Isaiah 1:31 - Tedim Bible

³¹ A thahat mipa pen patlom tawh kibang ding a, ama nasepna pen mei-ek suak ding hi; kuamah in phelh zo loin amaute gel kangtum khawm ding uh hi.

Tedim Bible Revision 2017

³¹ A thahat mipa pen patlom tawh kibang dinga, ama nasepna pen mei-ek suak ding hi. Kuamah in phelh zo loin amau tegel kaang tum khawm ding uh hi.

Isaiah 1:31 Referans Kwoze

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi; bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding uh hi, a ci hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Ezekiel 32:21

Izipt mite a pan’pih galhang pente in mi site gam Leinuai panin amaute na dawn ding uh a, ‘Pasian a thei lo, gal sunga si mite hong paisuk uh a, hih lai-ah lum ta uh hi,’ ci-in kiko ding uh hi.

Mangmuhna 20:10

Amaute a kheem Dawimangpa in zong sahang leh thuzuau hilh kamsangte omna kat meiphual sungah khiatsukna thuakin, amaute in sun tawh zan tawh a tawntungin bawlsiatna a thuak ding uh hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

Mattiu 3:10

Tu-in zong sing phungah hei a om hi. A gah hoihte a gah lo kung khempeuh phuk paii-in mei sungah kikhul ding hi.

Isaiah 50:11

Ahih hangin mei vaksak a, meilah kuang a kiguan note khempeuh aw, tu-in na meivakna leh na meilah kuang pana khuavak sungah pai-in, kalsuan un; hih in ka khut pana na ngah ding uh ahi hi. Lungkhamin na lumsuk ding uh hi.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Isaiah 27:4

Leenggui lo tungah ka heh nawn kei hi. Lingte leh lingkungte om hi leh keimah kuan khia-in tuate ka haltum ding hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Isaiah 9:19

Vanglianpen Topa’ hehna hangin meikuang bangin gamsung kang a, mite pen mei-a kicih sing tawh kibang uh hi; kuamah in a sanggampa zahtuan lo hi.

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.

Thukhente 15:14

Amah Lehi a tun’ ciangin amah dawn dingin Filistia mite hong pai-in awng uh hi; tua ciangin ama tungah Topa’ Kha khauh takin hong tung a, a baan tunga om khauhualte pen mei in a kat anthul khau tawh kibang a, amah a kikhihnate a khut panin tolhkhia hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Isaiah 24:6

Tua ahih ciangin Topa in leitung samsiatin susia a, a tunga teeng mite in amau’ mawhna hangun kangtum uh hi; tua ahih ciangin leitunga teeng mite tawm semsem hi.

Isaiah 33:11

Lopa keu na paii-a buhkung na suaksak hi. Na husan in nang hong kangtum mei ahi hi.

Isaiah 66:17

Biakna huan sungah pai dingin amaute kisian’ suahin a kisiangthosak, a laizang-a om pen a zuite, voksa leh kihhuaina leh zusa a nete beimang khawm ding hi, Topa in ci hi.

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.