Isaiah 1:4 - Tedim Bible

⁴ Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.

Tedim Bible Revision 2017

⁴ Ah, a khial minam, mawhna in a nencip mite, siatna a bawlteʼ suanlekhakte, a gamtat sia tapate! Amaute in Topa nusia khin uh a, amaute in Israel-teʼ Siangtho Pasian simmawh khin uh hi. Amaute in lam khial khin taktak uh hi.

Isaiah 1:4 Referans Kwoze

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin hih teng nang’ tungah hong tung hilo ahi hiam?

Jeremiah 2:13

Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

ROM (Romans) 8:7

Bang hang hiam na cih uh leh, ci leh sa lungsim in Pasian’ Thukham mang lo tham loin a mang zo lo ahih maninah Pasian tawh a kido hi.

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Jeremiah 7:19

Topa in kong cih-inah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in thuak uh hi zaw lo ahi hiam?

Jeremiah 2:19

Na gitlohna mah in nangmah hong thu hilh ding-a, na thu up nawn lohna in nangmah hong mawhsak ding hi. Topa na Pasian nong nusiat ciang, kei nong kihtak nawn loh ciangin, nuam hetlo-a kha keei hi, cih thu thei in la, mu in, a vanglian Topa Pasian in kong ci hi.

Kolose 1:24

Tu-in note adingin gimna thuakna ah lungdamin, Khazih’ gimna neu kha a kisam lai, pawlpi ahi ama pumpi adingin keima pumpi sungah hong kicingsak hi.

1 KORIN MASA 10:22

Ahih kei leh, Topa’ heh nadingin phin ding i hi hiam? Amah sangin hatzaw i hi hiam?

Mattiu 23:33

Mualtan’ suante aw, note in hel khua khiat ding thu tan’na bangci na suakta thei ding uh hiam?

Mattiu 11:28

Van gik pua a, a gim mi khempeuhte aw, ka kiangah hong pai ta un. Tawldamna ka hong pia ding hi.

Ezekiel 16:33

Numei paktatte sum tawh kiguai a, ahi zongin nang in na lunggulhte tungah letsong pia zaw sopin, nang hong luppih dingin mun khempeuh panin mi na guai zaw hi.

Jeremiah 51:5

Bang hang hiam cih leh Israel leh Judah mite Israel mite’ Siangtho Pa tungah a mawh uh hangin, amaute’ Pasian, a vanglian Topa in taisan nai lo hi.

Jeremiah 50:29

“Babilon khua sim dingin thal kap siam, thal tawi theite va sam un. Khuapi umcih un la, kuamah suakta sak kei un. Ama’ hihna tawh kituak-in, ama tungah hih un. Ama’ hih ngei mah bangin ama tungah bawl un. Bang hang hiam cih leh amah in kisa thei-in Topa ahi, Israel mite’ Siangtho Pa a simmawh hi.

Jeremiah 7:26

ahih hangin amau in ka thu hong ngai loin, a bil uh hong ngat lo uh a, a lung uh a khauhsak uh hi. A pute a pate uh sangin a siazaw uh hi.

Jeremiah 2:33

“Na lawm ngaih ding na zon’ siam mahmah a, numei gilote nangawn na lampi na hilh zen hi!

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

Isaiah 65:3

Ka maitang ah a tawntungin kei hong hehsak denin, biakna huan sungah biak piakna bawlin dawi biakna tau tungah paknamtui a hal mite,

Isaiah 41:20

Topa’ khut in hih nate bawl hi, Israelte’ Siangtho Pa in hih nate piangsak hi, ci-in mite in mu-in a theih nading, ngaihsunin a thu a teltheih nading uh ahi hi.

Isaiah 41:16

amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israelte’ Siangtho Pa’ hangin na minthang ding uh hi.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Isaiah 37:23

‘Nang in kua zahko-in kua gensia na hi hiam? Nang in kua tungah na aw sangsakin, kiphasak na hi hiam? Israelte’ Siangtho Pa, kei tungah hong tuaci na hi hi.

