Hosea 9:6 - Tedim Bible

⁶ Lungkhamna hun hong tungin, mite na kithehthang uh ciangin, Izipt mite in note hong saangin hong kaikhawm ding a, amau gam Memfis khuapi-ah vui ding bek na hi uh hi. Na inn na lote uh, kiak leh lopa in khuhcip lel ding hi.

Tedim Bible Revision 2017

⁶ Lungkhamna hun hong tungin, mite na kithehthang uh ciangin, Egypt mite in note hong kaikhawm dinga, amau gam Memfis khuapi ah vui ding bek na hi uh hi. Na inn na lote uh, kiak le lopa in khuhcip lel ding hi.

Hosea 9:6 Referans Kwoze

Hosea 10:8

Israelte in milim bia-in mawhna a bawlna munte kisusia ding a, a biakna taute uh tungah ling leh kiak po ding hi. Tua ciangin mite in mual liante kiangah, “Hong vuk cip un,” ci ding uh a, mual neute kiangah, “Hong deng cip un,” ci ding uh hi.

Isaiah 5:6

Lo khul-in ka bawl ding hi; kipuah loin, kikho lo ding a, lingkung leh lingte khang ding hi; ama tungah meiite in zong guah a zuksak loh nadingin thu ka pia ding hi.

Hosea 9:3

Bang hang hiam cih leh Topa’ gam sungah na om suak kei ding uh a, Izipt gamah pai kikin, Assiria gam sungah an siang lo na ne ding uh hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Hosea 7:16

Amaute, kei lam hong nga loin, Baal pasian lam nga tawntung uh hi. A khakna san ding a kha thei lo thal peu tel tawh kibang uh hi. Amau’ kiphatsak pauna hangun a uliante uh namsau-in si ding uh a, Izipt mite in, amaute nuihsan lel ding uh hi.

Isaiah 7:23

Tua ciangin ngun shekel tul khat a man leenggui tul khat a omna mun khempeuh pen lingkungte leh lingte suak ding hi.

Hosea 11:11

Izipt gam panin vasa bangin lawp takin hong leeng ding uh a, Assiria gam panin vakhu bangin hong leeng ding uh hi. Tua ciangin keimah in amaute’ inn ngeisa-ah ka tun’pih kik ding hi, Topa in ci hi.

Hosea 7:13

Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.

Isaiah 34:13

Kumpi inn liante sungah lingkung po ding a, kulh a nei khua sungah laho kung leh thangling kung po ding hi. Ngiate’ an zon’na mun suakin, kalaoh-vasate’ omna hi ding hi.

Isaiah 27:12

Israel mite aw, tua ni ciangin Eufrates gunpi panin Izipt Luipi dongin Topa in tuancil ding a, note khat khatin hong kikaikhawm ding hi.

Isaiah 19:13

Zoan uliante mihai suak khin a, Memfis uliante zong hai khin uh hi: minamte a makaih ding a, kineite mah in Izipt mite lam khialhpih khin hi.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Paunak 24:31

ka et ciangin a locing bup-ah kiak dim a, a leitang khempeuh lopa in khuh a, a umna a phungcian’ suangte kicim khin hi.

2 KUMPI NIHNATE 13:7

Bang hang hiam cih leh Jehoahaz’ adingin galkap sakol tung tuang sawmnga leh leeng sawm leh khe galkap tulsawm bang bek om lai hi; bang hang hiam cih leh Siria kumpipa in amaute susia-in ancilna a, leivui bangin amaute bawl hi.

1 SAMUEL MASA 13:6

Israel mite in amaute haksatna sungah a om lam uh a kimuh uh ciangin (bang hang hiam cih leh galte in amaute neh mahmah uh hi), mite suanghawm sung, leihawmte sung, suangte sung, hante sung leh tuikhukte sungah bu uh a,

Jeremiah 2:16

Tham loin, Memfis leh Tahpanhes mite in zong a luguh a suktap sak zo hi.

Jeremiah 42:22

Tua ahih manin na teen’ nopna mun uhah namsau tawh thahna, gilkialna leh pulnatna tawh sihna na thuak ding uh hi, ci-in tu-in tel takpi-in thei ta un,” a ci hi.

Jeremiah 44:1

Izipt gam Migdel khua, Tahpanhes khua, Memfis khua leh leitaw lamah a teeng Judah mite tawh kisai-in Topa in Jeremiah hopih a,

Jeremiah 46:14

“Izipt gam leh Migdol khua-ah va gen un; Memfis khua leh Tahpanhes khua-ah va tangko un: ‘Kigalging sa leh kithawi sa-in om un, bang hang hiam cih leh namsau-in note hong kithat khin ding hi,’ va ci un.

Jeremiah 46:19

Sal-a hong kipaipih ciang ading na puanlomte uh, zial khol un, no Izipt gama teengte aw! Bang hang hiam cih leh Memfis khua in gamlak suak ding a, kisia-in kuamah teeng lo ding hi.

Ezekiel 30:13

“Milim khempeuh ka susia ding a, Memfis khuapi-a pasian man lote ka beisak ding hi. Izipt gam a uk ding om nawn lo ding a, mi khempeuh lau-in ka liingsak gawp ding hi.

Ezekiel 30:16

Izipt gamsung ka hal ding a, Pelusium khuapi in gimna lianpi thuak ding hi. Thebes khuapi kulh kicim ding a, tui in a khuapi tuum ding hi. Memfis in lungkham paisuak ding hi.

Hosea 2:6

Tua ahih ciangin amah a paikhiat zawh loh nadingin ling ka kaihnelh ding a, a kimkotah kulh ka ciang ding hi.

Hosea 7:11

Israel in a khem nop kawl vakhu hai tawh kibang hi. Izipt-te kiangah huhna va ngen masa uh a, tua ciangin Assiria-te kiangah va tai uh hi.

Zefaniah 1:11

Khuapi Veng Nuainung sunga teeng mite aw, hih bang gamlumna na zak uh ciangin kapin thuum un. Bang hang hiam cih leh sumbukte khempeuh kisia ding uh hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Jeremiah 44:12

Izipt gama teeng ding a, lungsim a khensat khin Judah mi a om laite, a vekpi-un ka si sak khin ding hi. Izipt gamah namsau tawh kithat sakin kial tawh ka puksisak ding hi. A neu penpen-a kipan a golpen dongin namsau leh kialpi tawh a si ding uh a, mite’ lipkhap, mite in kihaamsiatna-in a zat leh, mite’ simmawh ka suaksak ding hi.

Jeremiah 44:13

Jerusalem khua ka siatsak bangin Izipt gama teeng mite namsau tawh, kialpi tawh, pulnatna tawh sihna ka thuaksak ding a,