Isaiah 1:25 - Tedim Bible

²⁵ Note kong langpan ding a, meikhuk-a haltui bangin na saam-ek teng uh tuikhia sakin, na kihelpih na nin khempeuh uh ka lakhia ding hi.

Tedim Bible Revision 2017

²⁵ Note tungah na kong sem dinga, meikhuk ah haltui bangin na saam-ek teng uh tui khiasakin, na kihel pih na nin khempeuh uh ka la khia ding hi.

Isaiah 1:25 Referans Kwoze

Malakhi 3:3

A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.

Jeremiah 9:7

Tua ahih manin a vanglian Topa in a cih-inah: “En un, amaute a sian’tho nadingun ka suangtui dinga ka ze-et ding hi. Tua lo ka mite bang ka cih nawn ding hiam?

Isaiah 1:22

Jerusalem khuapi aw, nguntang na bang ngei a, tu-in ngun-ek na suak hi. Leenggahzu limci na bang ngei a, tu-in tui mawkmawk na bang ta hi.

Zefaniah 3:11

Tua hun ciangin, ka mite in kei nong lehdona hangun, maizumna ding bangmah om nawn lo ding hi. Note’ lak panin a kiphasak a kihisak mite ka hawlkhia ding a, Jerusalem khua a, ka mual siangtho tungah kei nong lehdo nawn kei ding uh hi.

Ezekiel 22:22

Meiphual sungah ngunte a kituisak bangin Jerusalem ah note hong kibawl ding hi. Tua ciangin keima hehna a thuak na hih lam uh na thei ding uh hi,” hong ci hi.

Ezekiel 20:38

Note lak panin a lehdo thei mite leh kei tungah hong mawh mite ka la khia ding hi. Tu lai takin a om pakna uh gam panin ka la khia ding a, ahi zongin Israel gamah ka ciahsak kik kei ding hi. Tua ciangin Topa ka hihna thu na thei ding hi,” hong ci hi.

Jeremiah 6:29

Nakpi takin pum a kizap hangin a ninte tui thei loin luangkhia lo hi. Pum a kizapzap hangin a mawkna a suak hi, bang hang hiam cih leh mi gilote om lai veve hi.

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Ezekiel 22:20

Mite in ngun, sumngo, sik, hak, leh, dalte kaikhawmin a tuisak dingun meikhuk sungah a khul bangin ka hehna tawh note hong kaikhawmin kong tuisuaksak mang ding hi.

Thu-hilhkikna 32:43

Minamte aw Topa’ mite tawh lungdam khawm un! bang hang hiam cih leh amah in a nasemte’ phu la a, a langte thukin, ama mite’ gam adingin kilemna bawl hi,” a ci hi.

Late 119:119

Nangmah in leitung migilote khempeuh sik-ek bangin na ngaihsun hi; tua ahih ciangin na teci pan’nate ke’n ka deih hi.

Isaiah 27:9

Amah in suang tawh kibawl biakna tau khempeuh suangkang satvui a bat sak ciangin Asherah milimte leh paknamtui taute a ding lai om nawn lo hi; hih thu hangin Jakob’ mawhna kimaisakin, a mawhna kilakkhiat sak hi.

Ezekiel 22:19

Tua ahih ciangin Topa Pasian ahi keimah in ka gen in-ah: Note in tua ngun-ek bangin na kiman’na uh om nawn lo ahih manin Jerusalem ah kong kaikhawm ding hi.

Jeremiah 9:6

Khat khit khat-in mite a bawl sia uh a, zuau zong a phuakphuak uh hi. Kei hong thei nuam lo uh hi, Topa in ci hi.