Isaiah 1:27 - Tedim Bible

²⁷ Topa thutang ahih manin Jerusalem khuapi honkhia ding a, a sunga teeng a kisik mi khempeuh zong dikna tawh honkhia ding hi.

Tedim Bible Revision 2017

²⁷ Topa thutang ahih manin Jerusalem khuapi hon khia dinga, a sungah a teeng a kisik mi khempeuh zong a hon khia ding hi.

Isaiah 1:27 Referans Kwoze

Isaiah 63:4

Ka mite ka hotkhiat nading hun ta ka sa a, a galte uh phulak ding hun hi ta hi, ci-in ka ngaihsun hi.

Isaiah 62:12

Amaute pen A siangtho mi, Topa’ tatkhiat mite kici ding a, nang pen a Kizongkhia, a kinusia lo khuapi hong kici ding hi.

Isaiah 5:16

Ahih hangin thutang sepna tawh Vanglianpen Topa in a liatna hong kilangsak a, a Siangtho Pasian in a mite a thukhenna tawh ama siangthona hong kilangsak hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Isaiah 35:9

Tua lai-ah humpinelkai om lo ding a, sasialne ganhing khat peuhpeuh hong pai lo ding hi; tua lai-ah ganhing lauhuaite kimu lo ding hi. Topa’ tatkhiatsa mite in tua lampi tawnin hong ciah ding uh hi.

Isaiah 35:10

Topa’ tatkhiatsa mite hong ciah kikin, lungdam tawntungna mai pua-in lasa kawmin Jerusalem hong tung ding uh hi; amaute in lungdamna leh kipahna ngah ding uh a, dahna leh khuisatna om nawn lo ding hi.

Isaiah 51:4

“Ka mite aw, ka thugen hong ngai un. Minamte tungah thukham ka hilh a, keima thutan’na in amaute tungah khuavak tun ding hi.

Isaiah 52:3

Bang hang hiam cih leh Topa in: “Man nei loin note hong kizuak a, sum pia loin note hong kitankhia ding hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

Hosea 2:19

Israel aw, nang, zi-in kong nei kik ding a, nang tungah thuman thutangin kong gamta ding hi. Nang hong itin kong hehpih tawntung ding a, keima’ aa na hi tawntung ding hi.

Micah 6:5

Ka mite aw, Moab Kumpi Balak in note suk nading a vaihawmna teng, leh Beor’ tapa Balaam in ama nget bangin a sepna teng, limtakin phawk kik un. Note hotkhiat nadingin ka sepna thu na theih nadingun, Shittim leh Gilgal kikal-a thu piangte ngaihsun kik un,” a ci hi.