Isaiah 10:16 - Tedim Bible

¹⁶ Tua ahih ciangin Topa, Vanglianpen Topa in ama mi thahat galkapte lakah natna lianpi tungsak ding a, tua natna in amaute sungah meikuang bangin kuang niloh ding hi.

Tedim Bible Revision 2017

¹⁶ Tua ahih ciangin Topa, Vanglian Topa in ama mi thaute lakah natna lianpi tungsak dinga, tua natna pen amaute sungah mei bangin kuang niloh ding hi.

Isaiah 10:16 Referans Kwoze

2 KHANG TANGTHU NIHNATE 32:21

Tua ciangin Topa in Assiria kumpipa’ giahphual ah a thahat galhang khempeuh leh galkap ukte leh uliante a susia vantung mi khat sawl hi. Tua ahih ciangin ama gamah maizumna tawh ciahkik hi. Ama pasian’ inn sungah amah a tun’ ciangin ama tapate pawlkhat in namsau tawh amah satlum uh hi.

Sawltak 12:23

Amah in Pasian’ min phat lo ahih ciangin Pasian’ vantungmi khat in thakhatin amah sat a, thante in a ne uh a, a si hi.

Late 106:15

amah in amaute’ nget pen pia a, ahih hangin amaute sungah siatna tung sak hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Isaiah 37:29

Keima tungah nang hehin, na kiphatsakna thu kei tungah hong tung ahih manin, na nak-ah sikkawi bulhin, na kamah kamkaih hong bulhin, nong paina lampi lam mahah nang kong ciahkik sak ding hi,’ ci hi.

Isaiah 17:4

Tua ni ciangin Jakob’ liatna bei ding a, ama hauhna mangthang ding hi.

Isaiah 10:18

Gah tampi a piangsak ama leitang leh ama gamlak a minthan’na pen nuntakna leh pumpi dong takin Topa in susia khawm ding a, mi cina khat a bei tawh kibang ding hi.

Isaiah 9:5

Gal kikapna sunga gal hangte’ khedap khempeuh leh si a baang puan khempeuh mei-in kicih ding hi.

Isaiah 5:17

Tua ciangin tuunote in amau’ tatna gamlak mun bangin lopa ne ding uh a, a thau ganhingte leh keelnote in a siasa khuapi sungah gamta ding uh hi.

Isaiah 8:7

en in, Topa in Assiria kumpipa leh ama minthan’na khempeuh ahi, hat a, a tam mahmah Gun tuite, amaute’ lang khatah piangsak ding hi; tui in a batna ngei teng tum-in, a piau khempeuh dimlet hi;

Late 78:31

amau tungah Pasian’ hehna tung kikin amah in amau lak pan-a a hatpente that-in, Israel sung pan-a a kitengkhia mite niamkoihsuk hi.

Isaiah 31:9

Amau’ belh a mun muanhuai uh, launa hangin tai ding a, buaina hangin a uliante in a lim uh taisan ding hi,” ama meikuang Zion ah a om, ama meikhuk Jerusalem khua ah a om Topa in ci hi.

Jeremiah 21:14

Na nasepna gahte tawh kituakin nang kong daantat ding hi, Topa in kong ci hi. Tuulak-a sing hoihte tawh a kilam na kumpi innte uh mei tawh kihal ding a, a kimkot khempeuh ka kangtum sak ding hi,” a ci hi.

Ezekiel 34:16

Keimah in a mangte zongin, a lam pialte kaikhawmin, a liamte a liamna tuamsakin, a cinate damsakin, a cidam a thahatte zong a kibangin ka en ding hi. Bang hang hiam cih leh keimah in a manin a gamta tuucingpa ka hi hi.

Nahum 1:12

Topa in ama mite tungah hih bangin thu gen a, “Assiria mite thahat-in a tam mahmah hangin, amaute kisusia-in maimang ding hi. No ka mite na hih uh leh, khat vei kong gimsak khit hangin, kong gimsak kik nawn kei ding hi.

Zefaniah 2:13

Topa in leilu lamah a khut hong zanin, Assiria gam susia ding a, Nineveh khuapi susia gawpin, sehnel gamlak suaksak ding hi.

Isaiah 9:4

Bang hang hiam cih leh Midian mite a kizawh ni-a bangin nangmah in gik a sak uh a hakkol uh, amau liangko tunga singzawl leh amaute a nengniamte in a satna ciangkhut na kuaihtan sak a, nangma mi a bawlsia minamte na zo gawp hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Jeremiah 48:14

“Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?

Zekhariah 7:4

Tua ahih manin Topa in kei tungah thu hong gen a,