Isaiah 1:9 - Tedim Bible

⁹ Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Tedim Bible Revision 2017

⁹ Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

Isaiah 1:9 Referans Kwoze

ROM (Romans) 9:29

Isaiah in:, “Vantung Topa in eite ading khaici hong omsak lai hi kei leh, Eite in Sodom leh Gomorrah khuate i bang zo ding hi,” ci-in a masa-a a gen bang ahi hi.

Piancilna 19:24

Tua ciangin Topa in vantung panin Sodom leh Gomorrah tungah kaat leh meikuang zusak hi;

Kah la 3:22

A bei thei lo Topa hong itna leh a hehpihna in a kizom paisuak hi a,

Amos 4:11

Sodom leh Gomorrah khuapite ka suksiat bangin, note pawl khat kong susia hi. Meikhuk panin a kitenkhia, singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Isaiah 37:4

A nungta Pasian zahko dingin ama topa, Assiria kumpipa in a sawl a galkap mangpa’ thugennate, Topa na Pasian in za hen la, tua bang thu a gente daantat ta hen. Tua ahih ciangin a om lai i mite’ adingin thungen in,’ a ci hi,” ci-in a gen uh hi.

Isaiah 24:13

Hih in leitung a, om minam khempeuh tungah a tung ding thu ahi hi. Oliv kung a kisin’ khit ciang, leenggah kilo khinin a sangh a kikaih khop khit ciangin a kinusia lo hawmte tawh kibang ding hi.

Isaiah 17:6

Oliv kung a kisin’ ciangin a hiang sang pen dawnah pumnih pumthum, singkung hiang dawnah pumli pumnga a om lai tawh kibang ding hi, Israelte’ Topa Pasian in ci hi.

Isaiah 6:13

Mi, seh sawmsuah seh khat bang a om lai hangin, taak kung leh tawsaw kungte a kiphuk khit ciangin a bulsum om laite mei tawh a kihal kik bangin amaute zong kisusia ding hi. A siangtho khaici pen, tua a bulsum ahi hi, ci hi.

Piancilna 18:32

Tua ciangin amah in, “Topa heh kei in, hih khat vei bek thu hong gensak lai in. Gentehna-in, tua lai-ah sawm kimu leh,” ci hi. Amah in dawngin, “Sawmte’ hangin ka susia kei ding hi,” ci hi.

ROM (Romans) 9:27

Isaiah in Israel thu panin, “Israel mipawlte in tuipi sehnel zahin a tam hangin a kimkhat bek in gupna a ngah ding uh hi.

Mattiu 7:14

Bang hang hiam na cih uh leh, nuntakna mun tun’ nading kong kawciik a, lam neu a, mi tawmcik a lut uh hi.”

Zefaniah 2:9

Keimah in a nungta Israel Pasian ka hih mah bangin, Moab mite, Sodom khuamite bangin kisusia-in, Ammon mite, Gomorrah khuamite bangin kisusia-in, a gam sung uhah lingkung bek po zoin, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak tak kei leh, ci-in ka kiciam hi,” ci hi.

Habakkuk 3:2

Topa aw, nangma sepsa thute ka za a, lamdang ka sa mahmah hi. Na hih ngeisa na liante, ko’ hunin zong hong hih kik in. Na heh hun ciang nangawnin zong, hehpihna lungsim hong nei in.

Joel 2:32

Tua ciangin Topa’ min tawh thu a ngen khempeuh in, gupkhiatna ngah ding uh hi. Topa’ gensa mah bangin, Zion Mual leh Jerusalem khua sungah a suakta mi om ding uh hi. Topa in a sap mite suakta ding uh hi.

Ezekiel 6:8

“Tua banga kihon thahna panin pawlkhat ka suakta sak ding a, minam dangte lakah thehthangin,

Kah la 4:6

Jerusalem’ mawhna in Sodom khuapi mawhna sangin lianzaw ahih manin, thakhatin Pasian khut sungpan kisiatna a ngah uh hi.

1 KUMPI MASATE 19:18

Ahi zongin Baal mai-ah a kun nai lo, amah a nam nai lo mihing tulsagih Israel sungah ka siit ding hi,” a ci hi.

