Hosea 9:17 - Tedim Bible

¹⁷ Amaute in a thu ngai lo uh ahih manin ka Pasian in a mite nial ding hi. Minam dangte lakah a vakvai mite suak ding uh hi.

Tedim Bible Revision 2017

¹⁷ Amaute in a thu ngai lo uh ahih manin ka Pasian in a mite a nial ding hi. Minam dangte lakah a vakvai mite a suak ding uh hi.

Hosea 9:17 Referans Kwoze

Hosea 7:13

Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.

Sawltak 3:23

Tua kamsangpa’ thugenna a ngai lo khempeuhte in amau pawl lak pan kimangthangsak ding hi,’ a ci hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn lohna ding uh hilh uh hi. Ahi zongin amaute in ka thu ngai nuam loin, ka thu hong mang lo uh hi.

Micah 7:7

Ahi zongin kei ka hih leh Topa ka en ding a, kei hong suaktasak Pasian ka ngak ding hi. Ka Pasian in ka thu hong ngai ding hi.

Isaiah 48:18

Ka thupiakna a ngai hi hoh leteh! Nangma nopsakna pen gunpi bang ding a, na thumanna pen tuipi tuihualte tawh kibang ding hi;

Amos 9:9

Keimah in thu ka pia ding a, anhaihna ciang tawh an a kihaih mah bangin keimah in Israel mite ka lok niloh ding hi. A hoih lo teng a kipaihkhiat theih nadingin minam dangte lakah ka haih ding hi.

Hosea 4:10

Amaute in pasian dangte a bia dingin kei kiang panin kihei khia uh ahih manin biak piakna a sa tanhte uh a nek hangun a gil uh vah tuan lo ding hi. Mi pun’na ding deihna-in biakna piakna-in numei tawh mawhna a bawl uh hangin mi pung tuan lo ding hi.

Isaiah 7:13

Tua ciangin Isaiah in, “David innkuan aw, ngai un! Mite na lunggim sakna uh thu neu sa a, ka Pasian zong lunggim sak na hi uh hiam?

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Late 31:14

Ahih hangin keimah in nang kong muang hi, Topa aw, “Nangmah in keima Pasian na hi hi,” kong ci hi.

Nehemiah 5:19

Pasian aw, hih mite’ adingin ka bawlna khempeuh kei’ adingin a hoih lamin hong phawk in.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

2 KHANG TANGTHU NIHNATE 18:13

Ahih hangin Mikaiah in, “Topa in a nungta ahih mah bangin, ka Pasian’ gen thu ka gen ding hi,” a ci hi.

Thu-hilhkikna 32:26

Keimah in, “Amaute gamlapi ah ka thehthang ding a, mite lakah amaute a kiphawkna ka beisak ding hi,” ka ci thei ding hi,

Jeim 1:1

Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Filippi 4:19

Ka Pasian in ama vangliatna tawh kipawl hauhna a om mah bangin, note kisapna khempeuh Khazih Zeisu sungah hong kicingsak ding hi.

Johan 20:28

Thomas in, “Ka Topa leh ka Pasian aw,” a cih ciangin,

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Johan 7:35

Tua ahih ciangin, Judah mite in, “Ei muh zawh loh dingin amah koilam pai ding hiam? A kitheh zak a, om Grik mite lakah pai ding a, Grik mite kiangah thu a hilh ding hiam?

Amos 8:2

Topa in, “Amos aw, bang na mu hiam?” hong ci a, “Seeng sunga kikoih singgah min ka mu hi,” ci-in ken zong ka dawng hi. Tua ciangin Topa in, “Ka mi Israelte adingin a bei hun uh tung ta hi. Amaute daan ka piak ding ka khawl nawn peuhmah kei ding hi.

Jeremiah 6:30

Amaute a kideih lo ngun a kici ding uh hi, bang hang hiam cih leh Topa in amaute ka deih kei hi.”

Thu-hilhkikna 4:25

“Note in tu leh ta nei-in gam sungah mi khangham na suah uh ciangin, na khatpeuh peuh tawh a kibang lim-in a kiseek milim bawlna leh Topa na Pasian uh muhna ah a sia bawlna tawh amah a hehsak dingin na siat gamtat uh leh,

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na om lai ding uh hi.

Jeremiah 7:13

Tu-in zong, hih nate khempeuh na hih uh a, kong gengen hangin hong ngai tuan loin kong sap hangin hong dawng lo na hih manun, Topa in kong cih-inah,

Jeremiah 7:15

Efraim’ suan-le-khak ahi leilu lam-a na behte khempeuh uh ka paihkhiat bangin note zong ka muhna panin kong paaikhia ding hi.

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.