Isaiah 1:15 - Tedim Bible

¹⁵ Thu ngenin na khutte uh nong zaak uh ciangin note kiang pan ka mai ka seel ding a, thu tampi na nget uh hangin, ke’n ka ngai tuan kei ding hi; bang hang hiam cih leh note’ khut in sisan tawh kidim hi.

Tedim Bible Revision 2017

¹⁵ “Thungenin na khutte uh nong zaak uh ciangin note kong en kei dinga, thu tampi na nget uh hangin keʼn ka ngai tuan kei ding hi. Bang hang hiam cih leh sisan tawh noteʼ khut kidim hi.

Isaiah 1:15 Referans Kwoze

Micah 3:4

Topa tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Paunak 1:28

Tua bang hun ciangin kei nong sam ding uh a, ahi zongin kong dawng kei ding hi. Lim takin kei nong zong ding uh a, ahi zongin koi mah-ah nong mu kei ding uh hi.

Zekhariah 7:13

Amaute ka hopih ciangin hong ngai nuam lo uh hi; kei zong amaute’ hong thungetna ka ngai kei ding hi, Topa in ci hi.

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Late 66:18

Ka lung sungah mawhna kem leng, Topa in ka thu hong ngai lo ding hi.

1 KUMPI MASATE 8:22

Tua ciangin Israel a kikhawmte khempeuh omna Topa’ biakna tau mai-ah Solomon ding a, vantung lamah a khutte zak hi;

Isaiah 58:7

Na an uh a gilkialte tawh ne khawmin, inn nei lo mi zawngte a buk nading vaihawm sakin; tangguak-a om mi na muh uh ciangin puansilhsak a, na mi pihte uh kiang panin bu lo ding hilo na hi uh hiam?

Late 55:1

Pasian aw, ka thungetna hong ngai in la, kong thumna panin nangmah bu kei in!

JOB (Job) 27:20

Lauhuaina in tuikhang pak bangin nawk gawp ding a, zan ciangin huihpi in amaute mut khia mang ding hi.

1 KUMPI MASATE 8:54

Tu-in Solomon in hih thungetna leh thuumnate khempeuh Topa tungah a bawl khit ciangin, vantung lamah a khutte zan sa-in a khukdin’na mun Topa’ biakna tau mai panin amah ding to hi;

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Mattiu 6:7

Thu na nget uh ciangin, Gentailte bangin kam nainawng ci tuan kei un. Amau in kam tampi gen leeng ngai deuh ding a sa uh hi.

1 TIMOTI MASA 2:8

Tua ahih ciangin mun khempeuh ah pasalte in hehna, kinialna om loin a khut siangtho lamto-in thu a nget ding uh ka deih hi.

Isaiah 8:17

Jakob innkuante’ kiang panin a maitang a seel Topa ngakin amah ka muang ding hi.

Late 134:2

Siangtho mun lamah na khutte uh laamto un la, Topa phat un!

Ezra 9:5

Tua hi a, nitak biakpiak hun ciangin khua phawk kikin ka puan keekpi mah silh kawmin khukdin’in Topa ka Pasian’ lamah ka khut zaakin,

Johan 9:31

Pasian in mawhneite’ thu ngai lo hi ci-in eite i thei hi. Pasian zahtaka ama deihna a zui mite thu Pasian in a ngai hi.

Paikhiatna 9:29

Moses in ama' kiangah, “Khuapi panin ka paikhiat khit phetin Topa’ lamah ka khut ka zan ding hi; leitung in Topa’ aa hi ci-in na theih nadingin vanging tawpin gialpi om nawn lo ding hi.

JOB (Job) 35:13

Ngetnget, gengen a phattuamna bangmah om lo hi. Vanglian Pasian in na mu lo, na ngai lo hi.

Isaiah 45:15

A taktakin, Israelte’ Pasian, Honpa aw, nangmahmah a bucip Pasian na hi hi.

Isaiah 58:4

En un, note in a kitawng ding leh a kilai ding leh giloin khuttum tawh a kitum ding bekin an na tang uh hi. Tu ni-a hih bang lel-a antangin na thungetna uh hong kingai ding ahi hiam?

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.

Jeremiah 4:31

Nau suak ding numei kiko bang khat ka za hi, tacil a suak numei khat’ tauna tawh kibang hi. Zion’ tanu husam liang-a a kikona aw hi a, a khut tegel zakin, “Gimna ka thuak ding hi! Kei hong that ding uh hi!” a ci hi.

Jeremiah 11:11

Tua ahih ciangin Topa in kong cih-inah, en un, a suahtak theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Ezekiel 11:6

Hih khua sungah mi tampi tak that na hih manun kongzing khempeuh ah siluang hawm kidim hi.

Ezekiel 14:3

“Ezekiel aw, hih mite in milim bia uh a, milim in mawhna sungah amaute tun’ pih hi. Amaute’ thu theih nopte a gen dingin hong um uh ahi hiam?

Ezekiel 39:23

Tua ciangin kei tungah hong khialhna hangin Israel mite sal suak uh a, amaute nungngatin, a galte uh khut sungah pia-in gal sungah a vekun a sisak ka hihna,

Hosea 5:6

A tuute uh leh a bawngte uh tawh Topa tungah biakna pia dingin paipih ding uh a, ahi zongin a mawkna suak ding hi. Topa in amaute nusia khin ahih amanin amah mu zo lo ding uh hi.

Paunak 6:17

kihihsakna, zuauthu genna, mawhnei lo mi thahna,