Isaiah 1:18 - Tedim Bible

¹⁸ Topa in hih bangin ci hi: “Tu-in hong pai un la, thu kikum khawm ni; na mawhnate uh puansan a bat hangin vuuk bangin hong ngo ding hi; na mawhnate uh si bangin a san hangin tuumul bangin hong kaang ding hi.

Tedim Bible Revision 2017

¹⁸ Topa in hih bangin ci hi: “Tu-in hong pai unla, thu kikum khawm ni. Na mawhnate uh puansan a bat hangin vuk bangin hong ngo ding hi. Na mawhnate uh si bangin a san hangin tuumul bangin hong kang ding hi.

Isaiah 1:18 Referans Kwoze

Isaiah 44:22

Na thupalsatnate meiipi bangin, na khialhnate meiilum bangin ka phiatkhia khin zo hi; nang hong tan khin ka hih ciangin kei kiangah hong ciahkik in.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

Late 51:7

Puknah tawh hong nul in, kei ka siang ding hi; hong sil in, vuk sangin ka ngozaw ding hi.

Isaiah 41:21

Na thu uh sung un, Topa in ci hi; na lahtel nopna teng uh gen un, Jakob’ Kumpipa in ci hi.

Isaiah 41:1

Tuikulh gamte aw, gamdai takin ka thu ngai un; na mite a tha uh dimsak un la, amaute a mai-ah hong paisak un. Amaute thugen theihna ding hun ngah ding uh hi. Thukhen zumah kei tawh kisi nung.

ROM (Romans) 5:20

Khialhna a khan’ nadingin Thukham in zong a hong tum hi. Ahih hangin khialhna a khan’ hangin hehpihna a khang zaw semsem hi.

Sawltak 18:4

Paul in Nipi ni simin kikhopna inn sungah thuhilhin Judah mi leh Grik mite a zol hi.

1 SAMUEL MASA 12:7

Tua ahih ciangin tu-in note leh na pu na pate uh adingin Topa in hotkhiatna a sepna thu khempeuh Topa mai note tungah hong gen in kong mawhsak theih nadingin ding lai dih un.

Sawltak 17:2

Paul in a ngeina bangin kikhopna innah tumin, amaute kiangah Nipi ni thumvei Lai Siangtho thu panin tuate tawh kiseel a,

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

Sawltak 24:25

Paul in dikna thu, kidekna thu leh hong tung ding Thukhenna Ni thu a hilh ciangin Feliks Mangpa lau a, “Tu-in pai ta in. Tu nung a kilawm hun ciangin kong samkik ding hi,” a ci hi.

Micah 6:2

No mual liante leh a kip tawntung leitung bulpite aw, Topa a kinialna thu ngai un. Topa in ama mite tawh thu nei a, Israel tawh thu kisel ding hi.

JOB (Job) 9:33

Ko tegel kikalah thu hong khen ding khat om thei hen la, ko tegel tungah a aana hong zang ding khat om hi leh,

Isaiah 50:8

ka thumanna a langsakpa Pasian a nai-ah hong om hi; kei langah kua’n hong mawhsak ding ahi hiam? Thukhen zumah kimaisak nung, Thukhen zumah kua’n hong khia nuam ahi hiam? Hong langpang dingin hong kuan ta hen.

Isaiah 55:7

mi gilopa ama gitlohna nusia sak un la, thuman lopa ama ngaihsutna nusia sak un; amah in a hehpih theih nadingin Topa tung leh i Pasian tungah amah paikik sak un, bang hang hiam cih leh a mawhna maisiangsak ding hi.

Ezekiel 18:27

Mi gilo khat in a gitlohna panin khawlin a hoih a manin gamta leh ama nuntakna a suahtak ahi hi.

Ezekiel 33:16

Ama gamtatnasa mawhnate kimaisak ding hi. A man a hoih-in amah gamta ahih manin nungta ding hi.

Late 51:9

Ka mawhna na mai panin seel in la, ka khialhna khempeuh hong phiatkhiat sak in.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Isaiah 3:13

Topa in, thu pang dingin thukhenna munah ama panmun hong la a, ama mite thukhen dingin a ding hi.