Hosea 9:8 - Tedim Bible

⁸ Ama mi Israelte a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasian’ gam sung teekteek mahmah ah mite pen kamsangpa’ gal suak mawk hi.

Tedim Bible Revision 2017

⁸ Ama mi Israel-te a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasianʼ gam sung teekteek mahah mite pen kamsang paʼ gal a suak mawk hi.

Hosea 9:8 Referans Kwoze

Hosea 5:1

No siampite aw, hih thu ngai un! No Israel mite aw, thu don un. Kumpipa’ innkuante aw, Ngai un! Note in midangte tungah thu a khen ding hi napi-in, note tungah thukhenna hong tung ding hi. Bang hang hiam cih leh note in mite’ awk nadingin Mizpah mual-ah thang na hi uh a, mite’ awk nadingin Tabor mual-ah ngen thang na hi uh hi.

Ezekiel 3:17

“Ezekiel aw, Israel minamte’ galvilpa dingin nang kong koih hi. Nangma tungah ka hong gen hilhkholhnate khempeuh amaute tungah na gen sawn ding hi.

Micah 7:4

Amaute lakah a hoih pen a, kineite lingkung bang hi a, a thutang pen a, kineite, linghiam bang hi lel uh hi. Pasian in amaute a hilhkholh bangin, a daan piak ding hun hong tung ta a, a lungman’ ding hun uh hi ta hi.

Isaiah 62:6

Jerusalem aw, na kulhte tungah galvilte ka koih khin hi; sun tawntung leh zan tawntungin amaute tawlnga ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitungah phatna-in a bawl kik matengin amaute tawlnga lo ding uh hi.

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Johan 15:24

Midangte in a bawl ngei loh nalamdangte amaute lakah bawl lo hi leng, mawhna a nei kei ding uh hi. Ahih hangin tu-in amaute in hih nalamdangte mu khin napi-in kei leh ka Pa hong mudah veve uh hi.

Ezekiel 33:7

“Ezekiel aw, tu-in Israel mi nam khempeuhte’ galvilpa dingin nang kong koih hi. Nang tungah kong piak hilhkholhna khempeuh amaute tungah na gen sawn ding hi.

Kah la 4:13

Hih thu a hong piang hi. Kamsangte leh siampite in mawhna a bawl manun mi siangtho midikte’ sihna a hong piang hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Jeremiah 31:6

Bang hang hiam cih leh Efraim mualtung panin gal vilte in, ‘Tho un! Zion khua-ah, Topa, i Pasian kiangah va pai ni,’ ci-a hong kiko hun uh hong tung ding hi,” a ci hi.

Jeremiah 14:13

Tua ciangin keimah in, “Aa, Topa Pasian aw, en dih in, Kamsangte in amaute kiangah, ‘Note in namsau ahi zongin, kial ahi zongin na mu kha kei ding uh a, hih munah lungnopna kip Pasian in hong pia ding hi,’ a ci uh hi,” ka ci hi.

Jeremiah 6:17

Topa in, “Peengkul tumna aw ngai dingin galvil ding mi ka koih hi,’ kong ci hi,” a ci hi. Ahih hangin amau in, “Ka ngai kei ding uh hi,” a ci uh hi.

Jeremiah 6:14

Amaute in ka mite’ thuaknate thupisim sak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Solomon la 3:3

Khuasung cing a, pai kawikawite ka tuak a, “Ka ngaihno na mu uh hiam?” ci- in ka dong hi.

2 KUMPI NIHNATE 13:21

Tua ciangin amaute in mi khat a vui lai takun, en in, a sim dingin a hong pai mihon khat mu uh a, amau zong a misi uh Elisha’ han sungah lawn uh hi; a misi in Elisha’ guhte a sukkhak phetin hingkik a, tua ciangin ama khe-in ding hi.

2 KUMPI NIHNATE 7:19

galkap ukpa in Pasian’ mipa dawngin, “Topa mahmah in vantungah kongvangneute hong bawl leh zong, hih bang thu hi thei ding ahi hiam?” a ci hi. Tua ciangin amah in, “Nangma mit mahmah tawh hih thu na mu ding a, ahih hangin nang in na ne kei ding hi,” a ci hi.

2 KUMPI NIHNATE 7:2

Tua ciangin a ban tungah kumpipa a kingapna galkap ukpa in Pasian’ mipa kiangah, “Topa mahmah in vantungah kongvangneute hong bawl leh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu ding a, ahih hangin nang in na ne kha kei ding hi,” a ci hi.

2 KUMPI NIHNATE 5:27

Tua ahih ciangin nangma tung leh na suan-le-khakte tungah Na-aman’ phakna hong belh tawntung ta hen,” a ci hi. Tua ahih ciangin Gehazi ama omna panin vuk bangin kaangin a phakin paikhia hi.

2 KUMPI NIHNATE 5:14

Tua ahih ciangin Pasian’ mipa kamgen bangin amah paisukin Jordan sungah sagih vei kidiah hi; tua ciangin a ci-le-sa naupangno’ ci-le-sa bangin a ngei bang kikin amah siang hi.

