Isaiah 1:19 - Tedim Bible

¹⁹ Note in utna lungsim nei-in thu na man’ nak uh leh lei pan-a piang a gah hoihte na ne ding uh hi;

Tedim Bible Revision 2017

¹⁹ Note in utna lungsim nei-in thu na man nak uh leh lei pan a piang a gah hoihte na ne ding uh hi.

Isaiah 1:19 Referans Kwoze

Isaiah 3:10

Amaute tungah thu hoih ding hi, ci-in thuman mite kiangah gen un, bang hang hiam cih leh amaute in amau gamtatna hoih a gah ne ding uh hi.

Joel 2:26

“Tu-in nek ding tampi nei-in na gil uh vah ding a, note’ adingin a lamdang nate a hong bawlsak, Topa na Pasian uh na phat ding uh hi. Tua ciangin ka mite hong kisimmawh nawn lo ding hi.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

Thu-hilhkikna 28:1

“Note in Topa na Pasian uh thu mangin, tu ni-a note kongpiak ahi ama thupiakna khempeuh lim takin na zuih uh leh, Topa na Pasian un leitung minam dang khempeuhte sangin a lianzaw-in note hong bawl ding hi.

Isaiah 25:6

Vanglianpen Topa in hih mual tungah mi khempeuh adingin anlim nekna pawi, a ciil mahmah leenggahzu nekna pawi, guhngek tawh a kidim an nekna, a siangtho leenggahzuciil nekna pawi bawl ding hi.

Isaiah 65:13

Tua ahih ciangin Topa Pasian in hih bangin ci hi: En un, ka nasemte in ne ding a, ahih hangin note na gilkial ding uh hi; en un, ka nasemte in dawn ding uh a, ahih hangin note na dangtak ding uh hi; en un, ka nasemte lungdam ding uh a, ahih hangin note na mai uh zum ding hi;

Jeremiah 7:5

“Bang hang hiam na cih uh leh na nuntakzia uh leh na gamtatnate uh na kikhel uh a, khat leh khat kikal-ah thuman thutak-a na vaihawm uh leh,

Jeremiah 21:8

Topa in Jeremiah hopih a, “Jeremiah aw, hih mite kiangah, ‘Topa in a cih-inah, En un, na mai uhah nuntakna lampi leh sihna lampi ka khung hi.

Haggai 1:12

Tua ciangin Shealtiel’ tapa Zerubbabel, Jehozadak’ tapa Joshua ahi siampi lianpa, leh salsuahna panin hong ciahkik mi khempeuh in Topa ahi amau’ Pasian’ thu mang uh a, Topa Pasian’ kamtai ahi kamsang Haggai’ gen bangin gamta-in, Topa zahtakin lau uh hi.

Siampi Laibu 25:19

Leitang in gah gahin, note in na kham takun ne-in, tua sungah lungmuang takin na teeng ding uh hi.

Siampi Laibu 26:3

“Note in ka thukham zui-in ka thupiaknate mangin tuate na sep uh leh,

Siampi Laibu 26:5

Na cil uh ante lenggah lawh hun dong kimang ding a, leenggah minte in lo pawi hun dong kimang ding hi; note in na kham takun na an uh na ne ding uh a, lungnuam takin na gam sung uhah na teeng ding uh hi.

Isaiah 58:14

Keimah biakna hangin lungdamna na ngah ding uh a, leitang a sanna munte ah kong tungsak ding hi. Na pu uh Jakob tungah ka piak leitang luahin nuam na sa ding uh hi. Topa ahi keimah in hih thu ka gen khin hi,” a ci hi.

Jeremiah 7:3

A vanglian Topa, Israel mite’ Pasian in hih bangin hong ci hi. Na nuntakzia uh leh na gamtatnate uh kikhel un. Tua hi leh hih munah kong teengsak bek ding hi.

Jeremiah 7:7

tanglai-a na pute na pate un a neih tawntung ding uh-a ka piak hih gam sungah ka hong teengsak ding hi.