Isaiah 30:15

Bang hang hiam cih leh Israelte’ Siangtho Pa, alian Pasian in, “Kihei kikna leh khawlna bek tawh note in suahtakna na ngah ding uh hi; daii tak-a omna leh muanna in nomau’ thahatna hi ding hi,” a ci hi. Ahih hangin note na tuaci kei uh a,

Isaiah 30:9

Bang hang hiam cih leh amaute pen, a lehdo mite, a zuau thei tapate, Topa’ hilhna thu a ngai nuam lo mite ahi uh hi;

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Isaiah 14:20

Nangmah in na gam susia-in, na mihingte that khin na hih manin, amaute tawh nangmah hong kivui khawm lo ding hi. “Siatna a bawlpa’ suan leh khakte’ min kilo ngei nawn kei ta hen!

Isaiah 10:6

Pasian thu a ngaihsun lo minam leh keimah hong hehsak mite’ neihsa sutin lak sakin, amaute pen konglak buannawng bangin a tuancil dingin amaute sawlin thu ka pia hi.

Isaiah 3:8

Bang hang hiam cih leh, amau kampaute leh amau gamtatnate in Topa langpangin, a minthang ama omna dem uh ahih manin, Jerusalem khua kipukin, Judah gam kia hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Late 89:18

Kote kihutna in Topa kiang pan hi a, Israelte’ Siangtho Pa, nangmah in ka kumpipa uh nong pia hi.

Late 78:40

Amaute in gam lakah amah lehdo zelzelin, sehnel gam sungah amah dahsak uh hi!

Late 58:3

Migilote, a khan’ tawntungin khial uh hi, a suah tung mah-un lam khial pah uh a, zuauthu gen uh hi.

Thukhente 10:10

Tua ciangin Israel mite Topa tungah kiko uh a, “Nang tungah ka khial khin uh hi; bang hang hiam cih leh kote in ka Pasian uh nusia-in Baalte’ na ka sem uh hi,” a ci uh hi.

Thu-hilhkikna 32:19

“Topa in tua thu thei a, a tapate leh a tanute in hehsak ahih manin tua ama tate a nolh hi.

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi; nang’ om nawn loh ciangin hih mite in a paina uh mite lakah a gam sung pasiante tawh paktat ding uh a, amaute in kei hong nusia in amaute tawh ka bawl ka thuciamna uh siasak ding uh hi.

Thu-hilhkikna 29:25

Tua ciangin mite in, ‘Amah in Izipt gam panin a paikhiatpih lai-in amaute tawh a bawl, a pu a pate uh Pasian ahi Topa’ thuciamna amaute in nusia in,

Gamlak-vakna 32:14

En un, Israel mite tungah Topa’ heh luatna a khangsak to lai dingin, khialhna’ tate, na pu na pate uh’ tangin hong khang na hi uh hiam!

Piancilna 13:13

Tu-in Sodom mite mi gilo uh a, Topa’ tungah nakpi tak-a a khialte ahi uh hi.

Mangmuhna 18:5

Bang hang hiam na cih uh leh, tua khuapi-a gitlohnate in vantung dongin tung a, Pasian in tua gitlohna thute a phawk zo hi.

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Nehemiah 1:7

Nangma tungah kong khial khin uh a, na nasempa Moses tungah na piak ahi thupiaknate, thukhamte, leh ngeinate ka zui kei uh hi.

Late 71:22

Ka Pasian aw, na thumannate hangin kei zong harp lasakna tawh nangmah kong phat ding hi; Israelte’ Siangtho Pa aw, laiza lasakna tawh nangmah phatna ka sa ding hi.

Isaiah 1:28

Ahih hangin a lehdo mite leh a khial mite pen kisusia khawmin Topa a nusiate pen kibeimangsak ding hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.

Isaiah 31:2

Ahih hangin amah pil-in gimna tungsak a, a thu gensate dokkik loin, siatna bawl mite leh mawhna nasep a seppihte daan a pia hi.

