Isaiah 1:13 - Tedim Bible

¹³ Bangmah-a kimang lo piaknate hong paipih nawn kei un; paknamtui halna ka kih hi. Khadet ni, sabbath ni leh thupi tak-a na kikhopnate uh mawhna tawh kidim ahih manin ke’n ka thuak zo kei hi.

Tedim Bible Revision 2017

¹³ Bangmahin a kimang lo piaknate hong paipih nawn kei un. Paknamtui halna ka kih hi. Khadet ni, Sabbath ni le thupi takin na kikhopnate uh mawhna tawh kidim ahih manin keʼn ka thuak zo kei hi.

Isaiah 1:13 Referans Kwoze

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Mattiu 15:9

Mite’ thukham a hilh uh a, A mawkna-in kei hong bia uh hi,” a ci hi.

Ezekiel 20:39

Topa Pasian in, “Israel mite khempeuh aw, na milimte uh bia un! Ahih hangin tu-a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” hong ci hi.

Luka 11:42

“Farisaite aw, note in gimna na thuak ding uh hi. Bang hang hiam na cih uh leh, leengmasel leh anis leh meh namkim sehsawm suah sehkhat na piak uh hangin, aman thukhenna leh Pasian itna na nusia uh hi. Adangte tang lo tuan loin, hihte zong tan’ ding kilawm hi.

Joel 2:15

Zion mual tungah peengkul tumin, antan’ nading thu pia un la, biak kikhopna khat nei un.

Kah la 2:6

Amah i biakna Biakinnpi a zan gawpsak hi. Amah in ni siangtho nite leh sabbath nite a beisak hi. Kumpite leh siampite in a nasia Ama hehna a thuak khawm uh hi.

Efesa 4:30

Tatna’ Ni a tun’ dongin note hong ciamtehna ahi Pasian’ Kha Siangtho na dah sak kei un.

1 KORIN MASA 11:17

Ahih hangin note in hoih zawk nading hi loin, na siat zawk nadingun kikhawm na hih uh ciangin anuai-a thu kong piak mah bangin ka hong phat kei hi.

Joel 1:14

An tan’ ding thu pia un la, a thupi biak kikhopna bawl un. Note’ Topa Pasian’ inn sungah, makaite leh gam mi khempeuh khawm un la, Topa’ tungah kiko-in thuum un.

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Late 78:40

Amaute in gam lakah amah lehdo zelzelin, sehnel gam sungah amah dahsak uh hi!

1 KHANG TANGTHU MASATE 23:31

a mal zah a kisam bangin sabbath nite, khadet nite, leh pawi nite-in Topa tungah meihal biakna a kipiak peuhpeuh ciangin a tawntungin Topa mai-ah om ding uh hi.

Paikhiatna 12:16

A ni masa ni-in note in a siangtho kikhopna khat na nei ding uh a, a ni sagih ni-in zong a siangtho kikhopna khat mah na nei ding uh hi, tua sung tengin na bangmah kisem lo ding hi; ahih hangin na milip-un na huansa bek mah na ne thei ding uh hi.

Filippi 1:15

Mi kimkhatte in ki-en’na lungsim leh kitotna lungsim tawh Khazih’ thu a hilh uh hi.

Gamlak-vakna 10:2

“Ngun peengkul nih bawl in; tuate na bawl ciangin na seek ding hi; mi honte khop nading leh giahphual nusiat nadingin na zang ding hi.

Isaiah 66:23

Khadet khat pan khadet khat, sabbath khat pan sabbath khat, kunsukin keimah a bia dingin Jerusalem ah mi khempeuh hong pai ding uh hi, Topa in ci hi.

Hosea 2:11

Ama lungdam theihna, a kumsim pawite, a khasim pawite, a nipi sim pawite, a biakna kikhop khempeuh ka beisak ding hi.

Siampi Laibu 26:31

Keimah in na khuapite uh siasakin, na biakinnte uh gamkhing ka suaksak ding a, nomau’ gim namtuite ka diik kei ding hi.

2 KUMPI NIHNATE 4:23

Tua ciangin amah in, “Bang hangin tu ni-in ama kiangah pai ding na hi hiam? Kha det ni ahi a, sabbath ni ahi zongin hilo hi,” a ci hi. Amah in, “Hong hoih na ding hi,” a ci hi.

Paunak 7:14

”Tu ni-in biakpiakna ka bawl a, nek ding sa tampi ka nei hi.