Isaiah 1:1 - Tedim Bible

¹ Judah gam kumpite ahi Uzziah, Jotham, Ahaz leh Hezekiahte’ hun lai in, Amoz’ tapa Isaiah in Judah gam leh Jerusalem khua tawh kisai a muh mangmuhnate in:

Tedim Bible Revision 2017

¹ Judah gam kumpi ahi Uzziah, Jotham, Ahaz le Hezekiah-teʼ hun lai-in Amozʼ tapa Isaiah in Judah gam le Jerusalem khua tawh kisai a maangmuhnate:

Isaiah 1:1 Referans Kwoze

2 KHANG TANGTHU NIHNATE 26:1

Tua ciangin Judah mi khempeuh in kum sawm-le-guk a pha Uzziah la-in a pa Amaziah tangin kumpi-in koih uh hi.

2 KUMPI NIHNATE 18:1

Israel kumpipa, Elah’ tapa Hoshea’ kum thumna kumin, Judah kumpipa, Ahaz’ tapa Hezekiah in uk ding kipan hi.

Isaiah 7:1

Uzziah’ tapa Jotham, Jotham’ tapa Ahaz ahi Judah kumpipa’ hun lai takin, Siria kumpipa Rezin leh Remaliah’ tapa Pekah ahi Israel kumpipa in Jerusalem khuapi sim dingin kuanto uh a, ahih hangin amaute in zo zo lo uh hi.

Isaiah 6:1

Uzziah Kumpipa a sih kumin, a sang mahmah, a lian kumpi tokhom tungah Topa a tu ka mu hi; ama kumpi puanpi pen biakinn sung teng dim hi.

Isaiah 2:1

Judah gam leh Jerusalem khua tawh kisai Amoz’ tapa Isaiah muhna thu in:

Late 89:19

Hunlui lai-in na thuman mipa tungah mang sungah thu genin hih bangin na ci hi: A vanglian khatpa tungah lukhu ka koih zo a, mite lak panin a kitengkhia mi khat ka liansak zo hi.

Gamlak-vakna 24:16

Pasian’ thute a za, Sang Penpa’ thutheihna a thei, Vanglianpa’ mangmuhna a mu, mang mu napi-in a mit in khua a mu thei mipa’ thugen in:

Amos 1:1

Tekoa khua-a teeng tuucingte lakah Amos a kici mi khat om hi. Uzziah in Judah kumpi hi-in, Joash’ tapa Jeroboam in Israel kumpi a sep laitak, zinlin’ ma kumnih hun lai takin, Pasian in Amos tungah hih thute kilangsak hi.

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.

Isaiah 40:9

Zion ah lungdamna thu hong puakpa aw, mualsang dawnah kahto in. Jerusalem ah lungdamna thu hong puak pa aw, nakpi takin awng in la, lungdamna thu taangko in. Nakpi takin kiko in la, lau kei in. Judah gam khuapite tungah, “Na Pasian uh hong pai ta hi,” ci-in gen in.

Isaiah 21:2

A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

2 KUMPI NIHNATE 15:32

Israel kumpipa, Remaliah’ tapa Pekah’ kum nihna kumin, Judah kumpipa, Uzziah’ tapa Jotham in uk ding kipan hi.

2 KUMPI NIHNATE 15:7

Tua ciangin Uzziah a pate tawh ihmu a, amaute in David khuapi sungah a pate tawh amah vui uh a, tua ciangin ama tangin a tapa Jotham in uk hi.

2 KUMPI NIHNATE 15:1

Israel kumpipa Jeroboam a nihna’ kum sawmnih-le-sagihna kumin Judah kumpipa, Amaziah’ tapa Uzziah in uk ding kipan hi.

Sawltak 26:19

“Tua ahih ciangin Agrippa Kumpipa aw, vantung mangmuhna ngai loin ka om kei hi.

Sawltak 10:17

Piter in a mangmuhna a cihnopna bang ahi hiam ci-in a lunghihmawh lai takin, Kornelias in a sawl mite in, “Simon’ inn koi lai-ah a om hiam?” ci-a a dot khit uh ciangin inn kongkhak mai-ah ding-in

Mattiu 17:9

Amaute mualtung pan a kumsuk lai takun Zeisu in, “Mihing Tapa in sihna pan a thawhkik matengin, tua mangmuhna thu kuamah kiangah na gen kei un,” ci-in a nungzuite a kham hi.