Isaiah 57:17

Amau’ huaiham-mawhna hangin ka heh a, ka heh lungsim tawh amaute daan pia-in ka mai ka sel hi. Ahih hangin amaute a lungsim khauhin, a gamtat ngei bangun gamta veve uh hi.

Isaiah 58:2

Amaute pen, thuman-a a gamta, amaute’ Pasian’ biakna ngeina kipte a nusia lo minam bang keekin, ni simin amaute in kei hong zong uh a, keima lampite thei nuam uh hi; amaute in keima kiang panin a maan thukhenna hong ngen uh a, Pasian kiangah nai nuam uh hi.

Isaiah 65:11

Ahih hangin kei a hong nusia, keima mual siangtho a mangngilh, Gad pasian’ adingin sabuai phahin, Meni pasian’ adingin zu helsa hai sungah a dim note pen;

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Jeremiah 32:32

Bang hang hiam cih leh Israel mite leh Judah mite, a kumpite uh leh a kumpi uliante uh, a siampite uh leh a kamsangte uh akipan Judah mite leh Jeursalem khua mite khempeuh in kei hong heh sak nadingin siatna a bawl uh hi.

Ezekiel 14:5

Tua milimte in keima kiang panin Israel mite pai khiatpih uh a, ahi zongin tua bangin ka dawn’na tawh kei lamah ka mite ngahkik dingin ka kilamen hi.

Ezekiel 16:45

Nang pen na nu’ ta taktak na hi hi. Na nu in a pasal leh a tate mudah hi. A pasalte uh leh a tate uh a mudah na sanggam numeite mah tawh na kibang hi. Nang leh na sanggam numei khuapi dangte in nu-in Hit mi nei-in, pa-in Amor mi na nei uh hi.

Daniel 9:11

Israelte khempeuh in na gensa thute leh na thukhamte khempeuh a palsat khin zo uh hi. Na tungah khialhna ka hong bawl manun, na nasem Moses thukham sunga kigelh bangin kote tungah samsiatna leh thukhenna a hong tung hi.

Zefaniah 1:6

Lam pial a, kei hong zui nawn lote, thu dong dingin kei kiangah hong pai lote, ka susia ding hi,” ci hi.

Paikhiatna 32:7

Topa in Moses' kiangah, “Pai suk in; bang hang hiam cih leh Izipt leitang panin nangmah in na paikhiatpih toh mite amau leh amau kisiasak uh hi;

Thu-hilhkikna 32:5

Amaute in ama tungah gamtat sia uh a, amaute’ sitban’na hangin amaute in ama tate hi nawn lo uh hi; amaute in a lampial, lungsim kawi khang mite ahi uh hi.

2 KUMPI NIHNATE 21:22

amah in a pu a pate’ Pasian, Topa nusia a, Topa’ lampi tawn lo hi.

2 KHANG TANGTHU NIHNATE 12:1

Rehoboam’ ukna kipin a thahat ciangin, amah leh amah tawh a om Israel khempeuh in Topa’ thukham nusia uh hi.

2 KHANG TANGTHU NIHNATE 27:2

A pa Uzziah hihsa khempeuh bangin amah in Topa’ mit-ah a man gamta hi—ahih hangin a pa bangin Topa’ biakinn sungah amah va mawk lut lo hi. Ahih hangin mite in a sia gamtatnate zui lai uh hi.

Late 78:41

Amaute in amah ze-et kikkik uh a, Israelte’ Siangtho Pa phin uh hi.

Late 78:57

a pate uh mah bangin kiheikhia-in zuau gamtat uh hi; thal ginalo bangin amaute kihuiheek uh hi.

Isaiah 30:1

Topa in, kei’ ngimna hi lopi-in thu vaihawmna a sem khia, kei’ kha tawh lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a beel ding leh Izipt’ liahna bukna a zong dingin Izipt gamah paisuk ding a, a kuankhia a genhak naupangte in gimna ngah ta hen!” a ci hi.