Isaiah 1:26 - Tedim Bible

²⁶ A masa-a bangin na thukhente, a kipat cil-a bangin na upate ka koih kik ding hi. Tua khit ciangin nang pen, thuman khuapi, thutak khuapi, hong kici ding hi.”

Tedim Bible Revision 2017

²⁶ A masa-a bangin na thukhente, a kipat cil a bangin na upate ka koihkik ding hi. Tua khit ciangin nang pen thuman khuapi, thutak khuapi, hong kici ding hi,” a ci hi.

Isaiah 1:26 Referans Kwoze

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Jeremiah 33:7

Judah mite leh Israel mite ka hausak kik ding a, nidang-a a om ngei bangun ka om sak kik ding hi.

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

Zekhariah 8:8

Jerusalem khua sungah ka tun’pih kik ding hi. Amaute in keima mi hi-in, kei in amau’ Pasian ka hi ding a, amau tawh ka thuciamnate uh lim takin ka zui ding uh hi.

Zefaniah 3:13

Israel mi a om lai sunte, midang tungah gilo nawn lo ding a, zuauthu gen nawn loin, mi kheem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn lo ding uh hi,” ci hi.

Ezekiel 45:8

Hih mun teng pen Israel gamsung panin a uk uliante’ neih hi ding hi. Tua ahih manin amaute in Israel mite bawlsia nawn lo ding uh a, mun a om lai teng khempeuh, a minam zui-in Israel minamte tangsak ding uh hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Jeremiah 31:23

A vanglian Topa, Israel mite’ Pasian in hong gen-inah: “Keimah in amaute a gam uhah ka omkik sak ciangin, Judah gam leh a khuapite uhah amaute in, ‘Thuman thutak teen’na mual siangtho aw, Topa in thupha hong pia ta hen,’ ci-in a genkik leuleu ding uh hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Isaiah 60:14

Nangmah hong nengniamte’ tate nangma mai-ah kunsa-in hong pai ding uh a, nangmah hong simmawh mi khempeuh na khe mai-ah hong bok ding uh hi; amaute in nang pen Topa’ Khuapi, Israelte’ Siangtho Pa’ Zion, hong ci ding uh hi.

Isaiah 33:5

A sangna munah teeng ahih manin Topa kipahtawi hi; amah in thutang leh dikna tawh Jerusalem dimsak ding hi;

Isaiah 1:21

A thutak khuapi, thutang tawh a kidim ngeisa, bang ci-a a paktat numei tawh kibang ta ahi hiam! Ama sungah thumanna om ngei a, ahih hangin tu-in mi thatte bek a om hi.

Gamlak-vakna 12:3

Pasalpa Moses lungnem mahmah a, leitunga om mi khempeuh sangin lungnem zaw hi.

Zefaniah 3:9

Tua ciangin minamte’ lungsim ka hei ding a, amaute in Topa tung bekah thu ngenin, lungsim kikhatin Topa’ na sem ding uh hi.

Gamlak-vakna 16:15

Moses heh mahmah a, Topa kiangah, “Amau’ biakna thupi ngaihsut kei in. Amaute tung panin la khat zong la loin, amaute khat zong ka siasak kei hi,” a ci hi.

Isaiah 54:14

Thumanna tawh nang hong kikipsak ding hi; nenniamna tawh na kigamla ding a, nang na lau kei ding hi; kihtakna tawh na kigamla ding a, nang nai-ah hong pai lo ding hi.

Micah 4:8

Pasian in a mite a etna Jerusalem khuapi aw, nidang a, na vangliatna ngah kikin, kumpi khuapi na suak kik ding hi.

Isaiah 2:3

mi tampite hong pai-in: “Hong pai un, amah in ama zia-le-tongte eite hong hilh theih nading leh ama lampite i zuih theih nadingin Jakob’ Pasian’ inn, Topa’ mual-ah paito ni,” a ci ding uh hi. Bang hang hiam cih leh Topa in Zion panin thu hong gen ding a, Jerusalem khua panin Topa’ thuhilhna hong paikhia ding hi.