Isaiah 1:10 - Tedim Bible

¹⁰ Sodom a uk mangte aw, Topa’ thu za un! No Gomorrah mite aw, i Pasian’ hilhna ngai un!

Tedim Bible Revision 2017

¹⁰ Sodom a uk mangte aw, Topa’ thu na za un! No Gomorrah mite aw, i Pasianʼ hihna na ngai un!

Isaiah 1:10 Referans Kwoze

Mangmuhna 11:8

Amaute luangte zong a Topa uh singlamteh tungah a sihna khuapi ahi, a khiatna in Sodom leh Izipt a kici khuapi sungah a om lampi tungah a om uh a,

Ezekiel 16:49

Na sanggamnu’ mawhna in: Amah leh a tanute in nek ding tampi nei-in nuamsa mahmahin dai takin om uh ahih manin amaute kiphasak uh a, a zawng a cimawhte don lo uh hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note ka hong bawl a, Izipt panin note ka hong paikhiatpih bangin, Kaftor gam panin Filistia mite ka paihkhiatpih a, Kir gam panin Siria mite ka paikhiatpih hi.

Ezekiel 16:46

Na u nu in leilu lam-a om Samaria leh a khuaneute ahi hi. Na nau nu in leitaw lam-a om Sodom leh a khuaneute ahi hi.

Jeremiah 23:14

Ahih hangin Jerusalem khua-a kamsangte sungah a mulkimhuai zaw na khat ka mu hi. Angkawmin zuauthu a gen uh a, mite a gitlohna uh pan a kikhel loh nadingin mi hoihlote a hanthawn zawlai uh hi. A vekpiun kei’ muhna-ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Isaiah 3:9

Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Thu-hilhkikna 32:32

Bang hang hiam cih leh amau’ leenggui in Sodom leenggui pan leh Gomorrah lote panin hong pai ahi hi; amau’ leenggahte in gu a nei leenggah hi a, amau’ leenggah bawkte a kha hi;

ROM (Romans) 9:29

Isaiah in:, “Vantung Topa in eite ading khaici hong omsak lai hi kei leh, Eite in Sodom leh Gomorrah khuate i bang zo ding hi,” ci-in a masa-a a gen bang ahi hi.

Amos 3:8

Humpinelkai a hawk ciangin, kua lau loin om thei ahi hiam? Topa Pasian in thu a gen ciangin, kua in ama thu gen loin om thei ding ahi hiam?

Amos 3:1

Israel mite aw, note lang khata Topa’ thugen, hih thu lim takin ngai un: Izipt gam panin na minam bup-un note kong paikhiatpih hi.

Jeremiah 9:26

Izipt mite, Judah mite, Edom mite, Ammon mite, Moab mite leh a sam uh a mettom sehnel gam-a omte khempeuh zong ka daantah ding hi. Bang hang hiam na cih leh hih gamte khempeuh in vun a at kei uh a, Israel mi khempeuh zong a lungsim sung uhah vun at lohpi ahi uh hi.

Isaiah 28:14

Tua ahih ciangin Jerusalem khua sungah hih mite a uk, midangte a kote aw, Topa’ thu za un!

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Piancilna 13:13

Tu-in Sodom mite mi gilo uh a, Topa’ tungah nakpi tak-a a khialte ahi uh hi.

Isaiah 30:9

Bang hang hiam cih leh amaute pen, a lehdo mite, a zuau thei tapate, Topa’ hilhna thu a ngai nuam lo mite ahi uh hi;

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Ezekiel 13:2

“Ezekiel aw, Israel kamsangte mawhsakna gen in. “Topa’ thugen ngai in,’ ci khemin amau’ lungsim bangin thu a gente’ tungah gen in.

Micah 3:1

Israel a uk makaite aw, hih thu ngai un. Note in thutang thuman a deih dinga kilawm hi napi-in,

Ezekiel 16:35

“Tua ahih ciangin numei paktat aw, Topa’ thu ngai in.