Isaiah 1:2 - Tedim Bible

² Vantungte aw, za un, leitung aw, ngai un; bang hang hiam cih leh Topa in thu hong gen khin zo hi: “Ka pattahsa tapate in kei hong lehdo uh hi.

Tedim Bible Revision 2017

² Vantungte aw, na za un; leitung aw, na ngai in; bang hang hiam cih leh Topa in thu hong gen khinzo a, “Ka pattah sa ka tate in kei hong lehdo uh hi.

Isaiah 1:2 Referans Kwoze

Thu-hilhkikna 32:1

“Vantungte aw, ngai un, thu ka gen ding hi; ka thugente leitung in za hen.

Thu-hilhkikna 30:19

Tu ni-in note lang khat ah teci a pang dingin vantung leh leitung ka sam a, note mai-ah na teel dingun nuntakna leh sihna, thupha leh samsiatna ka koih hi; tua ahih ciangin note leh na suan leh khakte uh na hin’ theih nadingun nuntakna teel un la,

Micah 1:2

No minam khempeuhte aw, hih thu za un. Leitunga teeng mi khempeuh aw, hih thu ngai un. Note’ lang khatah Topa Pasian in teci pang a, a vantung biakinn panin thu hong gen hi.

Thu-hilhkikna 4:26

Jordan gal khat luah dingin na paina leitang uhah na siat maimang baih nadingun note langkhatah teci pang dingin tu ni-in van leh lei ka sam hi; tua leitang tungah note sauvei na hing kei ding uh a, na sia maimang ding uh hi.

Late 50:4

A mite thu a khen theih nadingin tunglam vantung leh leitung a sam hi.

Malakhi 1:6

Vanglianpen Topa in siampite tungah hih bangin hong ci hi: “Tapa in a pa zahtak a, nasempa in a topa kihta hi. Keimah in na pa uh hi napi, bang hangin hong zahtak lo a, na Topa uh hi napi, bang hangin hong kihta lo na hi uh hiam? No siampte in kei hong simmawh napi-in, ‘Bang hong ci simmawh ka hi uh hiam?’ na ci lai uh hi.

Micah 3:8

Ahi zongin kei ka hih leh, Israel mite tungah a mawhna uh a gen khia dingin, Topa’ Kha vangliatna tawh kidimin, thutang gen ngamna lungsim ka nei hi.

Amos 3:1

Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Ezekiel 36:4

Tua ahih manin no Israel mualtung gamte aw, Topa Pasian ahi keimah in mual lian leh mual neute, luite leh guamte, a kisia-in a kinusia munte, leh a kiim-a minam dangte in luh gawpin a ciamnuih bawl khuapite tungah ka gen thute ngai un.

Jeremiah 22:29

Aw, ka gam, ka gam, ka gam aw, Topa! Kammal ngai dih ven!

Jeremiah 6:19

Leitung aw, ngai in! En in, hih mite tungah a thuak ding mah uh-a kilawm siatna ka tung sak ding hi; bang hang hiam cih leh ka thu hong ngai lo uh a, ka thukhamte a nial uh hi.

Isaiah 65:2

A hoih loin gamta-in, amau’ ngaihsutna bang a zui teitei a genhak mite lam nga-in, sun ni tawntungin ka khut ka zak hi.

Isaiah 30:9

Bang hang hiam cih leh amaute pen, a lehdo mite, a zuau thei tapate, Topa’ hilhna thu a ngai nuam lo mite ahi uh hi;

Isaiah 30:1

Topa in, kei’ ngimna hi lopi-in thu vaihawmna a sem khia, kei’ kha tawh lopi-in kipawlna dang a bawl manun khialhna a bawl thuahthuah; keimah thu hong dong lopi-in Faro’ hutna sung a beel ding leh Izipt’ liahna bukna a zong dingin Izipt gamah paisuk ding a, a kuankhia a genhak naupangte in gimna ngah ta hen!” a ci hi.

Jeremiah 31:9

Amaute kap kawmin hong pai ding uh a, keimah in hehnemin ka pikik ding hi. Tui omna lui geiah ka paipih ding a, lam nuamah paipih-in a tuk kei ding uh hi. Bang hang hiam cih leh Israel mite’ pa ka hi a, Efraim in ka tapa upapen ahi hi.

Jeremiah 13:15

Ngai un la, na bil uh ngat un; kisathei kei un, bang hang hiam cih leh Topa in thu a gen zo hi.

Thu-hilhkikna 1:31

Izipt gam sungah note mit muhah a hih bangin leh mi khat in a tapa a puak bangin hih mun na tun’ matengun lam tawntungah Topa na Pasian un note hong puak na muhsa uh gamlaka mah bangin, note mai-ah a pai Topa na Pasian un note’ adingin hong dosak ding hi,’ kong ci hi.

Sawltak 4:20

Kote ka hih uh leh, ka muhsa uh, ka theihsa uh thute gen loin ka om thei kei ding uh hi,” ci-in a dawng uh hi.

Late 49:1

Hih thu za un, mi khempeuh aw! Ngai un, leitung a teeng khempeuh,

Isaiah 31:6

Israel mite aw, nakpi tak-a na dopa uh’ lamah kihei kik un.

Isaiah 34:1

Minamte aw, thu za dingin hong nai un, mihingte aw, ngai un. Leitang leh a tunga om khempeuh aw, ngai un; leitung leh a tung pan a, hong paite khempeuh in ngai un.

Isaiah 63:16

Bang hang hiam cih leh, Abraham in kote hong huh loin, Israel in kote hong phawk loh hangin, nangmah in kote’ Pa na hi hi; Topa aw, nangmah in kote’ Pa na hi a, nangmah in tanglai pek pan kote hong Tankhia-pa na hi hi.

Jeremiah 3:22

Topa in, “Hong kilehkik un, a zulhzau ka tate aw, na zulhzauna uh kong damsak ding hi,” a ci hi. Amau in zong, “En in, nang kiangah kong pai uh hi; bang hang hiam cih leh Topa kote’ Pasian na hi hi.

Ezekiel 24:3

Topa Pasian ahi keimah in amaute’ adingin gentehna-in ka gen ahi hih thugentehna pen a lehdo thei ka mite tungah hih bangin gen in: Mei tungah beel suang in la, a sungah tui a dimin buk in.

2 KUMPI NIHNATE 21:22

amah in a pu a pate’ Pasian, Topa nusia a, Topa’ lampi tawn lo hi.

Micah 1:1

Judah gam kumpi Jotham, Ahaz, leh Hezekiahte’ hun laitakin, Moresheth khuami Mikah tungah Topa in hih bangin thupia hi. Samaria leh Jerusalem tawh kisai-in Topa in Mikah tungah hih thute lak hi.