Isaiah 1:28 - Tedim Bible

²⁸ Ahih hangin a lehdo mite leh a khial mite pen kisusia khawmin Topa a nusiate pen kibeimangsak ding hi.

Tedim Bible Revision 2017

²⁸ Ahih hangin a lehdo mite le a khial mite kisusia khawmin Topa a nusiate pen kibeisak mang ding hi.

Isaiah 1:28 Referans Kwoze

Late 1:6

bang hang hiam cih leh Topa in midikte’ lampi kem a, migilote’ lampi ahi leh siamang ding hi.

Mangmuhna 21:8

Lau-in a um lo mi, a kihhuai mi, mi that thei mi, nu leh pa mawhna a bawl mi, mi bum thei mi, milim bia mi, zuauthu gen mi khempeuh ahih uh leh, nihna sihna ahi kat leh mei lipi sungah a kituakin a thuak ding uh hi,” ci-in keima kiangah hong gen hi.

Isaiah 30:13

hih mawhna pen note’ adingin kulh sangpi khat khangkham-a lawtkhia-in a cim dektak, theih kholh lohin thakhat a, a cim vat tawh kibang ding hi;

JOB (Job) 31:3

A man loin a gamtate tungah siatna leh gimna tungsak hi.

2 PETER NIHNA 3:7

Tu-in a om van leh lei in Pasian bia lo mite kisiatna thukhen ni ading, tua thu hangin mei khul nadingin a kikoih khol zo hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi; bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding uh hi, a ci hi.

Isaiah 65:11

Ahih hangin kei a hong nusia, keima mual siangtho a mangngilh, Gad pasian’ adingin sabuai phahin, Meni pasian’ adingin zu helsa hai sungah a dim note pen;

Isaiah 50:11

Ahih hangin mei vaksak a, meilah kuang a kiguan note khempeuh aw, tu-in na meivakna leh na meilah kuang pana khuavak sungah pai-in, kalsuan un; hih in ka khut pana na ngah ding uh ahi hi. Lungkhamin na lumsuk ding uh hi.

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

Late 104:35

Mawhneite leitung panin beimang hen la, migilote om nawn kei hen! Ke’n, Topa ka phat ding hi. Topa ka phat ding hi.

Late 92:9

Bang hang hiam cih leh, Topa aw, na galte en in, bang hang hiam cih leh, en in, na galte beimang ding hi; siatna bawl khempeuhte kithehthang ding uh hi.

Late 73:27

Bang hang hiam cih leh, en in, nangmah tawh a kigamlate kisia ding a, nangma tunga hong khialte na beisak hi.

Late 37:38

Ahih hangin thu palsatte kisusia mang khin ding a, migilote’ suan-le-khakte kipuaseh ding hi.

Late 9:5

Minamte na tai a, migilote na susia hi; a tawntunga mangthang dingin amau min na phiat hi.

Late 5:6

Zuauthu a gen mite na susia hi; Topa in, mi thah nopna lungsim leh mi kheem nopna lungsim neite mudah hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

1 SAMUEL MASA 12:25

Ahih hangin note na gamtat siat lai uh leh, note leh na kumpipa uh, na nih un, hong kiphiat khia ding hi,” a ci hi.

Isaiah 1:4

Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.

Isaiah 24:20

Leitung pumpi zukham bangin hoi ding a, huihpi in a mut buk bangin awn ding hi. Ama mawhnate in nengcip gawp ding a, amah pukin thokik zo nawn ngei lo ding hi.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

Isaiah 58:2

Amaute pen, thuman-a a gamta, amaute’ Pasian’ biakna ngeina kipte a nusia lo minam bang keekin, ni simin amaute in kei hong zong uh a, keima lampite thei nuam uh hi; amaute in keima kiang panin a maan thukhenna hong ngen uh a, Pasian kiangah nai nuam uh hi.

Isaiah 66:17

Biakna huan sungah pai dingin amaute kisian’ suahin a kisiangthosak, a laizang-a om pen a zuite, voksa leh kihhuaina leh zusa a nete beimang khawm ding hi, Topa in ci hi.

Jeremiah 17:13

Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Jeremiah 44:12

Izipt gama teeng ding a, lungsim a khensat khin Judah mi a om laite, a vekpi-un ka si sak khin ding hi. Izipt gamah namsau tawh kithat sakin kial tawh ka puksisak ding hi. A neu penpen-a kipan a golpen dongin namsau leh kialpi tawh a si ding uh a, mite’ lipkhap, mite in kihaamsiatna-in a zat leh, mite’ simmawh ka suaksak ding hi.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

2 KHANG TANGTHU NIHNATE 21:10

Tua ahih ciangin tuni dongin Judah ukna panin Edom lengkhia hi. Jehoram in a pu a pate’ Pasian, Topa nusia ahih manin, tua hun lai takin Libnah zong ama ukna panin lengkhia hi.

2 KHANG TANGTHU NIHNATE 28:6

Bang hang hiam cih leh amaute in a pu pate uh’ Pasian, Topa nusia uh ahih manin Remaliah’ tapa Pekah in ni khat thu-in amaute galhang mihing tul zakhat leh tul sawmnih, Judah gam sungah that hi.

2 KHANG TANGTHU NIHNATE 28:23

Bang hang hiam cih leh amah a zo Damaskas’ pasiante tungah biakna pia-in, “Siria kumpite’ pasiante in amaute huh ahih manin amaute in kei hong huh theih nadingin amau’ tungah biakna ka pia ding hi,” ci hi. Ahih hangin tua pasiante in amah leh Israel khempeuh’ siatna ahi hi.

JOB (Job) 34:26

Pasian in mi khempeuh’ muhna-ah mawhneite daan pia hi.

JOB (Job) 34:27

Bang hang hiam cih leh amaute in a thu mang nawn lo uh a, a thupiaknate khempeuh don nawn lo uh hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.