Isaiah 1:21 - Tedim Bible

²¹ A thutak khuapi, thutang tawh a kidim ngeisa, bang ci-a a paktat numei tawh kibang ta ahi hiam! Ama sungah thumanna om ngei a, ahih hangin tu-in mi thatte bek a om hi.

Tedim Bible Revision 2017

²¹ A thutak, thutang tawh a kidim ngeisa khuapi, bangci-a a paktat numei tawh kibang ta ahi hiam? Ama sungah thumanna omngei napi-in tu-in mi thatte bek a om ta hi.

Isaiah 1:21 Referans Kwoze

Mangmuhna 11:8

Amaute luangte zong a Topa uh singlamteh tungah a sihna khuapi ahi, a khiatna in Sodom leh Izipt a kici khuapi sungah a om lampi tungah a om uh a,

Mangmuhna 11:2

Biakinnpi pua lamah a om gawl sung teh kei in, siit in. Bang hang hiam na cih leh, tua gawl sung mun Gentailte ading a kipia zo hi. Amaute in Khuapi Siangtho zong kha sawmli leh kha nih tawntung a sik gawp ding uh hi.

Hebru 12:22

Note in Zion Mual ah ahi zongin, a nungta Pasian’ khua ahi vantung Jerusalem khuapi-ah ahi zongin, a kisim zo lo vantungmi tampi kikhopna-ah ahi zongin, vantung lai sungah a kikhum ta-upa pawl a kikhoppina leh pawlpi-ah ahi zongin, mi khempeuh thu a khen ding Pasian kiangah ahi zongin, kicin’na ah a tung midik mite lungsim khate kiangah ahi zongin, thuciamna thak kikham ahi Zeisu kiangah ahi zongin, Abel’ sisan sangin a phazaw a kigen sisan kitheh kiangah ahi zongin, na tung uh hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Luka 13:34

“Pasian’ kamsangte that a, na kiangah hong kisawlte zong suang tawh a deeng Jerusalem, Jerusalem khuapi aw, akpi in a nongeekte a kha nuai-ah a khop bangin, na tate tamveipi ka khawm nuam zo a; nang na ut kei hi.

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.

Hosea 11:12

Topa in hih bangin ci hi. Israel mite in zuauna leh khemna bekbek tawh kei hong khuhcip uh hi. Judah mite in zong a citak a Siangtho Pa keimah hong langpang lai uh hi.

Jeremiah 3:1

“Mi khat in a zi ma hen la, tua nu in zong amah nusia-in, pasal dang khat’ zi suak leh, a pasal masa in tua nu la kik thei ding ahi hiam? Tua gam teng a nin suaksak khin ding hilo ahi hiam? Nang in numei paktat suak-in mi tampi tawh kingai khin zo napi cin tu’n kei’ kiang hong zuankik ding na hi hiam? Topa in kong ci hi.

Isaiah 48:2

Note tua bang hi napi-in, khuapi siangtho sunga a teeng mite hi a, Israel Pasian i muang hi. Ama min in vanglian Topa ahi hi, ci-in na kisathei zaw lai uh hi.

Isaiah 5:7

Bang hang hiam cih leh Vanglianpen Topa’ leenggui lo pen Israel mite hi a, Judah mite pen lungdamna tawh a suan kungte ahi hi; amah in thutan’na lamen a, ahih hangin sisan luan’na om hi; thumanna lamen a, ahih hangin kahna om hi:

Late 48:8

Ka zaksa bangun, mi honte’ Topa’ khuapi sung, i Pasian’ khuapi sungah, Pasian in a phuh kip ngitngetsa ka mu uh hi.

Late 48:1

Topa lian hi, i Pasian khuapi sungah a mual siangtho sungah nakpi taka phat ding ahi hi!

Late 46:4

Sang Penpa’ ten’na khua siangtho ahi, Pasian’ khuapi, a lungdamsak gun khat a om hi.

Nehemiah 11:1

Tua ciangin Jerusalem ah mi makaite teeng uh hi; tua lo midang teng, amau’ lak pan mi sawm-ah khat, khuapi siangtho Jerusalem ah a teeng dingin aisaanna tawh kiteel uh a, a om lai mi sawm-ah kuate ahih leh khuapi dangte ah om uh hi.

2 KHANG TANGTHU NIHNATE 19:9

Tua ciangin amah in amaute thuhilh a: “Hih bangin Topa zahtakna, cihtakna, leh na lungsim khempeuh uh tawh na hih ding uh hi:

2 SAMUEL NIHNA 8:15

Tua ahih ciangin David in Israelte khempeuh uk hi; David in a mite khempeuh tungah thutang leh thuman zang hi.

Mangmuhna 17:1

Tua nung ciangin hai sagih a tawi vantungmite khat in hong pai-in kei kiangah, “Hih lai takah hong pai in, tui lianpi tungah tu-in a om a lian numei gilo in a thuak ding thukhenna kong musak ding hi.

Isaiah 1:22

Jerusalem khuapi aw, nguntang na bang ngei a, tu-in ngun-ek na suak hi. Leenggahzu limci na bang ngei a, tu-in tui mawkmawk na bang ta hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh nin hi; na mukte un zuau thu gen a, na leii un gitlohna thu gen hi.

Isaiah 59:14

Thutang kihawlkhia a, thuman in hong naih thei lo hi. Mi honpite kikhopna munah thuman kizang lo a, thutang tum thei lo hi.

Isaiah 59:15

Thuman om lo lua ahih manin siatna a pelh mipa pen mi hai-in kingaihsun zawsop hi. Topa in hih thu mu a, thutang om lo ahih manin amah a lungkim lo hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.

Habakkuk 1:4

Thukham in thu nei zo loin a mawkna suak a, thu a manin kisem ngei lo hi. Thutang thute kileh hei-in, migilote in thuman mite zo zawsop hi.

Isaiah 26:10

Mi gilote tungah na migit hangin a maanin gamtat ding thei thei tuan lo uh a, lungsim thutang mite’ gam sungah khialhna bawl lai veve uh hi. Amaute in Topa’ min liatna hong phawk nuam lo uh hi.