Isaiah 1:24 - Tedim Bible

²⁴ Tua ahih ciangin, Topa, Vanglianpen Topa, Israelte’ Vanglian Pa in hih bangin ci hi: “Ah, ka lang ahi note tungah ka hehna kong khahkhia ding a, ka gal ahi note tungah keimah in kong thuk ding hi.

Tedim Bible Revision 2017

²⁴ Tua ahih ciangin, Topa, Vanglian Topa, Israel-teʼ Vanglian Pasian in hih bangin ci hi: “Ah, ka lang ahi noteʼ tungah ka hehna kong khah khia dinga, ka gal ahi note tungah keimah in kong thuk ding hi.

Isaiah 1:24 Referans Kwoze

Isaiah 60:16

Nupi khat in a ta nawi pia-in limtakin a kep bangin, ninamte leh kumpite in nang hong vakin hong kem ding uh hi. Tua ciangin kei pen Topa, nangmah Honpa, nangmah Tankhiapa, Jakob’ Vanglian Pa ka hihna na thei ding hi.

Isaiah 61:2

Topa maipha ngah kum, a galte tungah Pasian phulak ding hun a tun’na thu a gen ding, a thuum mi khempeuh a hehnem ding;

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Isaiah 35:4

Lungsim lauthawng mite kiangah, “Thakhauh un, lau kei un! En un, na galte uh tungah phu hong laksak dingin Pasian hong pai ding a, amah in note hong honkhia ding hi,” ci un.

Thu-hilhkikna 28:63

Topa in note tungah a hoih bawlna leh note tampi phasakna ah nuam a sak mah bangin, note tungah siatna tun’sakna leh note suksiatna ah zong Topa in nuamsa ding hi; a luah dingin na lutna uh leitang panin note hong kilakhia ding hi.

Mangmuhna 18:8

Tua ahih ciangin ama gimna ahi sihna, kahna, kikona, kialpite in ni khat sungin a tung ding uh hi. Amah zong mei in a kang tum khin ding hi. Bang hang hiam i cih leh, ama tungah thu a khen Topa Pasian in a vanglian ahi hi.

Hebru 10:13

a galte khempeuh a khe ngakna nuai-ah a khiat dong matengin ngakin a om hi.

Ezekiel 21:17

Kei zong ka khut ka beng ding a, tua ciangin ka hehna dam ding hi. Topa ahi keimah in hih thu kong gen khin hi,” hong ci hi.

Ezekiel 16:42

Tua ciangin ka hehna dam ding a, dai takin ka om ding hi. Na tungah ka heh nawn kei ding a, zong kong aam nawn kei ding hi.

Ezekiel 5:13

“Ka lung a kim dongin kong hih ding a, ka hehna leh ka sinsona teng na thuak ding uh hi. Note tungah hih thute hong tun’ ciangin, note cihtaklohna hangin deihsakluatna tawh a hong heh pau ka hihna na phawk ding uh hi.

Isaiah 30:29

Ahi zongin no Pasian’ mite in ahih leh, biakna pawi a kikham ni zan a, bangin la na sa ding uh hi; Israelte’ Suangpi, Topa’ mual-ah a pai dingin tamngai aw gin’na zui-in a kuankhiate bangin na lungdam ding uh hi.

Thu-hilhkikna 32:43

Minamte aw Topa’ mite tawh lungdam khawm un! bang hang hiam cih leh amah in a nasemte’ phu la a, a langte thukin, ama mite’ gam adingin kilemna bawl hi,” a ci hi.

Jeremiah 50:34

Ahih hangin amaute a Tankhiapa hat a, a vanglian Topa kici hi. Amah in leitungah kilemna a om nading leh Babilon mite in gimna a ngah nadingin, amaute adingin a sem ding hi.

Isaiah 63:4

Ka mite ka hotkhiat nading hun ta ka sa a, a galte uh phulak ding hun hi ta hi, ci-in ka ngaihsun hi.

Piancilna 49:24

ahih hangin ama' thal liing loin om a, a khutte kizaptel sak hi, Jakob’ Vanglian Pa’ khut (Israel Suangpi, Tuucingpa’ min),

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Isaiah 59:18

Amau’ gamtatna bangin amah in thukkik ding a, amah a lang pangte daan pia ding a, ama galte tungah a hehna thukkik ding hi. A gamla pek-a om tuikulh gamte tungah zong thukkikna pia ding hi.

Jeremiah 9:9

Hih thute hangin daantat lo ding ka hi hiam? Topa in kong ci hi. Hih bang minam khat tungah ka phu la lo ding ka hi hiam?

Micah 5:15

Ka thu hong mang lo minamte tungah hehna tawh phu ka la ding hi.

Ezekiel 5:12

Note seh thum suah seh khat pen cina leh gilkialin khuapi sungah na si ding uh hi. Seh thum suah seh khat, khuapi kiim-ah namsau-in na si ding uh hi. A om lai seh thum suah seh khat ahih leh mun khempeuh ah hong thehthangin namsau tawh kong delh ding hi.