Hosea 9:9 - Tedim Bible

⁹ A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in daan tat ding hi.

Tedim Bible Revision 2017

⁹ A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amauʼ mawhnate thei-in gim a pia ding hi.

Hosea 9:9 Referans Kwoze

Hosea 10:9

Gibeah khua-a a khialh uh-a kipanin kei tungah hong khialhna uh Israel mite tawp nai lo uh hi. Tua ahih manin Gibeah khua-ah gal in amaute pha ding hi.

Thukhente 19:16

En in, puteek khat lo-a a nasepna panin nitak ciangin hong ciah hi; tua-pa in Efraim mualtung gam pan hi a, amah in Gibeah-ah a peem ahi hi; tua mun-a mite in Benjamin mite ahi hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Isaiah 31:6

Israel mite aw, nakpi tak-a na dopa uh’ lamah kihei kik un.

Isaiah 24:5

Ama tunga teengte in leitung ninsak uh hi; bang hang hiam cih leh amaute in thukhamte mang loin, ngeina kipte palsat uh a, tawntung thuciamna peel uh hi.

Thukhente 19:12

A Topa in ama kiangah, “Israel mite a hilo gamdang mite’ khuapi sungah kihei-in i pai kei ding hi; Gibeah-ah i paisuak ding hi,”a ci hi.

Thukhente 20:43

Amaute in Nohah panin nisuahna lamah Gibeah gal ciang dong Benjamin mite delhin tuancilin vatgawp uh hi.

Jeremiah 14:10

Hih mite tawh kisai-in Topa in hih bangin a gen hi: “Amaute in hih bangin kei kiang panin vakkhia kawikawi nuam uh a, a kidek kei uh hi. Tua ahih manin Topa in amaute ka sang kei a, a khialhnate uh phawk-in, a mawhnate uh ka daantat ding hi.”

Hosea 4:9

Mite’ thuak dinga kilawm daantahna mah siampite in zong thuak ding uh a, amau’ gamtatna bangin daan pia-in amau’ siatna bangin ka thukkik ding hi.

Hosea 5:8

Galdo nading zaksakna-in Gibeah khua-ah tuutal’ ki tum un la, Ramah khua-ah peengkul tum un. Beth-aven khua-ah pataukohna gingsak un. Benjamin mite aw, kithawi un!

Hosea 7:2

Amau’ gamtatsiatna khempeuh ka phawk lam tak amaute in ngaihsutin nei kha lo uh hi. Amau’ mawhna in amaute gakcip a, ka muhna mahmah-ah om gige uh hi.

Hosea 9:8

Ama mi Israelte a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasian’ gam sung teekteek mahmah ah mite pen kamsangpa’ gal suak mawk hi.

Zefaniah 3:7

Tua ahih manin ka mite in kei hong zahtakin, amau ka thuhilhnate mangngilh lo ding hi, ci-in ka ngaihsun hi. Ahi zongin a gamtatsiat ngei bangin gamta lai veve uh hi,” ci hi.

Paikhiatna 32:7

Topa in Moses' kiangah, “Pai suk in; bang hang hiam cih leh Izipt leitang panin nangmah in na paikhiatpih toh mite amau leh amau kisiasak uh hi;

Thukhente 19:22

Amaute in a lung uh nuamsakin a om lai takun, en in, tua khuapi mi, mi gina lote in tua inn kimkotah pangin a kongkhak tum uh hi; amaute in inn neipa puteekpa kiangah, “Ama taw ka luktheih nadingun na innah a hong tung mipa hong paikhiatpih in,” a ci uh hi.

Ezekiel 21:28

“Ezekiel aw, mailam thu gen in la, Topa Pasian ahi keimah in Israel mite a simmawh bawl Ammon mite tawh kisai-in ka thugen, hih bangin amaute kiangah gen in: A vatlum dingin namsau khat a baihsa-in om a, mi thah nadingin kinawtngil a, khuaphia bangin a tee zialzial dingin kibawl hi.