Isaiah 1:11 - Tedim Bible

¹¹ Topa in hih bangin ci hi: “Note’ biak piakna a tampite pen kei’ tungah bang hi leltak ahi hiam? Tuutalte leh ganhing thaute’ sathau tawh meihal biaknate ka kham ta hi; bawng talte, tuunote, keltalte’ sisan-ah kei ka lungkim kei hi.

Tedim Bible Revision 2017

¹¹ Topa in hih bangin ci hi: “Noteʼ biakpiakna a tampite pen keiʼ tungah bang hi leltak ahi hiam? Tuutalte le ganhing thauteʼ sathau tawh meihal biaknate ka kham ta hi. Bawngtalte, tuunote le keelteʼ si tawh kei ka lungkim kei hi.

Isaiah 1:11 Referans Kwoze

Amos 5:21

Na biakna pawite uh mudahin ka deih kei a, na biak kikhopna te uhah ka lung a kim kei hi.

1 SAMUEL MASA 15:22

Tua ciangin Samuel in, “ Topa in meihal biaknate leh biakpiaknate, Topa’ thu man’ ding zahin deih ahi hiam? En in, biakpiakna sangin thuman’ ding hoihzaw a, tuutal thaute sangin thungaih ding hoihzaw hi.

Jeremiah 6:20

Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Micah 6:7

Topa kiangah, tuu a tul tulin va puakin, gun tui bangin sathau va luangsak leng, tuate tawh amah lungdam ding ahi hiam? Ka mawhnate maisak nadingin ka ta upa pen tawh va bia ding ka hi hiam?

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Late 50:8

Na biak piakna uh ah note kong mawhsak kei hi; na meihal biaknate uh ka mai-ah om ngitnget hi.

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Mattiu 9:13

‘Sagawh biakna sangin hehpihna ka deih zaw hi,’ a cihna thu na theih nadingun pai un la, va sin un. Miphate sam dinga hong pai ka hi kei hi. Mawhneite sam dinga hong pai ka hi hi,” a ci hi.

Late 51:16

Bang hang hiam cih leh ganhing tawh biakna na deih kei hi, meihal biakna nang hong pia hi ta-leng zong, nang na lungdam kei ding hi.

Jeremiah 7:21

“A vanglian Topa, Israel mite’ Pasian in hih bangin kong ci hi: Mei tawh haltum ding na meihal biaknate uh hal nawnloin, sa nek theih kithoihnate tawh kibangin ne vet un.

Mattiu 22:4

Khatvei, adang nasemte sawl a, ‘Kei ka pawikham nading ka kisa khin zo hi. Ka bawng leh bawngno thaute kigo khin zo hi. Na khempeuh a baihsa-in a om hi. Mopina pawi sungah hong hawh ta un,’ ci-in ka khohsate va hilh kik un,’ ci-in a sawl hi.

Gamlak-vakna 7:45

meihal biak nadingin bawngtalno khat, tuutal khat, kum khat a pha tuuno a pa khat;

Late 40:6

Gan gawh biakna leh khawhsa tawh biakna na deih kei hi; ka bil nong hon’sak hi. Meihal biakna leh mawhmai biakna zong na kulsak kei hi.

Paunak 21:3

Topa in biakpiakna sangin, thuman thutang deihzaw hi.

Isaiah 58:2

Amaute pen, thuman-a a gamta, amaute’ Pasian’ biakna ngeina kipte a nusia lo minam bang keekin, ni simin amaute in kei hong zong uh a, keima lampite thei nuam uh hi; amaute in keima kiang panin a maan thukhenna hong ngen uh a, Pasian kiangah nai nuam uh hi.

Hosea 6:6

Gan tawh nong biakna uh sangin a kip a kho nong itna uh ka deih zaw hi. Meihal biakna sangin kei nong theih ding uh ka deih zaw hi.

Amos 5:22

Meihal biakna leh an tawh biakna nong paipih uh hangin, tuate kong sang kei ding a, Thu-nuam-a biakpiak nading a, nong paipih uh a thau mahmah ganhingte zong, et-in ka nei vet kei ding hi.

Haggai 2:14

Tua ciangin Haggai in thu gen a, “Topa in hih bangin ci hi: Tu-a nong dawn’na uh mah bangin hih mite’ sepna khempeuh ah tua bangin piang ahih manin, biakna tau tungah a piak uh na khempeuh a nin suak hi.

Zekhariah 7:5

“Gam sung mi khempeuh leh siampite tungah hih bangin gen in: Amaute in a beisa kum sawmsagih sung kha ngana leh kha sagihna sungin an tangin a kahna uh, kei hong pahtawina uh hi lo hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Amos 4:5

Lungdam kohna-in silngo sawh anlum va pia un la, ut thu-a biak piaknate va pia-in va kisial un. Hihte pawl in note’ hih nop pawl ahi hi, Topa in ci hi.