Thu-hilhkikna 29:23

a gambup in kaat leh ci, leh nin a kangtum, khai kituh lo, bangmah po lo, lopa zong a po zawh lohna mun Sodom leh Gomorrah, Admah leh Zeboi-im bangin a kilawnthal gawp, a hehna leh a sinsona tawh Topa’ lotgawpte tawh kibang hi, ci ding uh hi—

2 PETER NIHNA 2:6

Sodom leh Gomorrah khuapite, mei vut suakin, cip siatna daan thu khen a, a nung ciangin Pasian bia lote adingin limin a koih hi.

Ezekiel 14:22

A tanute a tapate a paikhiatpih dingin mi khatpeuh peuh a suakta zo kha a om a, nang kiangah hong pai leh, amaute’ omzia na en in. Amaute’ gitlohna zia na mu ding a, Jerusalem daan ka piakna a kilawm a thuman mah ahihna na phawk ding hi.

Piancilna 18:26

Topa in, “Sodom khuapi sungah thuman mi sawmnga ka muh leh, amaute’ hangin tua mun buppi ka khah ding hi,” ci hi.

Mangmuhna 11:8

Amaute luangte zong a Topa uh singlamteh tungah a sihna khuapi ahi, a khiatna in Sodom leh Izipt a kici khuapi sungah a om lampi tungah a om uh a,

2 KUMPI NIHNATE 19:4

Ama topa ahi Assiria kumpipa in a nungta Pasian a zahko dingin a sawl a ulianpa’ kammalte khempeuh Topa na Pasian in za-in Topa na Pasian in a zaksa thute nial khin kha ding hi; tua ciangin a om lai mite adingin thungen in,” a ci uh hi.

Isaiah 1:8

Jerusalem khuapi bek om lai a, leenggui lo-a buk, tangmai lo sunga hampheng bangin kuama’ hut lohin kinusia a, a ki-umcih khuapi tawh kibangin kinusia hi.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Isaiah 11:16

Izipt gam panin Israel mite hong paitoh ciangin amau’ ading lam lianpi khat a om mah bangin, ama mi a om laite’ adingin zong Assiria gam panin lam lianpi khat om ding hi.

Isaiah 46:3

“Na suah-a kipan kong tawi, gilsung pan-a kong puak, Jakob innkuan, Israel innkuan a suakta laite khempeuh aw, keima thu hong ngai un;

Isaiah 65:8

Topa in hih bangin ci hi: Leenggahzu pen leenggah bom panin kingah a, mite in, ‘Tuate kimang thei ahih ciangin susia kei un,’ a cih mah bangun kei zong a minam bupin susia loin, keima na hong semte ka suakta sak ding hi.

Jeremiah 23:14

Ahih hangin Jerusalem khua-a kamsangte sungah a mulkimhuai zaw na khat ka mu hi. Angkawmin zuauthu a gen uh a, mite a gitlohna uh pan a kikhel loh nadingin mi hoihlote a hanthawn zawlai uh hi. A vekpiun kei’ muhna-ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Jeremiah 42:2

kamsangpa Jeremiah’ kiangah, “Kong thuumna uh hong ngai in la, hih a hong kinusia teng adingin Topa na Pasian’ kiangah, thu hong ngetsak in. Bang hang hiam cih leh khat vei lai-in mi tampi ka hih uh hangin tu-in nong muh mah bangin, mi tawmno khat bek ka hi ta uh hi.

Jeremiah 50:20

Tua ni tua hun ciangin, Topa in kong cih-inah, Israel gamah khialhna kizong ding a, kimu lo ding hi. Judah gamah mawhna kizong ding a, kimu lo ding hi. Bang hang hiam cih leh ka nuntaksak, ka nusiat lai mite a mawhna uh ka maisak ding hi,”

Isaiah 24:6

Tua ahih ciangin Topa in leitung samsiatin susia a, a tunga teeng mite in amau’ mawhna hangun kangtum uh hi; tua ahih ciangin leitunga teeng mite tawm semsem hi.