Isaiah 10:12 - Tedim Bible

¹² Topa in Zion Mual leh Jerusalem khua-ah ama nasep ding teng a zawh khit ciangin, amah in Assiria kumpipa kihisakin a kisialhna leh a kiphatsakna daantat ding hi.

Tedim Bible Revision 2017

¹² Topa in Zion Mual le Jerusalem khua ah ama nasep ding teng a zawh khit ciangin Assiria kumpipa kiphasakin a kisialhna le a kiphatsakna hangin gim a pia ding hi.

Isaiah 10:12 Referans Kwoze

2 KUMPI NIHNATE 19:31

bang hang hiam cih leh Jerusalem panin a om laite hong paikhia ding a, Zion Mual panin a suakta honkhat hong paikhia ding hi. Topa’ deihluatna in hih thu hong tungsak ding hi.

Jeremiah 50:18

Tua ahih manin a vanglian Topa, Israel mite’ Pasian in kong cih-inah: En un, Assiria kumpipa daan ka piak mah bangin Babilon kumpipa leh a gam ka thuak sak ding hi.

1 PETER MASA 4:17

Bang hang hiam na cih uh leh, Pasian’ innkuante a masa belin thukhen nading hun a tung zo hi. Eite a masa-in thu hong khen leh, Pasian’ Lungdamna Thu a mang lo mite bang suak ding ahi hiam?

Mattiu 15:19

A hoih lo ngaihsutna, mithahna, mi’ zi tungah mawhna, numei tawh mawhna, mi’ sum gukna, zuauthu teci pan’na, mi gensiatna, tuate in lungsim sung pan a paikhia hi.

Mattiu 12:33

“A kung hoih a, a gah hoih hi, na ci un. Ahih kei leh, a kung hoih lo a, a gah hoih lo na ci un. Bang hang hiam na cih uh leh, a kung a gahin kithei hi.

Daniel 4:37

Tu in keimah Nebukhadnezzar in Vantung Kumpipa phatin, zahtakin a min ka thangsak hi. A bawlna khempeuh a man hi. Amah a tawntungin thuman a, kiphasak-a gamtate a neusak hi.”

Ezekiel 31:14

Tua ahih ciangin tu-a kipanin singkung khat beek, bang zahin tui a ngah hangin tua zahin khangin, a dawn in meiipi banin sang zo ngei nawn lo ding hi. Misite omna Leinuai khua a zuan ding a si thei mihingte mah bangin, singkung khempeuh a si ding ahi ta hi.

Ezekiel 31:10

“Tua ahih ciangin Topa Pasian keimah in hih bangin ka ci hi. Tua sing in meiipi a bat dongin khangto a, ahi zongin a san’ semsemna tawh kizui-in kiphasak semsem hi.

Isaiah 50:11

Ahih hangin mei vaksak a, meilah kuang a kiguan note khempeuh aw, tu-in na meivakna leh na meilah kuang pana khuavak sungah pai-in, kalsuan un; hih in ka khut pana na ngah ding uh ahi hi. Lungkhamin na lumsuk ding uh hi.

Isaiah 27:9

Amah in suang tawh kibawl biakna tau khempeuh suangkang satvui a bat sak ciangin Asherah milimte leh paknamtui taute a ding lai om nawn lo hi; hih thu hangin Jakob’ mawhna kimaisakin, a mawhna kilakkhiat sak hi.

Isaiah 9:9

“Leisekte kicim khin hi; ahih hangin suangseek tawh i lam ding hi; theithek singte kisia khin hi, ahih hangin taamtaak sing tawh i khek ding hi,” ci-a kiphasakin lungsim kihisak Efraim mite leh Samaria gam sunga teeng, mi khempeuh in thei ding uh hi.

Isaiah 5:15

Mite a niamin kikoih suak a, mite kiniamkhiat suk hi, a kiphasakte kiniamkhiat suk hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Paunak 30:13

Mihoih pha mahmah-a a kingaihsun, a kiliansak mi pawlkhat om hi.

Late 76:10

Mite’ hehna in nangmah hong kiphatna piangsak ding a, na hehna pan a suakta sun mite in nangmah pahtawina pawi bawl ding uh hi.

Late 21:10

Leitung panin a suan a khakte, mi’ tate lak panin amau’ tate na susia ding hi.

Late 18:27

Bang hang hiam cih leh nangmah in miniamte na honkhia a, ahih hangin mi kiphasakte na niamsak hi.

Late 76:5

Lungsim khauhte’ neihsa nate kisutkhia a, amaute ihmucip suak uh hi; gal hat mi khempeuhte in amau khut uh zang thei nawn lo uh hi.

Isaiah 24:21

Tua ni ciangin Topa in vantung a, om vangliatnate, leh leitung kumpite daantat ding hi.

Isaiah 27:7

Amau’ galte a vat gawp bangin Pasian in Israelte vat gawp ahi hiam? Tua ahih kei leh amau a thatte a kithah bangin amaute kithat ahi hiam?

Isaiah 29:14

tua ahih ciangin en un, hih mite tungah a tumdang leh a lamdang ahi a lamdang nate ka bawlkik ding hi; amau’ mipilte’ pilna kisia ding a, amau’ thu mutel theite’ thu muhtel theihna kiseel ding hi,” a ci hi.

Isaiah 33:1

Hong kisusia nai lo, mi a susiapa aw, gimna a ngah ding na hi ta hi. Kuamah in hong khem nai loh mi khempa aw, gimna a ngah ding na hi ta hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Isaiah 37:23

‘Nang in kua zahko-in kua gensia na hi hiam? Nang in kua tungah na aw sangsakin, kiphasak na hi hiam? Israelte’ Siangtho Pa, kei tungah hong tuaci na hi hi.

Isaiah 37:29

Keima tungah nang hehin, na kiphatsakna thu kei tungah hong tung ahih manin, na nak-ah sikkawi bulhin, na kamah kamkaih hong bulhin, nong paina lampi lam mahah nang kong ciahkik sak ding hi,’ ci hi.

Jeremiah 25:29

Bang hang hiam cih leh, en un, ka min tawh a kilo khuapi sungah suksiatna ka pan ding hi. Note in bangmah a thuak lo ding kisa na hi uh hiam? Daan thuak loin na om kei ding uh hi, bang hang hiam cih leh a vanglian Topa in kong cih-inah, leitung-a teeng mi khempeuh that dingin namsau khat ka sawl hi,’ ci in.

Jeremiah 50:32

A kisathei gam, hoi-in tuk ding a, kuamah in a phongto kei ding hi. A khuapite mei tawh ka hal ding a, a kim-a om khempeuh a kangtum ding hi.

Gamlak-vakna 24:24

Ahih hangin Kittim panin teembawte hong pai-in Ashur leh Eber gimsak ding hi; amah in zong siatna tuak ding hi,” a ci hi.

Thu-hilhkikna 32:27

amau’ langte in ngaihsun khialin, amaute in, “Eite i gualzo hi, Topa in hihte khempeuh bawl lo hi,” hong ci kha ding uh ahih manin galte’ hong phin ding ka lau hi,’ a ci hi.

Paunak 21:4

Kihisak-a gamtatna leh kiphatsakna lungsimte in, mawhna hi a, migilo hihna lim ahi hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;

Daniel 11:45

Amah in a kumpi puanbuk lianpite biakinn din’na mualtung leh tuipi kikalah a lam ding hi. Ahih hangin amah a si ding hi. Bang hang hiam cih leh amah a huh ding kuamah a om kei hi.