Isaiah 1:8 - Tedim Bible

⁸ Jerusalem khuapi bek om lai a, leenggui lo-a buk, tangmai lo sunga hampheng bangin kuama’ hut lohin kinusia a, a ki-umcih khuapi tawh kibangin kinusia hi.

Tedim Bible Revision 2017

⁸ Jerusalem khuapi bek om lai a, leenggui lo-a buk, tangmai lo sunga om hampheng bangin kuama don lohin kinusia a, a ki-umcip khuapi bangin kinusia hi.

Isaiah 1:8 Referans Kwoze

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Johan 12:15

“Zion’ tanu aw, lau kei in; En in, na Kumpipa in, Lano tungah tuangin hong pai ding hi.” a ci hi.

Zekhariah 2:10

Topa in hih bangin ci hi: “Jerusalem mite aw, lungdamin la sa un. Note tawh hong omkhawm ta ding ka hi hi,” ci hi.

Isaiah 62:11

En un, lei mong dongah Topa tangko khin hi: Jerusalem mite tungah, “En un, no hong honkhiapa hong pai hi; en un, ama sep thamante hong pua a, a gualzawhna thamante hong masuan hi,” ci un.

Isaiah 10:32

Tu ni mahmah-in Nob khua-ah galte tungin khawl uh a, Zion Mual ahi, Jerulasem khuapi, a khuttum uh sin’san uh hi.

Kah la 2:6

Amah i biakna Biakinnpi a zan gawpsak hi. Amah in ni siangtho nite leh sabbath nite a beisak hi. Kumpite leh siampite in a nasia Ama hehna a thuak khawm uh hi.

Kah la 2:1

Topa in a heh manin khuamial tawh Jerusalem a tuamcip hi. A vantung minthan’na teng uh kisiatna a suaksak hi. Amah in a heh ni-in a Biakinnpi nangawn a susia hi.

Isaiah 37:22

amah tawh kisai-in Topa’ thugen in hih ahi hi: ‘Sennakherib aw, Zion tanungak siangtho in nang hong simmawh in hong zahko uh hi; Jerusalem mite in na nungah a lu hong peisan lel uh hi.

Late 9:14

nangmah phatnate phawk kikkik-in, Zion tanute huang sungah nong hotna hangin ka nuam ding hi.

JOB (Job) 27:18

Migilote’ lam innte kho lo a, maimom bu, ahih kei leh lo hon’na buk tawh kibang lel hi.

Jeremiah 4:17

Judah gam in kei hong langpan’ ahih manin a galte in lo hongte bangin a kimkot-ah a pang dimdiam uh hi, Topa in kong ci hi.

Isaiah 8:8

Judah gam dong hong nawtsuk ding a, dimlet-in pai suaksuak-in, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

Isaiah 1:7

Na gam uh khing a, na khuapite uh mei tawh kihal hi; na muh tangpi mahun gamdang mite in na gam uh hong laksak a, theih ngei lohte’ lotthal bangin na khempeuh susia gawp uh hi.

Isaiah 1:9

Vanglianpen Topa in eite tawmno khat a nungta-in hong siit hi kei leh, eite pen Sodom khua bang khinin, Gomorrah khua bang i suak khin ta ding hi.

Isaiah 49:21

Tua ciangin nang in na lungsim sungah: ‘Kua in kei adingin hihte hong hin’ khiatsak ahi hiam? Kei dah in tang-awl-in ka om a, sal-in hong kikoihin, hong kinial hi, hihte kua in hong khoisak ahi hiam? En un, keimah guakin hong kinusia hi; tua ahih ciangin koi lai panin hihte hong piang ahi hiam? na ci ding hi,” a ci hi.

Jeremiah 6:2

A mel hoih, a ngek dikdek, Zion’ tanu ka susia ding hi.

Isaiah 29:3

Na kimkotah hong umcih-in, tausangpite tawh kong um ding a, nangmah umcih nading dum ka bawl ding hi.

Isaiah 30:17

Mual sang dawn a, dial khuam bang ahi a, mualtunga dial tawh kibangin ahi zongin, note hong kinusiat dong matengin, mi khat’ tawn’na tawh tulkhat tai-in, mihing nga’ tawn’na tawh note na taimang ding uh hi.

Isaiah 37:4

A nungta Pasian zahko dingin ama topa, Assiria kumpipa in a sawl a galkap mangpa’ thugennate, Topa na Pasian in za hen la, tua bang thu a gente daantat ta hen. Tua ahih ciangin a om lai i mite’ adingin thungen in,’ a ci hi,” ci-in a gen uh hi.