Isaiah 10:13 - Tedim Bible

¹³ Bang hang hiam cih leh amah in: “Keimah in thu theihtelna nei ka hih manin keima thahatna leh keima pilna tawh ka hih khin hi; mihingte’ gamgite lakhia-in amau’ sumte ka sut khin hi; keimah in a vanglianpa bangin amau kumpite ka sugawp hi.

Tedim Bible Revision 2017

¹³ Bang hang hiam cih leh amah in, “Keimah in thu theihtelna nei ka hih manin keima thahatna le keima pilna tawh ka hih khin hi. Mihingteʼ gamgite la khia-in amauʼ sumte ka sut khin a, keimah in bawngtal bangin a gam mite ka su gawp hi.

Isaiah 10:13 Referans Kwoze

Daniel 4:30

“Babilon khua bang zah takin lian ahi hiam! Kumpi ding leh, ka vangliatna ka thahatna kilat nadinga ka lam ahi hi,” a ci hi.

Thu-hilhkikna 8:17

Na lungsim uhah, ‘Ka vangliatna uh leh ka thahatna un hih hauhna hong ngahsak hi,’ ci kha ding na hih manun kingaihsun un.

Habakkuk 1:16

A ngente un amau’ deih peuhpeuh ngahsak ahih manin, amaute in a ngente uh bia-in, biak piakna zong pia uh hi.

Amos 6:13

Lodebar khua bang lel na lak zawhna uhah na lungdam uh a, “Eima thahatna tawh Karnaim khua i la zo hi,” na ci uh hi.

Amos 5:27

Damaskas khengin gam khatah, salin note kong paisak ding hi, Mihonpite’ Pasian min nei Topa in ci hi.

Ezekiel 29:3

Topa Pasian in hih bangin gen hi, ci-in Izipt kumpipa Faro kiangah gen in: Gun sungah a om, awle lianpi ahi, nang Izipt kumpipa aw, keimah in nangma lang ka hi hi. Nail Gunpi, nangma aa in na gen a, nangma bawlsa-in na ngaihsun hi.

Ezekiel 26:2

“Ezekiel aw, Tai-ar khuapi mite awngin hih bangin kiko uh hi. Amaute in, ‘Sum bawlna lam-a i kidempih Jerusalem khuapi zancip gawp hi. A kulhpite tu-in kihong keek a, amaute’ guallelhna tu-in eima hauhna suak ding hi,’ ci uh hi.

Ezekiel 25:3

Topa Pasian ahi keimah in amaute tungah ka gen thu hih bangin gen in: Ka biakinn kininsakin, Israel gam kisusia-in, Judah mite salin a pai na muh uh ciangin nuamin na lungdam se uh hi.

Isaiah 10:8

bang hang hiam cih leh amah in, “Ka galkap mangte pen kumpi vive hi khin hilo ahi hiam?

1 KHANG TANGTHU MASATE 5:26

Tua ahih ciangin Israel’ Pasian in Assiria kumpipa Pul’ lungsim, Tilgath-pilneser a kici Assiria kumpipa’ lungsim hansuah a, amah in amaute, Reuben mite, Gad mite, leh Manasseh minam a langte pua khia-in, amaute Halah, Habor, leh Gozan gun-ah paipihin tu ni dongin tua lai-ah om uh hi.

2 KUMPI NIHNATE 18:15

Tua ciangin Hezekiah in Topa’ innsung leh kumipa’ inn vankoihnate a, a om ngun khempeuh ama tungah pia hi.

2 KUMPI NIHNATE 18:11

Assiria kumpipa in Israel mite Assiria ah la a, Halah gam sung, leh Gozan gama gun om Habor, leh Media khuapite sungah koih hi;

2 KUMPI NIHNATE 17:24

Tua ciangin Assiria kumpipa in Babilon, Kuthah, Avva, Hamath, leh Sefarvaim panin mite paipih a, Israel mite’ tangin Samaria khuapite ah amaute koih hi; amaute in Samaria gam luahin a khuapite-ah teeng uh hi.

2 KUMPI NIHNATE 17:6

Hoshea’ kum kua-na kumin Assiria kumpipa in Samaria la a, amah in Assiria ah Israel mite ciahpih a, Halah gam sung, leh Gozan gam a, gun om Habor, leh Media khuapite sungah amaute koih hi.

2 KUMPI NIHNATE 16:8

Ahaz in zong Topa’ inn sung leh kumpipa’ vankoihna a, ngun leh khamte la-in Assiria kumpipa kiangah letsong khat puak hi.

2 KUMPI NIHNATE 15:29

Israel kumpipa Pekah’ hun lai takin Assiria kumpipa Tiglath-pileser hong pai-in Ijon, Abelbethma-akah, Janoah, Kedesh, Hazor, Gilead, leh Galili, Naftali gam khempeuh la hi; amah in galmatin mite Assiria ah ciahpih hi.

Jeremiah 46:8

Nail gunpi bangin Izipt gam hong khang a, guntui khang hong bang hi. Amah in, kei ka khang ding a, leitung khempeuh ka tuam ding hi. Khuapite leh a sunga teeng mite ka susia ding hi, a ci hi.

Jeremiah 48:14

“Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?

Ezekiel 35:13

Kei hong gensia-in na kiphatsak paunate khempeuh a vekin ka za khin hi.

Habakkuk 2:6

A zawhna gam mite in amau a zo mite simmawh bawlin, “No aa a hilopi kim lai no’ aa dingin na la uh hi; ahi zongin tu-in gimna na thuak ding uh hi. Note tungah lei hong bate khem bawlin bang tan vei na hauhna uh behlap nuam lai na hi uh hiam?” ci ding uh hi.

Thukhente 7:2

Topa in Gideon kiangah, “Amau’ khut sungah Midian mite piak nadingin nang tawh a omkhawm mite kei adingin tam lua hi, tua hi kei leh kei tungah Israelte kisialin, ‘Komau’ hatna hangin ka gualzo uh hi,’ ci kha ding uh hi.

Paunak 28:11

Mihaupa pen amah pil kisa a, ahi zongin a zawng mipilpa in, a haupa’ haina phawkkhia veve hi.

Isaiah 5:21

Amau’ mit-ah pil kisa a, amau’ muhna-ah siam a kisate in gimna ngah ta hen!

Daniel 4:27

Tua ahih ciangin kumpipa aw, kong thuhilhna hong mang in. Mawhna bawl nawn kei in la, dik takin gamta in. Mizawngte hehpih leteh, tua in a sia a na gamtatna sate hong puahsak dinga na nuamsa toto ding hi,” a ci hi.

Habakkuk 1:11

Tua ciangin huih nung bangin paisuak uh a, amau’ hatna bek suang uh hi,” ci hi.