Isaiah 1:29 - Tedim Bible

²⁹ Bang hang hiam cih leh tawsaw kungte na biakna hangun note na maizum ding uh a, biakna huan na bawlna hangun zahhuai-in na mai uh san ding hi.

Tedim Bible Revision 2017

²⁹ Bang hang hiam cih leh tawsaw kungte na biakna hangun note na maizum ding uh a, biakna huan na bawlna hangun zahhuai-in na mai uh san ding hi.

Isaiah 1:29 Referans Kwoze

Isaiah 66:17

Biakna huan sungah pai dingin amaute kisian’ suahin a kisiangthosak, a laizang-a om pen a zuite, voksa leh kihhuaina leh zusa a nete beimang khawm ding hi, Topa in ci hi.

Isaiah 65:3

Ka maitang ah a tawntungin kei hong hehsak denin, biakna huan sungah biak piakna bawlin dawi biakna tau tungah paknamtui a hal mite,

Hosea 4:13

Amaute in mual sangte’ dawn-a biakna munte-ah biakna pia uh a, a nuai liim hoih ahih manin mual neute tungah a po tawsaw kung, poplar kung, leh terebinth kungte nuai-ah paknamtui halin bia uh hi. Tua thu hangin na tanute uh numei paktat suak uh a, na mote un midang tawh mawhna a bawl uh hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cihna ding mel thei loin na om ding hi, Topa Pasian in ci hi,” hong ci hi.

ROM (Romans) 6:21

Tua ahih leh, tu-in zumhuai na sak uh tua gamtatna na bawl lai takun, bang phattuamna na ngah uh hiam? Tua gamtatnate’ tawpna lampi in sihna ahi hi.

Hosea 14:8

Israel mite in milim bia kha nawn lo ding uh hi. Amaute’ thungetna pia-in amaute ka kem ding hi. Amaute, a hing tawntung singkung kep bangin ka kem ding a, amaute’ thupha ngah khempeuh keima kiang pan ahi hi.

Hosea 14:3

Assiria mite in hong honkhia zo ngei lo ding a, sakol galkapte zong suan’in, ka nei kei ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah theih lam ka thei uh hi,” ci-in thu ngen un.

Ezekiel 36:31

Na gamtatnasa uh na gitlohnate uh leh na hoih lohnate uh na phawk kik ding uh a, na mawhna leh na khialhnate uh hangin nomau mahmah na kimudah tawm ding uh hi.

Ezekiel 6:13

Milimte lak leh biakna tau kim-ah siluang hawm kithehthang ding a, mual sang tung teng, mualdawnzang teng, singniim nuai citeng, tawsaw kung lian nuai khempeuh, leh milim biakna-in paknamtui a halna uh mun khempeuh ah siluang hawm om ziazua kawikawi ding hi. Tua ciangin Topa ka hih lamtak mi khempeuh in thei ding uh hi.

Jeremiah 3:6

Kumpipa Josiah a maan’ laitakin Topa in kei hong hopih a, “A zulhzau Israel, mual sang tung khempeuh-ah pai a, sing liim nuai khempeuh ah numei paktat banga om kawikawina na mu khin zo hiam?

Jeremiah 2:20

“Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

Isaiah 45:16

Milim a bawl amaute khempeuh in maizumna thuakin cih nading thei loin om ding uh hi.

Isaiah 31:7

Bang hang hiam cih leh a kuamah peuh in no adingin na bawlsa uh, mawhna ahi na ngun milimte uh leh na kham milimte uh na paihkhiat hun uh hong tung ding hi.

Isaiah 30:22

Tua ciangin note in ngun tawh a kizut na milimte uh leh kham a kiluan’ a kisung na milimte uh numei nindalna puan bang hi. Nin bangin tuate na thehthang ding uh a, tuate tungah, “Bei mang un!” na ci ding uh hi.

Isaiah 42:17

A kisui milimte muangin, a kisung milimte kiangah, “Note in komau’ pasiante na hi uh hi,” a ci mite kinolh ding a, maizum mahmahin ki-om sak ding hi.

Hosea 4:19

Huihpi nung in a mut khiat bangin amaute a phiat khia mang ding lungsim paai uh hi. Amau’ biak pasiante in amaute huh lo ding hi.