Habakkuk 2:2

Tua ciangin Topa in hih bangin hong dawng a, “Nang ka hong muhsak thu khempeuh, a sim nop mahmah dingin tungman peek tungah gelh in.

Nahum 1:1

Hih in Nineveh khua tawh kisai thugenna hi a, Elkosh khuami Nahum’ mangmuhna a kiciamtehna lai ahi hi.

Micah 1:1

Judah gam kumpi Jotham, Ahaz, leh Hezekiahte’ hun laitakin, Moresheth khuami Mikah tungah Topa in hih bangin thupia hi. Samaria leh Jerusalem tawh kisai-in Topa in Mikah tungah hih thute lak hi.

Hosea 1:1

Judah kumpite Uzziah, Jotham, Ahaz, Hezekiah, leh Israel kumpi Joash’ tapa Jeroboam’ hun lai-in Be-eri’ tapa Hosea tungah Topa in thu na gen hi.

Gamlak-vakna 24:4

Pasian’ thute a za, Vanglianpa’ mangmuhna a mu, mang mu napi-in a mit in khua a mu thei mipa’ thugen in:

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.

2 KORIN NIHNA 12:1

Keimah in kisaktheihna ka bawl ding a kilawm loh hangin ka bawl ding hi. Ahih hangin Topa hong muhsak mangmatna leh thupiakkholhna thu kong gen ding hi.

Gamlak-vakna 12:6

Amah in, “Ka thu za un: Note lakah kamsang a om leh Topa keimah in ama tungah mangmuhna tawh ka kilak a, amah tawh mang sungah ka kiho hi.

2 KUMPI NIHNATE 15:13

Judah kumpipa Uzziah’ kum sawmthum-le-kuana kumin Jabesh’ tapa Shallum in uk ding kipan a, amah in Samaria ah kha khat sung uk hi.

2 KUMPI NIHNATE 19:2

Tua ciangin amah in inn sung a ukpa Eliakim, leh lai-atpa Shebna, leh siampi luite puanhampi silhsakin Amoz’ tapa kamsangpa Isaiah kiangah sawl hi.

2 KHANG TANGTHU NIHNATE 26:22

Tu-in Uzziah gamtatna a om laite, a patna panin a tawpna dong, Amoz’ tapa, kamsang Isaiah in gelh hi.

2 KHANG TANGTHU NIHNATE 27:1

Jotham in uk ding a kipatin kum-sawmnih-le-nga pha a, amah in Jerusalem ah kum sawm-le-guk sung uk hi. Ama nu’ min in Jerushah hi a, Zadok’ tanu ahi hi.

2 KHANG TANGTHU NIHNATE 28:1

Ahaz in uk ding a kipatin kum sawmnih pha a, amah in Jerusalem ah kum sawm-le-guk sung uk hi. Amah in a pu David bangin Topa’ mit-ah a man gamta lo a,

2 KHANG TANGTHU NIHNATE 29:33

A ki-ap biaknate in bawngtal zaguk leh tuu tulthum ahi hi.

Isaiah 20:2

Tua hun ma kum thum lai takin Topa in Amoz’ tapa Isaiah tung tawnin thu genin, “Na puanhampi suah in la, na khe panin na khedapte suah in,” a ci hi. Amah zong tua mah bangin gamta-in, tangguak leh kheguak tawh lam pai hi.

Isaiah 37:2

Tua ciangin amah in, inn sung saipa Eliakim, lai-atpa Shebna leh siampi khangham teng dahna limin puanhampi silh kawmin Amoz’ tapa kamsangpa Isaiah kiangah sawl hi.

Isaiah 38:1

Tua hun lai takin Hezekiah a ci na-in si dektak hi. Amoz’ tapa, kamsangpa Isaiah ama kiangah hong pai-in, “Topa in hih bangin ci hi: Na innsung thu ding vaihawm in; bang hang hiam cih leh nang na si ding hi, na damkik zo kei ding hi, hong ci hi,” ci-in gen hi.

Ezekiel 1:1

Kum sawm thum ka phak kum, a kha lina, a ninga ni-in Babilon gam-a om Khebar Gun gei-ah sal-a om Judah midangte tawh ka om lai takin maang ka mu hi. Tua ka maang muhna-ah van hong kihong a, Pasian ka mu hi

Amos 4:5

Lungdam kohna-in silngo sawh anlum va pia un la, ut thu-a biak piaknate va pia-in va kisial un. Hihte pawl in note’ hih nop pawl ahi hi, Topa in ci hi.