2 KUMPI NIHNATE 4:43

Ahih hangin a nasempa in, “Mihing zakhatte’ mai-ah keimah in hih bangci lui theih ding ka hi hiam?” a ci hi. Tua ahih ciangin amah in, “Amaute in a nek theih nadingun mite tungah tuate pia in, bang hang hiam cih leh Topa in, ‘Amaute in ne-in khamval ding uh hi,’ ci hi,” a ci kik hi.

2 KUMPI NIHNATE 4:41

Amah in, “Tua ahih leh a an tawm hong la un,” a ci hi. Tua ciangin amah in beel sungah tua an lawn a, “Amaute in a nek theih nadingin mite’ adingin thukkhia un,” a ci hi. Tua ciangin bangmah ci nawn lo hi.

2 KUMPI NIHNATE 2:21

Tua ciangin tuinak ah amah pai-in a sungah ci lawnin, “Topa in hih bangin ci hi, hih tui a hoihin ka bawl khin hi; tu-a kipanin sihna ahi a, tatolhna ahi zongin piangsak nawn lo ding hi,” a ci hi.

2 KUMPI NIHNATE 2:14

Tua ciangin amah in ama tung panin a kiakhia Elijah’ puan la-in tui sat a, “Elijah’ Pasian, Topa koi-ah om na hi hiam?” a ci hi. Amah in tui a sat khit ciangin a pang khat leh a pang lang khatah a tui kikhen hi; tua ciangin Elisha pai-in galkah hi.

1 KUMPI MASATE 22:28

Tua ciangin Mikaiah in, “Lungnuam takin nong ciahkik leh Topa in kei tung tawnin thu hong gen lo ahi hi,” a ci hi. Tua ciangin amah in, “No mi khempeuhte aw hih ka thugen za un,” ci thuah lai hi.

1 KUMPI MASATE 22:22

Topa in ama kiangah, ‘Bang lam tawh zol ding na hi hiam?’ a ci hi. Amah in, ‘Keimah paikhia-in, ama kamsangte khempeuh’ kam sungah zuau thei kha ka va hi ding hi,’ a ci hi. Tua ciangin amah in, ‘Nangmah in amah a va zol ding na hi a, nangmah in na zo ding hi; paikhia in la, tua bangin hih in,’ a ci hi.

ROM (Romans) 3:7

Keima thuzuau hanga Pasian’ thuman in a vangliatna a khan’sak leh, bang hangin kei mawhna nei bang hong khen lai ding hiam?

1 KUMPI MASATE 22:11

Tua ciangin Khene-anah’ tapa Zedekiah in ama adingin sik kite bawl a, “Topa in hih bangin ci hi: ‘Amaute a kisuksiat matengin hihte tawh Siria mite na nawt ding hi,’ ci hi,” a ci hi.

1 KUMPI MASATE 22:6

Tua ciangin Israel kumpipa kamsangte mihing zali bang khawmin amaute tungah, “Ramoth-gilead a sim dingin ka kuan ding hiam, ahih kei leh ka thuak ding hiam?” a ci hi. Amaute in, “Kuanto in; bang hang hiam cih leh Topa i kumpipa’ khut sungah hong pia ding hi,” a ci uh hi.

1 KUMPI MASATE 18:19

Tua ahih ciangin tu-in mi sawl in la, Karmel Mual kei kiangah Israelte khempeuh, leh Jezebel’ sabuai-ah an a ne Baal kamsang zali leh sawmnga leh Asherah kamsang zalite hong khawm in,” a ci hi.

1 KUMPI MASATE 18:1

Ni tampi khit a kum thumna kumin Elijah tungah Topa’ thu hong tung a, “Pai in, Ahab kiangah nangmah kilak in; tua ciangin keimah in leitungah guah ka zusak ding hi,” a ci hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Late 124:7

Thangsiahte thangzak panin vasa a suahtak bangin eite i suakta hi; thangkhau kibottat a, eite i suakta khin ta hi.

Thuhilh-sia 9:12

Mihing in ama hun ding thei ngei lo hi. Thang-ah a awk vasate, ngen-ah a awk ngasate tawh i kibang hi. Lam-et loh hun laitak keekin, hun sia sungah mihingte i tung hi.

Jeremiah 23:13

Samaria kamsangte’ sungah, a muhthadah huai khat ka mu hi; Baal min suangin thu a hilh uh a, Israel ka mite lam a pialpih uh hi.

Hosea 9:7

Daan tahna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Note’ mawhna hang leh note in kei nong muhdah luat manun, “Hih kamsangpa mi hai hi; hih thumu-pa lungsim kicing lo hi,” nong ci uh hi.

Hosea 9:9

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in daan tat ding hi.

Jeremiah 11:19

A kithatlum dinga kipaipih mawhna nei lo tuuno bang ka hi hi. Amaute in, “Singkung a gah phat hun lai takin phuktan ni; ama’ min a kiphawk nawn loh nadingin, amah that lum ni,” ci-in a gen uh, kei hong sawmna uh ahih lam ka thei kei kha hi.