Hosea 9:7 - Tedim Bible

⁷ Daan tahna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Note’ mawhna hang leh note in kei nong muhdah luat manun, “Hih kamsangpa mi hai hi; hih thumu-pa lungsim kicing lo hi,” nong ci uh hi.

Tedim Bible Revision 2017

⁷ Gim thuakna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Noteʼ mawhna hang le note in kei nong muhdah luat manun, “Hih kamsang pa mihai hi; hih thumu pa lungsim kicing lo hi,” nong ci uh hi.

Hosea 9:7 Referans Kwoze

Micah 7:4

Amaute lakah a hoih pen a, kineite lingkung bang hi a, a thutang pen a, kineite, linghiam bang hi lel uh hi. Pasian in amaute a hilhkholh bangin, a daan piak ding hun hong tung ta a, a lungman’ ding hun uh hi ta hi.

2 KUMPI NIHNATE 9:11

A topa’ nasemte kiangah Jehu hong pusuah ciangin amaute in ama kiangah, “Thu khempeuh a hoih hiam? Bang hangin hih mi haipa nang kiangah hong pai ahi hiam?” a ci uh hi. Tua ciangin amah in amaute kiangah, “A mipa leh a thugen na thei uh hi,” a ci hi.

Marka 3:21

Ama lawmte in a zak uh ciangin a man dingin a pai uh hi. Bang hang hiam i cih leh, “Amah a hai hi,” a ci uh hi.

Ezekiel 13:3

Topa Pasian’ thugen in hih bang ahi hi: hih kamsang haite in gimna thuak ding uh hi. Amaute in amau’ lungsim bangin thugen tawmin, maangmu kineih uh hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Jeremiah 10:15

Kiman’na nei lo, a haihuaipi hi a, a kidaantah ni ciangin a kisia ding uh hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

2 KORIN NIHNA 5:13

Bang hang hiam na cih uh leh, mihai hi le-ung Pasian ading ka hai uh hi. Mipil hi le-ung note ading mipil ka hi uh hi.

Luka 21:22

Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Ezekiel 13:10

Bang hang hiam cih leh thu hoih lo napi-in hoih hi, ci khemin ka mite lam na kai khial uh hi. Ka mite in kulh dingin suang a cian’ uh ciangin no kamsangte in a tungtham buan tawh na zut uh hi.

Jeremiah 29:26

‘Topa in siampi Jehoiada taangin nangmah siampi-in hong koih khin zo a, Topa’ biakinnpi sungah a ukpi ding na hi ta hi. Tua ahih manin thu a hilh mawkmawk kamsang bang a, a gamta mihaite thongkia sakin kol na bulh ding hi.

Mangmuhna 16:19

Khuapi in seh thumin a kikhen hi. Gam sungah a om khuapite zong a cim uh hi. Babilon khuapite zong Pasian’ hehna lianpi leenggahzu hai a dawnsak dingin Pasian mai-ah tua khuapi kiciamtehin a om hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak a, amau’ angsung ding bek khualna-in Pasian’ thukham lehhei uh hi.

Amos 8:2

Topa in, “Amos aw, bang na mu hiam?” hong ci a, “Seeng sunga kikoih singgah min ka mu hi,” ci-in ken zong ka dawng hi. Tua ciangin Topa in, “Ka mi Israelte adingin a bei hun uh tung ta hi. Amaute daan ka piak ding ka khawl nawn peuhmah kei ding hi.

Hosea 9:8

Ama mi Israelte a vil dingin kamsang nasemin Pasian in kei hong sawl hi napi-in, ka paina khempeuh ah vasa bangin thang nong siah uh a, Pasian’ gam sung teekteek mahmah ah mite pen kamsangpa’ gal suak mawk hi.

Ezekiel 38:23

Hih bangin hihna tawh keimah in a lian a siangtho ka hihna thu, minam khempeuh tungah ka langsak ding a, tua ciangin Topa ka hihna thu amaute in hong thei ding uh hi,” hong ci hi.

Ezekiel 25:17

Amaute nakpi takin daan pia-in, a kicing zah dongin amaute tungah phu ka la ding a, ka hehna thuak ding uh hi. Tua ciangin Topa ka hihna thu hong thei ding uh hi.” hong ci hi.

Jeremiah 46:21

A galkap cialte nangawn amau lakah bawngno dawng hat lote a bang lel uh hi. Pangin do tentan lo uh a, nungkikin a tai kek uh hi. Bang hang hiam cih leh amau’ kisiat ding ni, amau’ daan thuak ding ni hong tung zo hi.

Jeremiah 16:18

Amaute’ khialhna leh a mawhnate uh a zah nih-in ka thuk ding hi; bang hang hiam cih leh amaute in a muh thadah huai siluang hawmte tawh kibang milimte tawh ka gam a ninsak uh a, kihhuaina tawh ka gam a dimsak uh hi,” hong ci hi.

Jeremiah 11:23

Anathoth khua mite tungah siatna tungsak a, ka daantah hun ciangin a nungta lai kuamah a om nawn kei ding hi,” a ci hi.

Jeremiah 8:11

Amaute in ka mite’ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 6:14

Amaute in ka mite’ thuaknate thupisim sak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Isaiah 44:25

zuau thu gente’ hilhkholhna limte a siasakpa, aisante pen mihai a suaksakpa, mi pilte lehhei kikin, amau’ thu theite haina a suaksakpa;

Isaiah 34:8

Topa in Zion a hotkhiat ding, phulak ni khat nei hi. A galte a thuksak ding hun khat nei hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Jeremiah 23:13

Samaria kamsangte’ sungah, a muhthadah huai khat ka mu hi; Baal min suangin thu a hilh uh a, Israel ka mite lam a pialpih uh hi.

Jeremiah 25:14

Bang hang hiam cih leh gam tampi leh kumpi liante in amaute salin a man ding uh a, amau’ gamtatna amau tungah ka thukkik ding hi.”

Ezekiel 9:10

Tua ahih manin amaute kuamah ka zah kei ding a, kuamah ka khasiat kei ding hi. Amaute’ gamtatna, amaute tung mah ka tusak ding hi,” hong ci hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Hosea 14:1

Israelte aw, note’ Topa Pasian lamah kihei kik un. Na mawhna hangun note na puk khin uh hi.

Hosea 5:9

Daan thuak ni hun hong tun’ ciangin Israel mite in siatna thuak ding uh hi. A tung taktak ding thu, Israel mite’ lakah a gen ka hi hi.