Isaiah 1:14 - Tedim Bible

¹⁴ Note’ khadet nite leh na pawite uh ka mudah hi; tuate pen kei’ adingin van gikpi khat suak khin a, tuate ka puakna-in ka gim hi.

Tedim Bible Revision 2017

¹⁴ Noteʼ Khadet nite le na pawite uh ka mudah hi. Tuate pen kei adingin van gikpi khat suak khin a, tuate khempeuh ka puakna-in ka gim hi.

Isaiah 1:14 Referans Kwoze

Amos 5:21

Na biakna pawite uh mudahin ka deih kei a, na biak kikhopna te uhah ka lung a kim kei hi.

Isaiah 43:24

Kei’ adingin sum tawh paknamtui nong lei sak nai kei a, nangmah in biakna sa a thaute tawh nong taii sak nai kei hi. Ahih hangin nang in na khialhna tawh kei tungah vangik nong suan khin a, na mawhna tawh kei nong gimsak khin hi.

Amos 2:13

Tu-in, a puak buhlomte in bawngleeng a netcip suk bangin, note na omna mun uhah kong nengcip suk ding hi.

Isaiah 61:8

Bang hang hiam cih leh keimah Topa in thutang deihin, mi’ nate suhna leh khialhna ka mudah hi; amaute tungah amau thaman thuman takin ka pia ding a,, tawntung thuciamna amaute tawh ka bawl ding hi.

Isaiah 7:13

Tua ciangin Isaiah in, “David innkuan aw, ngai un! Mite na lunggim sakna uh thu neu sa a, ka Pasian zong lunggim sak na hi uh hiam?

Malakhi 2:17

Na thugen genna uh tawh Topa na gimsak uh hi. Note in, “Bangci gimsak ka hi uh hiam?” na ci uh hi. “Topa in a sia-a gamtate a hoihin ngaihsun a, zong itin amaute tungah lungkim takpi hi,” na cihna khawng uh leh, “A thutang gen Pasian koi lai-ah om ahi hiam?” ci-in na dotnate uh tawh na gimsak uh hi.

Zekhariah 11:8

Kha khat sungin tuucing thumte ka notkhia hi. Bang hang hiam cih leh amaute tungah ka lungduai zo nawn kei a, amaute in kei hong mudah uh hi.

Isaiah 29:1

Pasian’ biakna tau ahi Jerusalem khuapi, David in a sat khuapi in gim ngah ta hen. Kumte, a ban banin paipai sak un la, pawite a ngeina bangin kot paipai sak un.

1 KHANG TANGTHU MASATE 23:31

a mal zah a kisam bangin sabbath nite, khadet nite, leh pawi nite-in Topa tungah meihal biakna a kipiak peuhpeuh ciangin a tawntungin Topa mai-ah om ding uh hi.

Isaiah 29:2

Ahih hangin keimah in ‘Pasian’ biakna tau, a kici tungah gimna ka tungsak ding hi. Thuumna leh tauna om ding a, tua khuapi pen, biakna halna biakna tau suak ding hi.

Isaiah 66:23

Khadet khat pan khadet khat, sabbath khat pan sabbath khat, kunsukin keimah a bia dingin Jerusalem ah mi khempeuh hong pai ding uh hi, Topa in ci hi.

Hosea 2:11

Ama lungdam theihna, a kumsim pawite, a khasim pawite, a nipi sim pawite, a biakna kikhop khempeuh ka beisak ding hi.

Hosea 5:7

Topa’ tungah amaute citak lo uh a, midangte tawh zawlta nei uh hi. Tu-in amaute leh a neihsa khempeuh uh kisusia ding hi.