Isaiah 1:16 - Tedim Bible

¹⁶ Note kisil tawm un la, a siangtho-in kibawl un; keima muhna-ah na gamtat siatnate uh paikhia un; siatna na bawlte uh khawl un la,

Tedim Bible Revision 2017

¹⁶ Note kisil tawm unla, a siangtho-in kibawl un. Keima muhna ah na gamtat siatnate uh pai khia-in, siatna na bawlte uh khawl un.

Isaiah 1:16 Referans Kwoze

1 PETER MASA 3:11

Gitlohna peelin, gitna bawl hen: Mi tawh kilem nading zongin, a phak dongin delh hen.

1 PETER MASA 2:1

Tua ahih ciangin Topa in a pha hi ci-in note in na ciam zo uh ahih leh, gitlohna khempeuh, mi kheemna leh simtatna leh en’na khempeuh, gensiatna apawl apawl khempeuh note in paaikhia-in hong gupkhiatna ah na khan’toh nadingun Pasian’ thu nawizu siangtho a duh a suak tung naupangte bangin lungsim na nei un.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Mattiu 3:8

Mawhna kisik kikna tawh kilawm gah na gah un.

Isaiah 52:11

Kihem un, kihem un, Babilon panin paikhia un la, a nin nate lawng kei un; Topa’ beel leh kuang a puate aw, ama sung panin paikhia un la, nomau kisian’suah tawm un.

Late 26:6

Topa aw, mawh baan’lohna ka lahna-in ka khutte ka sil a, biakna pia-in na biakna tau kim-ah ka pai hi;

ROM (Romans) 12:9

Simtat loin itna lungsim om ta hen. Gitlohna mudahin gamtat hoih beel un.

Sawltak 22:16

Tu-in zong bang ngak na hi hiam? Tho in, kibaptaiz in la, Pasian kiangah thugenin, na mawhna na kisawpsiang ding hi,’ hong ci hi.

Amos 5:15

Thusia mudahin thupha deih un la, thukhen zumah a manin thu khen un. Tua hi leh, Josef minam a suakta sunte tungah, Topa, mihonpite’ Pasian hong thunuam kha thei ding hi.

Jeremiah 25:5

Amaute in, ‘Tu-in na vekpi-un na giltohna uh leh na gamtat khialhnate uh panin na kihei uh leh Topa in note leh tanglai-a na pute na pate uh tungah na neih tawntung ding uh a, a hong piak gam sungah na teeng thei ding uh hi.

Late 37:27

Siatna panin kihem in la, gamtat hoih in; tua hi leh na kipsuak ding hi.

Late 34:14

Siatna panin kihemkhia in la, a hoih bawl in; nopna zong in la, delh in.

Late 51:2

Ka khialhna panin kei hong silsiang kiuhkeuh in la, ka mawhna panin hong siangsak in!

Paunak 4:27

Siatna peelin a maanin gamta in la, thuman lampi panin themcik zong pial kha kei in.

Paunak 21:3

Topa in biakpiakna sangin, thuman thutang deihzaw hi.

Jeremiah 18:11

Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.

Jeremiah 26:3

Amaute in na thu gen hong ngai-in, a gitlohna uh pan a kihei kha thei ding uh hi. Tua hi leh amau’ gitlohna hanga amau suksiat ding a, ka ngaihsut sa ka khelkik ding hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jonah 3:8

Mihing leh ganhingte in ippi puan silhin Pasian tungah nakpi-in kiko ta uh hen. Hi hi, mi khempeuh in a khialhnate uh leh a gitlohnate uh panin kihei ta uh hen.

Zekhariah 7:7

Jerusalem cithei-in a khua sungah mi tampi omin, leitaw lam gam, nitumna lam gam, a kim a pam khuapite-ah mi tampi teengin a om hun lai takin, tu-a mah bangin Topa in a kamsang masate’ tung tawnin a gensa thu ahi hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

2 KUMPI NIHNATE 17:13

Ahi zongin Topa in kamsangte khempeuh leh thu-mu-te khempeuh tung tawnin Israel leh Judah hilhkhol a, “Na pu na pate uh ka thupiak thukhamte khempeuh, leh kamsangte ahi ka nasemte tung tawnin note kiangah thu kong puak bangin na gamtat siate panun kihei-in ka thupiaknate leh ka thukhamte zui un,” a ci hi.