuang ding hi.

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Isaiah 33:12

Leikang ngah nadingin suangkang kihal bangin na vui suak ding uh a, meikhuk sunga a kihaltum lingkungte na bang ding uh hi,” a ci hi.

Isaiah 47:14

En in, amaute pen buhkung tawh kibang uh a, mei in amaute kangtum hi; meikuang’ vangliatna panin amau leh amau kihontawm thei lo uh hi. Hih pen khua lum nading mei-am hi lo a, awi ding mei zong hi lo hi.

Zekhariah 12:6

Tua ni ciangin, Judah minamte, tulak kang leh buhphal kang ka bangsak ding a, a kiim-a om minam dangte khempeuh susia ding uh hi. Ahi zongin Jerusalem mite a khuapi sungah lungmuangin om hithiat ding uh hi.

Thu-hilhkikna 4:24

Bang hang hiam cih leh Topa na Pasian un hong kangtum thei mei tawh kibang a, a haza Pasian ahi hi.

Zefaniah 1:18

Topa’ heh thukna ni hong tun’ ciangin, amau’ ngun leh amau’ khamte in honkhia zo lo ding hi. Ama hehna meikuang in leitung khempeuh kangtum ding a, thakhat thu-in leitunga teeng mi khempeuh sumai ding hi.